یوسف شاہوانی کے ہمراہ متحدہ قومی موومنٹ کے نمائندہ وفد کا جناح اسپتال کا دورہ

کراچی:۔۔۔10، اکتوبر2013ء

متحدہ قومی موومنٹ کے نمائندہ وفدنے رکن رابطہ کمیٹی یوسف شاہوانی کے ہمراہ جناح ہسپتال کادورہ کیااور ایم کیوایم کے قائد جناب الطاف حسین کی جانب سے جناح اسپتال میں زیرعلاج صوبہ بلوچستان کے شہرآواران سے کراچی منتقل کئے گئے زلزلے سے شدید متاثرہ زخمیوں کی عیادت کی اوران کی خیریت دریافت کی۔وفدمیں حق پرست ارکان سندھ اسمبلی اشفاق منگی،محترمہ سمیتا سید اور بلوچستان کمیٹی کے رکن عبد الخالق بلوچ کے علاوہ دیگر شامل تھے۔ وفدکے ارکان نے اسپتال میں زیرعلاج مریضوں سے ملاقات کی اوران کی جلد ومکمل صحت یابی کیلئے خصوصی دعاکی۔وفدنے زخمیوں اوراسپتال میں موجوددیگر اہل خانہ اورمعصوم بچوں میں عیدالاضحی کیلئے قائدتحریک الطاف حسین کی جانب سے سیلے سلائے ملبوسات کے تحائف تقسیم کیے۔اس موقع پرمریضوں نے مصیبت کی گھڑی میں ساتھ دینے پرجناب الطاف حسین کاتہہ دل سے شکریہ اداکیااوران کے حق میں دعائیں کیں۔