بانی وقائد الطاف حسین کے نام سے منسوب پارکوں اوردیگر مقامات کے نام تبدیل کرنے کا حکومت سندھ کافیصلہ سراسرمتعصبانہ اورمہاجردشمنی پر مبنی ہے ۔ رابطہ کمیٹی متحدہ قومی موومنٹ

متحدہ قومی موومنٹ کی رابطہ کمیٹی نے حکومت سندھ کی جانب سے ایم کیوایم کے بانی وقائدجناب الطاف حسین کے نام سے منسوب قائم پارکوں اوردیگر مقامات کے نام تبدیل کرنے کے فیصلے کی شدیدمذمت کرتے ہوئے کہاہے کہ یہ فیصلہ سراسرمتعصبانہ اورمہاجردشمنی پر مبنی ہے ۔ اپنے بیان میں رابطہ کمیٹی نے کہاکہ اگر قائدتحریک الطاف حسین کے نام پر مقامات کے نام رکھنا پیپلزپارٹی کی نظر میں غلط ہے توپھر ذوالفقارعلی بھٹواوربینظیربھٹوکے نام پر تعلیمی اداروں، پارکوں، اسپتالوں اور دیگرمقامات کے نام رکھنابھی سراسرغلط ہیں، قائدتحریک الطاف حسین نے تومحض ایک نعرہ لگایاتھا لیکن ذوالفقارعلی بھٹوتوحمودالرحمن کمیشن رپورٹ کے مطابق پاکستان توڑنے کے ذمہ داروں میں شامل ہے۔ بھٹوکوسپریم کورٹ نے قاتل قراردیتے ہوئے پھانسی کی سزادی ،پھرپاکستان توڑنے کے ذمہ دار اور ایک سزا یافتہ شخص کے نام پرپبلک مقامات کے نام کیوں رکھے گئے ہیں؟رابطہ کمیٹی نے کہاکہ کراچی اورحیدرآبادمیں قائدتحریک الطاف حسین کے نام پر قائم یونیورسٹیوں کے نام تبدیل کرنے کے بعد اب مکاچوک اوردیگرپبلک مقامات کے نام تبدیل کرنے کافیصلہ پیپلزپارٹی کی حکومت سندھ کی کھلی مہاجر دشمنی کا مظہرہے اورعوام اسے ردکرتے ہیں ۔ رابطہ کمیٹی نے کہاکہ پیپلزپارٹی کی متعصبانہ حکومت اسٹیبلشمنٹ کوخوش کرنے کیلئے جتنے بھی مہاجردشمن اقدامات کرلے لیکن وہ عوام کے دلوں سے قائدتحریک الطاف حسین کی محبت اوروابستگی کوختم نہیں کرسکتی، نام تبدیل کرلینے سے کسی بھی پبلک مقام کی پہچان تبدیل یاختم نہیں کی جاسکے گی البتہ پیپلزپارٹی کی مہاجردشمنی یادرکھی جائے گی۔