بانی پاکستان قائداعظم محمدعلی جناح کے یوم پیدائش پر عوام کومتحدہ قومی موومنٹ کے قائد الطاف حسین دلی مبارکباد

متحدہ قومی موومنٹ کے قائدجناب الطاف حسین نے بانی پاکستان قائداعظم محمدعلی جناح کے یوم پیدائش پر پاکستان کے عوام کودلی مبارکبادپیش کی ہے ۔ اپنے بیان میں جناب الطاف حسین نے کہاکہ قائداعظم کا صرف یوم پیدائش مناکرہم اپنافرض پورانہیں کرسکتے ، ضرورت اس بات کی ہے کہ پاکستان کو اس جانب لے جایاجائے جس کاخواب قائداعظم نے دیکھاتھااورجس کااظہارانہوں نے 11 اگست 1947ء کو پاکستان کی دستورسازاسمبلی سے خطاب کرتے ہوئے کیاتھا۔اسی صورت میں پاکستان حقیقی معنوں میں ایک ترقی یافتہ اورخوشحال ملک بن سکتاہے۔

*****