Home
 
Altaf Hussain
 
English News
 
Urdu News
Sindhi News
Photo Gallery
International Media Inquiries
+44 20 3371 1290
+1 909 273 6068
[email protected]
 
Events
Blogs
Fikri Nishist
Study Circle
Songs
Videos Gallery
Manifesto 2013
Philosophy
Poetry
Online Units
Media Corner
RAIDS/ARRESTS
About MQM
Social Media
Pakistan Maps
Education
Links
Poll
Web TV
Feedback
KKF
Contact Us
لندن میں خراب موسم کے باوجود ایم کیوایم کے یوم تاسیس کے اجتماع میں سینکڑوں افراد کی شرکت
Posted on: 3/18/2018
لندن میں خراب موسم کے باوجود ایم کیوایم کے یوم تاسیس کے اجتماع میں سینکڑوں افراد کی شرکت
اجتماع میں برطانیہ کے مختلف شہروں کے ساتھ ساتھ امریکہ، کینیڈا،بیلجیئم ،فرانس، جرمنی، ساؤتھ افریقہ ،ملائیشیا اوردیگر ممالک سے بھی ایم کیوایم کے عہدیداروں اورکارکنوں کی شرکت
اجتماع میں پختون قوم پرست رہنمااجمل خٹک مرحوم کے صاحبزادے ایمل خٹک، سینئرصحافی ودانشورطاہر ا سلم گورا،
انیس فاروقی، عاطف توقیراوراہل قلم حضرات کی بھی شرکت
ہال میں ایم کیوایم کے شہیدرہنماؤں، ڈاکٹرعمران فاروق شہید، پروفیسر حسن ظفر عارف شہید، بلوچ رہنمااکبربگٹی شہید
اور پختون نوجوان نقیب اللہ محسود شہید کی بھی تصاویرلگائی گئیں
اجتماع کی کارروائی کوسوشل میڈیا کے ذریعے براہ راست نشرکیاگیا ، لاکھوں افراد نے کارروائی کو براہ راست دیکھا
ایم کیوایم یوکے کے زیراہتمام لندن کے علاقے ایجویئرمیں واقع وی آئی پی لاؤنج میں ایم کیوایم کے 34ویں یوم تاسیس کااجتماع ہوا۔ہفتہ کواگرچہ لندن اوردیگرشہروں کاموسم بہت خراب تھااورمسلسل برف باری ہورہی تھی لیکن اس خراب موسم کے باوجود بھی یوم تاسیس کے اس اجتماع میں سینکڑوں افراد نے شرکت کی ۔ اجتماع میں لندن کے ساتھ ساتھ برمنگھم ، مانچسٹر ، بریڈفورڈاوردیگرشہروں سے ایم کیوایم کے کارکنوں اورہمدردوں نے شرکت کی جن میں نوجوانوں کے علاوہ بزرگ، خواتین اوربچے بھی شامل تھے ۔ برطانیہ کے ساتھ ساتھ امریکہ، کینیڈا،بیلجیئم ،فرانس، جرمنی، ساؤتھ افریقہ ،ملائیشیا اوردیگر ممالک سے بھی ایم کیوایم کے عہدیداروں اورکارکنوں نے بھی شرکت کی۔یوم تاسیس کے اس اجتماع میں پختون قوم پرست رہنمااجمل خٹک مرحوم کے صاحبزادے ایمل خٹک، کینیڈا کے سینئرصحافی، اینکر، شاعر،دانشوراور مقامی ٹی وی ’’ ٹیگ ٹی وی ‘‘ کے سی ای او طاہر اسلم گورا، سینئراینکر، صحافی، شاعر انیس فاروقی، ممتاز شاعر عاطف توقیراور دیگر صحافیوں، اینکرز، دانشور، شعرا اوراہل قلم حضرات نے بھی شرکت کی ۔ایم کیوایم کی رابطہ کمیٹی، سینٹرل ایگزیکٹوکمیٹی اوریوکے یونٹ کے ذمہ داران نے ہال کے باہراجتماع کے شرکاء کا خیرمقدم کیا۔ اس کے لئے باقاعدہ استقبالیہ بنایاگیاتھا۔ استقبالیہ پر جناب الطاف حسین کی مختلف کتابیں اورپارٹی لٹریچر بھی رکھاگیاتھا۔ ہال میں اسٹیج پر ایک خوبصورت اسکرین لگائی گئی تھی جس پر انگریزی میں ’’ یوم عزم وفا۔۔۔34واں یوم تاسیس ‘‘ لکھاگیاتھا۔ہال میں ایم کیوایم کے اوورسیزیونٹوں کی جانب سے یوم تاسیس کے خیرمقدمی بینرز لگائے گئے تھے جن پر بانی تحریک الطاف حسین کویوم تاسیس کی مبارکباد پیش کی گئی تھی ۔علاوہ ازیں ہال میں ایم کیوایم کے شہیدرہنماؤں، ڈاکٹرعمران فاروق شہید، پروفیسر حسن ظفر عارف شہید، جناب الطا ف حسین کے بڑے بھائی ناصر حسین شہید، عارف حسین شہید، کارکن آفتاب احمدشہید کے ساتھ ساتھ بلوچ قوم پرست رہنمااکبربگٹی شہیداورپولیس کے
