Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

عاصمہ جہانگیرنے جمہوریت اورانسانیت کے فروغ کیلئے نہ صرف گرانقدر خدمات انجام دیں، الطاف حسین


عاصمہ جہانگیرنے جمہوریت اورانسانیت کے فروغ کیلئے نہ صرف گرانقدر خدمات انجام دیں، الطاف حسین
 Posted on: 2/11/2018
محترمہ عاصمہ جہانگیر کے انتقال پر قائد تحریک الطاف حسین کااظہارتعزیت
عاصمہ جہانگیرنے جمہوریت اورانسانیت کے فروغ کیلئے نہ صرف گرانقدر خدمات انجام دیں، الطاف حسین
جمہوریت وانسانیت کے فروغ اورآئین وقانون کی بالادستی کیلئے عاصمہ جہانگیر کی خدمات ہمیشہ یاد رکھی جائیں گی، الطاف حسین

متحدہ قومی موومنٹ کے بانی وقائد جناب الطاف حسین نے معروف قانون داں ، سماجی کارکن اور انسانی حقوق کی علمبردارمحترمہ عاصمہ جہانگیر کے انتقال پر گہرے رنج وغم کا اظہارکیا ہے ۔ ایک بیان میں جناب الطاف حسین نے کہاکہ محترمہ عاصمہ جہانگیر ، ہمت ،جرات اوربہادری کی علامت تھیں ، انہوں نے جمہوریت اورانسانیت کے فروغ کیلئے نہ صرف گرانقدر خدمات انجام دیں بلکہ ہردور حکومت میں نتائج کی پرواہ کیے بغیرمطلق العنانیت کے خلاف صدائے احتجاج کی۔جناب الطاف حسین نے کہاکہ محترمہ عاصمہ جہانگیر کے انتقال سے پاکستان ایک بہادرقانون داں، سماجی کارکن ، انسانی حقوق کی علمبردار اورجمہوریت پسند شخصیت سے محروم ہوگیا ہے ، ان کے انتقال سے پیدا ہونے والا خلا آسانی سے پر نہیں کیاجاسکتا۔جناب الطاف حسین نے کہاکہ محترمہ عاصمہ جہانگیر ایک محب وطن پاکستانی اور سچی جمہوریت پسند تھیں ، جمہوریت وانسانیت کے فروغ اورآئین وقانون کی بالادستی کیلئے ان کی خدمات ہمیشہ یاد رکھی جائیں گی ۔ جناب الطاف حسین نے مرحومہ کے سوگوارلواحقین سے دلی تعزیت وہمدردی کا اظہارکرتے ہوئے کہاکہ محترمہ عاصمہ جہانگیر کے انتقال سے مجھے ذاتی طورپر دلی صدمہ پہنچا ہے ، دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سوگوارلواحقین کو یہ صدمہ برداشت کرنے کا حوصلہ دے ۔(آمین)
*****
9/8/2026 2:08:43 AM