منظور پشتین اوردیگررہنماؤں کے خلاف مقدمات فی الفورختم کئے جائیں۔ڈاکٹرندیم احسان ،کنوینر ایم کیوایم

Posted on: 3/13/2018

منظور پشتین اوردیگررہنماؤں کے خلاف مقدمات فی الفورختم کئے جائیں۔ڈاکٹرندیم احسان ،کنوینر ایم کیوایم
منظورپشتین کاجرم یہ ہے کہ انہوں نے ریاستی مظالم کانشانہ بننے والے پختونوں کیلئے انصاف مانگا۔ڈاکٹرندیم احسان
اپنے مؤقف کے حق میں جلسہ جلوس کرناہرشہری کاجمہوری حق ہے۔ڈاکٹرندیم احسان
منظورپشتین اورپشتون رہنماؤں کی آوازکوسنا جائے اوران کے مطالبات پر ہمدردانہ غورکیا جائے ۔ ڈاکٹرندیم احسان

متحدہ قومی موومنٹ کی رابطہ کمیٹی کے کنوینرڈاکٹر ندیم احسان نے پشتون تحفظ موومنٹ کے سربراہ منظور پشتین اوردیگررہنماؤں کے خلاف مقدمات قائم کرنے کی شدیدمذمت کی ہے ۔ اپنے ایک بیان میں انہوں نے کہاکہ منظورپشتین اوران کے ساتھیوں کاجرم یہ ہے کہ انہوں نے ریاستی آپریشن کے نام پر قبائلی علاقوں اور ملک کے دیگرحصوں میں پختونوں پرہونے والے مظالم کے خلاف آوازبلندکی، انہوں نے ریاستی مظالم کانشانہ بننے والے پختونوں کے لئے انصاف مانگا اورصرف یہی کہاکہ پختونوں کے ساتھ بھی ملک کے برابرکے شہری جیساسلوک کیاجائے ۔منظورپشتین نے اسلام آبادہی نہیں بلکہ قبائلی علاقوں اوربلوچستان کے شہروں میں اجتماعات منعقد کرکے پختونوں میں بیداری کی لہرپیداکی لیکن اس کی پاداش میں منظورپشتین اوران کے ساتھیوں کے خلاف مقدمہ قائم کردیا گیا ہے جوانتہائی قابل مذمت ہے۔ ڈاکٹرندیم احسان نے کہاکہ اپنے مؤقف کے حق میں جلسہ جلوس کرناہرشہری کاجمہوری حق ہے لیکن بدقسمتی سے پاکستان میں اپنے حق کے لئے آوازبلندکرنے والوں کوطاقت سے دبانے کی روش اپنالی گئی ہے ۔ قائدتحریک الطاف حسین نے ریاستی مظالم کے خلاف آواز بلند کی تو میڈیاپر ان کے بیانات اورتقریرکی نشرواشاعت پر پابندی عائد کردی گئی ۔انہوں نے سوال کیاکہ ہمارے ریاستی ادارے ملک کے تحفظ کے لئے ہیں یا ملک کوتباہ وبرباد کرنے کے لئے ہیں؟ڈاکٹرندیم احسان نے مطالبہ کیاکہ منظور پشتین اوردیگررہنماؤں کے خلاف مقدمات فی الفورختم کئے جائیں اورپشتون رہنماؤں کوریاستی طاقت کے ذریعے خاموش کرنے کے بجائے ان کی آوازکوسنا جائے اوران کے مطالبات پر ہمدردانہ غورکیا جائے ۔

*****

12/5/2025 8:37:53 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025