ہاتھوں گزشتہ دنوں ماوارائے عدالت قتل کئے گئے پختون نوجوان نقیب اللہ محسود شہید کی تصاویر بھی لگائی گئی تھیں۔ علاوہ ازیں ہال میں ایم کیوایم کے کئی لاپتہ کارکنوں کی تصاویرلگائی گئی تھیں۔ ہال میں ایم کیوایم کے تنظیمی نغمے بجائے جاتے رہے۔جبکہ کارکنان وقفہ وقفہ سے زوردار نعرے لگاکرماحول کوگرماتے رہے۔ اجتماع کے شرکاکی بھاری تعدادکے باعث ہال کی تمام نشستیں بھری ہوئی تھیں جبکہ بیشتر شرکاء کو اطراف میں کھڑے ہوکر اجتماع کی کارروائی سننی پڑی ۔
یوم تاسیس کے اس اجتماع کی کارروائی کوسوشل میڈیا کے ذریعے براہ راست نشرکیاگیا جسے پاکستان سمیت دنیابھرمیں موجود ایم کیوایم کے بانی وقائدجناب الطا ف حسین کے چاہنے والے لاکھوں افراد نے دیکھااورہزاروں افرادنے اس پر اپنے تبصرے کئے ۔ یوم تاسیس کے اس اجتماع سے ایم کیوایم کے بانی وقائدجناب الطا ف حسین کے علاوہ رابطہ کمیٹی کے کنوینر ڈاکٹرندیم احسان، ڈپٹی کنوینر قاسم علی رضا، طاہراسلم گورا، ایمل خٹک، ایم کیوایم کی سینٹرل ایگزیکٹوکمیٹی کے رکن اورکینیڈاکے سینٹرل آرگنائزرآصف قاضی، سینٹرل ایگزیکٹوکمیٹی کے رکن عدنان نقوی، ایم کیوایم امریکہ کے سینٹرل آرگنائزر ریحان عبادت، ایم کیوایم یوکے کے آرگنائزر ہاشم اعظم ، ایم کیوایم بیلجئم کے آرگنائزر فرید خان نے بھی خطاب کیا جبکہ ممتازشاعر انیس فاروقی اور عاطف توقیر نے اپنا کلام پیش کیا۔ اجتماع کی نظامت کے فرائض رابطہ کمیٹی کے رکن مصطفےٰ عزیزآبادی، گہوارہ ادب امریکہ کے انچارج توقیرالحسن اورایم کیوایم یوکے کے جوائنٹ آرگنائزر سہیل خانزادہ نے انجام دیے ۔ اجتماع کے اختتام پر شرکاء کے لئے عشائیہ کابھی اہتمام کیاگیا تھا۔
*****
8/31/2025 9:04:17 PM
ملک میں سیلاب کے نتیجے میں تباہی کی ذمہ دار قدرتی آفت نہیں اقتدارمافی
...
30 Aug 2025
الطاف حسین ملک کے خلاف نہیں سسٹم کے خلاف ہے، پنجاب کے وفاپرست ساتھی
...
25 Aug 2025
پاکستان میں ڈیموکریسی نہیں بلکہ فیوڈوکریسی کاراج ہے
...
25 Aug 2025
چاہے جتنی بھی جعلی ایم کیوایم بنالی جائیں،دنیاجانتی ہے کہ ایم کیوایم ک
...
23 Aug 2025
طوفانی بارشوں میں کراچی کےشہریوں کی ہی نہیں بلکہ سندھ کی نسل پرست حکو
...
20 Aug 2025
9، مئی کوعمران خان کی جائے وقوعہ پر عدم موجودگی کے باوجود انہیں سزا ک
...
18 Aug 2025
خیبرپختونخوا میں سیلاب کی تباہی کے مناظر دیکھ کر میرا دل خون کے آنسو ر
...
17 Aug 2025
قومی اسمبلی میں کالا قانون پاس کرنےوالےقومی مجرم ہیں ۔۔۔۔۔۔۔۔۔۔۔۔۔۔۔۔۔
...
16 Aug 2025
بانی پی ٹی آئی عمران خان اب تک جیل میں کیوں قید ہیں…چشم کشا حقائق؟
...
16 Aug 2025
پاکستان کے 78ویں یوم آزادی کے موقع پر اسلام آباد میں ایک طرف جشن آزاد
...
14 Aug 2025
Muttahida Quami Movement (MQM) Copyright © 2014 (ver 3.0)
Home
Videos Gallery
Links
KKF
Feedback
Altaf Hussain
Photo Gallery
Study Circle
Online Units
Media Corner
News Archive
Manifesto 2013
Fikri Nishist
Songs
Social Media
Urdu News
Philosophy
Poetry
Education
Web TV
Events
RAIDS/ARRESTS
Poll
Pakistan Maps
Contact us