ریاستی مظالم اور سیاسی سرگرمیوں پرپابندیوں کے خلاف لندن میں 10ڈاؤننگ اسٹریٹ پرایم کیوایم کااحتجاجی مظاہرہ

Posted on: 5/13/2018

ریاستی مظالم اور سیاسی سرگرمیوں پرپابندیوں کے خلاف لندن میں 10ڈاؤننگ اسٹریٹ پرایم کیوایم کااحتجاجی مظاہرہ
مظاہرے میں رابطہ کمیٹی کے کنوینر ڈاکٹرندیم احسان، ڈپٹی کنوینرقاسم علی رضا ،اراکین رابطہ کمیٹی، کارکنوں ، خواتین اوربچوں کی شرکت
پشتونوں اورسول سوسائٹی کے افراد نے بھی ایم کیوایم کے مظاہرے میں شرکت کی اور اپنی یکجہتی کااظہارکیا
ایم کیوایم کے وفدنے10ڈاؤننگ جاکر برطانیہ کی وزیراعظم ٹریزامے کے نام ایک عرضداشت بھی پیش کی
حکومت برطانیہ ریاستی مظالم اورانسانی حقوق کی خلاف ورزیوں کورکوانے کے سلسلے میں اپنااثررسوخ استعمال کرے۔ پٹیشن میں اپیل

ایم کیوایم کے خلاف جاری ظالمانہ آپریشن ، مہاجروں کے ماورائے عدالت قتل، جبری گمشدگیوں ،گرفتاریوں اورایم کیوایم کی سیاسی سرگرمیوں اورقائدتحریک الطاف حسین کی میڈیاکوریج پر عائد غیرقانونی پابندیوں کے خلاف ایم کیوایم یوکے کے زیراہتمام آج بروز اتوارلندن میں 10ڈاؤننگ اسٹریٹ پربرطانیہ کے وزیراعظم کی سرکاری رہائش گاہ کے سامنے احتجاجی مظاہرہ کیا گیا۔ مظاہرے میں ایم کیوایم کی رابطہ کمیٹی کے کنوینر ڈاکٹرندیم احسان، ڈپٹی کنوینرقاسم علی رضا ، رابطہ کمیٹی کے دیگرارکان، یوکے کے آرگنائزرہاشم اعظم، آرگنائزنگ کمیٹی کے ارکان اوردیگرذمہ داران کے ساتھ ساتھ لندن کے مختلف چیپٹرز، برمنگھم ، مانچسٹر، بریڈفورڈ اوردیگر علاقوں سے بھی کارکنوں ، نوجوانوں، خواتین اوربچوں نے شرکت کی ۔ مظاہرین نے اپنے ہاتھوں میں ایم کیوایم کے پرچم، قائد تحریک جناب الطاف حسین کے پورٹریٹ، شہداء اورلاپتہ ساتھیوں کی تصاویر اورمختلف پلے کارڈز اٹھائے ہوئے تھے جن پر کارکنوں کے ماورائے عدالت قتل، جبری گمشدگیوں، غیرقانونی گرفتاریوں اورمہاجروں پر ڈھائے جانے والے ریاستی مظالم کے خلاف مذمتی کلمات تحریر تھے ۔ مظاہرین مسلسل We want justice .. wake up-wake up-UK wake up مہاجروں کاقتل عام۔۔۔ بند کرو اوردیگرنعرے لگاتے رہے ۔ سیاحوں نے بھی ایم کیوایم کے اس مظاہرے میں دلچسپی کامظاہرہ کیااورایم کیوایم کے کارکنوں سے مظاہرے کے بارے میں دریافت کیا۔ اس موقع پر وہاں پشتون تحفظ موومنٹ سے اظہاریکجہتی کی غرض سے مظاہرے کیلئے جمع ہونے والے پشتونوں اورسول سوسائٹی کے افراد نے بھی کچھ دیرکیلئے ایم کیوایم کے مظاہرے میں شرکت کی اورمہاجروں سے اپنی یکجہتی کااظہارکیا۔ اس موقع پر تمام شرکاء نے مل کرکافی دیر تک ’’یہ جو دہشت گردی ہے ۔۔۔ اس کے پیچھے وردی ہے‘‘ کے نعرے لگائے ۔بعد ازاں رابطہ کمیٹی کے ڈپٹی کنوینرقاسم علی رضا، رابطہ کمیٹی کے ارکان مصطفےٰ عزیزآبادی، سفیان یوسف، یوکے کے آرگنائزر ہاشم اعظم، جوائنٹ آرگنائرز سہیل خانزادہ اورفنانس سیکریٹری آصف سعید پرمشتمل وفد نے 10ڈاؤننگ جاکر برطانیہ کی وزیراعظم ٹریزامے کے نام ایک پٹیشن بھی پیش کی ۔ اس پٹیشن میں 2013ء سے ایم کیوایم کے خلاف جاری آپریشن،ایم کیوایم کے کارکنوں، رابطہ کمیٹی کے ڈپٹی کنوینراوربزرگ استاد پروفیسرڈاکٹرحسن ظفر عارف کے ماورائے عدالت قتل، کارکنوں کی جبری گمشدگیوں ،گرفتاریوں،قائدتحریک الطاف حسین کی میڈیاکوریج پر عائد غیرقانونی پابندیوں اورایم کیوایم کی سیاسی سرگرمیوں پرعائدپابندیوں کی مجموعی صورتحال پر اپنی تشویش کااظہارکیاگیاہے اوربرطانوی حکومت سے اپیل کی گئی ہے کہ وہ ان ریاستی مظالم اورانسانی حقوق کی خلاف ورزیوں کورکوانے کے سلسلے میں مداخلت کرے اوراپنااثررسوخ استعمال کرے۔

*****

12/14/2025 7:52:33 PM

صرف جنرل فیض حمیدکو سزادینا ادھوراانصاف ہے ... 14 Dec 2025	میں نے کبھی یہ درس نہیں دیا کہ لائسنس یافتہ اسلحہ حاصل کرکے کسی کی آب... 14 Dec 2025
سانحہ قصبہ علیگڑھ کے شہداء کو خراج عقیدت ... 14 Dec 2025	ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت... 14 Dec 2025
فیض حمید کے سہولت کاروں، معاونت اور مدد کرنے اوران کے احکامات پر عمل ... 13 Dec 2025	ایم کیوایم کےبانی وقائدجناب الطاف حسین نے ایم کیوایم کے رہنماؤں نثار پ... 12 Dec 2025
لوگوں کوشہیدوں کےلئے فاتحہ خوانی سے روکنااورقبرستان پر تالے ڈال دینا ... 10 Dec 2025	شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025
یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025	صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025