لندن میں ایم کیوایم کا 34 واں یوم تاسیس ’’یوم عزم وفا‘‘ کے طورپر منایاجائے گا، اعلامیہ ایم کیوایم

Posted on: 3/11/2018

لندن میں ایم کیوایم کا 34 واں یوم تاسیس ’’یوم عزم وفا‘‘ کے طورپر منایاجائے گا، اعلامیہ ایم کیوایم
لندن میں یوم تاسیس کے اجتماع سے قائد تحریک الطاف حسین خطاب کرینگے، یوم تاسیس کی تیاریاں عروج پر، کارکنان میں جوش وخروش
یوم تاسیس کی تقریب میں سیاسی وسماجی شخصیات ، دانشوروں، تجزیہ نگاروں، شعرائے کرام اورصحافیوں کی شرکت متوقع
امریکہ ، کینیڈا، ساؤتھ افریقہ، بیلجیم، جرمنی، ناروے اوردیگرممالک سے ذمہ داران وکارکنان بھی شرکت کریں گے
یوم تاسیس سے قائد تحریک الطاف حسین کا خطاب حق پرستی کی جدوجہد میں اہم سنگ میل ثابت ہوگا، ڈاکٹرندیم احسان
یوم تاسیس کی تقریب میں شرکت کی اجازت دعوت نامہ رکھنے والوں کو ہی ہوگی، ڈاکٹرندیم احسان
کارکنان نہایت پرجوش ہیں،انشاء اللہ 17مارچ کویوم تاسیس کااجتماع شانداراورمثالی ہوگا۔ ہاشم اعظم
یوم تاسیس کی تیاریوں کے سلسلے میں انٹرنیشنل سیکریٹریٹ میں یوکے یونٹ کے ذمہ داروں اورکارکنوں کے اجلاس سے خطاب

لندن میں ایم کیوایم کا 34 واں یوم تاسیس 17، مارچ 2018ء بروز ہفتہ کو ’’یوم عزم وفا‘‘ کے طورپر منایاجائے گا۔ بابائے مہاجرقوم اوربانی وقائد جناب الطاف حسین یوم تاسیس پراہم اور فکرانگیز خطاب کریں گے ۔ ایم کیوایم کے 34 ویں یوم تاسیس کی تیاریاں زوروشورسے جاری ہیں جس کیلئے کارکنان میں زبردست جوش وخروش دیکھنے میں آرہا ہے۔ تقریب میں شرکت کے دعوت ناموں کی تقسیم کاسلسلہ بھی جاری ہے ۔ یوم تاسیس کی تقریب کو منظم ، مربوط اور کامیاب بنانے کیلئے مختلف کمیٹیاں تشکیل دی گئی ہیں ۔ یوم تاسیس کی تقریب میں سیاسی وسماجی شخصیات کے علاوہ دانشوروں، تجزیہ نگاروں، شعرائے کرام اور صحافیوں کی بڑی تعداد میں شرکت متوقع ہے جبکہ امریکہ ، کینیڈا، ساؤتھ افریقہ، بیلجیم، جرمنی، ناروے اوردیگرممالک سے تعلق رکھنے والے ایم کیوایم کے ذمہ داران اورکارکنان بھی یوم تاسیس کی تقریب میں شرکت کریں گے ۔یوم تاسیس کے سلسلے میں رابطہ کمیٹی اورایم کیوایم یوکے کی جانب سے کارکنان کے اجلاس بھی کیے جارہے ہیں ۔ اس سلسلے میں گزشتہ روز ایم کیوایم انٹرنیشنل سیکریٹریٹ لندن میں رابطہ کمیٹی کے کنوینر ڈاکٹر ندیم احسان کی زیرصدارت ایک اہم اجلاس ہواجس میں اراکین رابطہ کمیٹی ، برطانیہ کی آرگنائزنگ کمیٹی کے اراکین اور یونٹوں کے ذمہ داران نے شرکت کی ۔اجلاس میں 17، مارچ کو لندن میں 34 ویں یوم تاسیس کے انتظامات پر تفصیلی تبادلہ خیال کیاگیا اورمختلف کمیٹیوں کو ذمہ داریاں تفویض کی گئیں۔ اجلاس سے خطاب کرتے ہوئے کنوینر ڈاکٹر ندیم احسان نے کہاکہ ایم کیوایم ، قائد تحریک جناب الطاف حسین کی قیادت میں ملک بھرکے محروم ومظلوم عوام کے غصب شدہ حقوق کے حصول کی جدوجہد کررہی ہے۔انہوں نے کہاکہ کارکنان جس جوش وجذبے سے تیاریوں میں مصروف ہیں وہ خوش آئند ہے۔انہوں نے کہاکہ ایم کیوایم کے 34 ویں یوم تاسیس کا اجتماع اوراس سے قائد تحریک جناب الطاف حسین کا خطاب حق پرستی کی جدوجہد میں ایک اہم سنگ میل ثابت ہوگا۔ انہوں نے یوم تاسیس کی تقریب کے سلسلے میں محنت ولگن سے کام کرنے والے تمام ذمہ داران اورکارکنان کو زبردست خراج تحسین پیش کرتے ہوئے کہاکہ یوم تاسیس کی تقریب میں شرکت کی اجازت صرف ان کارکنان وہمدردوں کو ہی دی جائے گی جن کے پاس دعوت نامے ہوں گے۔انہوں نے تمام ذمہ داروں اورکارکنوں پر زور دیا کہ وہ یوم تاسیس کی تقریب کو کامیاب بنانے کیلئے اپنی صلاحیتیں بروئے کار لائیں ۔اس موقع پر ایم کیوایم یوکے کے آرگنائزر ہاشم اعظم نے اجلاس کویوم تاسیس کی تیاریوں کی تفصیلات سے آگاہ کیا۔ ہاشم اعظم نے کہاکہ یوم تاسیس کے سلسلے میں ایم کیوایم یوکے کے کارکنوں میں زبردست جوش وخروش پایا جاتا ہے ، وہ نہایت محنت ولگن سے تیاریوں میں مصروف ہیں اورانشاء اللہ 17مارچ کویوم تاسیس کااجتماع شاندار اور مثالی ہوگا۔

*****

12/4/2025 12:48:57 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025