Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ملالہ یوسف زئی کوامن کے نوبیل انعام کیلئے نامزد کرنا ہی ایک ایک پاکستانی کیلئے باعث فخر ہے، الطاف حسین


ملالہ یوسف زئی کوامن کے نوبیل انعام کیلئے نامزد کرنا ہی ایک ایک پاکستانی کیلئے باعث فخر ہے، الطاف حسین
 Posted on: 10/11/2013
ملالہ یوسف زئی کوامن کے نوبیل انعام کیلئے نامزد کرنا ہی ایک ایک پاکستانی کیلئے باعث فخر ہے، الطاف حسین
ملالہ نے پاکستان کے گھٹن زدہ ماحول میں علم کی شمع روشن کرکے ثابت کردیا ہے کہ پاکستان انتہاء پسندوں کا نہیں بلکہ امن پسندوں کا ملک ہے۔ تعلیم یافتہ قوم اور تعلیم یافتہ پاکستان ہی ہمارے سیاسی ، معاشی ، سماجی اور دیگر مسائل کا حل ہے
لندن۔۔۔11، اکتوبر2013ء
متحدہ قومی موومنٹ کے قائد جناب الطاف حسین نے کہا ہے کہ قوم کی بیٹی ملالہ یوسف زئی کو امن کے نوبیل انعام کیلئے نامزد کرنا ہی پاکستان کیلئے خوشی اور فخر کی بات ہے اورہمت وجرات کے پیکرملالہ یوسف زئی پر پوری قوم کوفخر ہے ۔ ایک بیان میں جناب الطاف حسین نے کہاکہ ملالہ یوسف زئی نے کمسنی کے باوجود خوف ودہشت کے ماحول اور انتہائی کڑے وقت میں حصول علم کی جدوجہد جاری رکھی اور اس جدوجہد میں ہمت وجرات کی روشن مثال قائم کی۔ ملالہ یوسف زئی نے عزم وہمت، ثابت قدمی اور جرات کا پیکر بن کر وہ مثال قائم کی ہے جو رہتی دنیا تک ظلم وجبر کے ماحول میں حصول علم کی خواہش رکھنے والے طلباوطالبات کیلئے مشعل راہ کی حیثیت رکھے گی۔انہوں نے کہاکہ ملالہ یوسف زئی نے جس طرح خوف ودہشت کے ماحول میں بھی تعلیم کا سلسلہ جاری رکھا اس پر پوری قوم، ملالہ یوسف زئی کیلئے دعا گو ہے ۔انہوں نے کہاکہ ملالہ یوسف زئی کو نوبل انعام نہ ملنے پر قوم مایوس نہیں کیونکہ امن کے نوبیل انعام کیلئے ایک پاکستانی کو نامزد کرناہی اس بات کا ثبوت ہے کہ پاکستان انتہاء پسندوں کا نہیں بلکہ امن پسندوں کا ملک ہے۔ جناب الطاف حسین نے کہاکہ تعلیم یافتہ قوم اور تعلیم یافتہ پاکستان ہی ہمارے سیاسی ، معاشی ، سماجی اور دیگر مسائل کا حل ہے لہٰذا ایک ایک پاکستانی کا فرض ہے کہ وہ نہ صرف خود زیورتعلیم سے آراستہ ہو بلکہ اپنے بچوں کو بھی حصول علم کی ترغیب دے ۔

12/9/2016 3:19:05 PM