Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

رابطہ کمیٹی کے اراکین ڈاکٹرندیم احسان اورقاسم علی رضا کی واشنگٹن میں امریکی کانگریس مین ڈینا رورا بیکر سے ملاقات


رابطہ کمیٹی کے اراکین ڈاکٹرندیم احسان اورقاسم علی رضا کی واشنگٹن میں امریکی کانگریس مین ڈینا رورا بیکر سے ملاقات
 Posted on: 12/21/2017
رابطہ کمیٹی کے اراکین ڈاکٹرندیم احسان اورقاسم علی رضا کی واشنگٹن میں امریکی کانگریس مین ڈینا رورا بیکر سے ملاقات
ڈاکٹر ندیم احسان اور سید قاسم علی رضا نے امریکی کانگریس مین کو ماورائے عدالت قتل، غیرقانونی چھاپوں گرفتاریوں، جبری گمشدگیوں اور قائد تحریک الطاف حسین کی میڈیاکوریج پر پابندی کی تفصیلات سے آگاہ کیا
مہاجروں کے انسانی حقوق کی پامالی، غیرقانونی چھاپوں ، گرفتاریوں او الطاف حسین کی میڈیا کوریج پر پابندی قابل مذمت ہے ، ڈینا رورا بیکر
مہاجروں کے انسانی حقوق کی پامالی کے واقعات کو امریکی کانگریشنل ریکارڈ کا حصہ بنایاجائے گا، ڈینا رورا بیکر
ملاقات انتہائی خوشگوار ماحول میں ہوئی جوکہ تقریباً دوگھنٹے تک جاری رہی

متحدہ قومی موومنٹ کی رابطہ کمیٹی کے اراکین ڈاکٹر ندیم احسان اور سید قاسم علی رضا نے گزشتہ دنوں واشنگٹن ڈی سی میں امریکی کانگریس مین وامریکہ کی سائنس، اسپیس اور ٹیکنالوجی کمیٹی کے وائس چیئرمین ڈینا رورا بیکر سے ملاقات کی ۔ ملاقات انتہائی خوشگوار ماحول میں ہوئی جوکہ تقریباً دوگھنٹے تک جاری رہی۔ ملاقات میں بین الاقوامی امور،پاکستان کی مجموعی سیاسی صورتحال اور سندھ کے شہری علاقوں میں مہاجرقوم پر ڈھائے جانے والے ریاستی مظالم اورغیرقانونی چھاپوں گرفتاریوں پرتبادلہ خیال کیاگیا۔ رابطہ کمیٹی کے اراکین نے ڈینا رورا بیکر کو بابائے مہاجر قوم قائد تحریک جناب الطاف حسین کی جانب سے خیرسگالی کا پیغام بھی پہنچایا۔ ڈاکٹر ندیم احسان اور سید قاسم علی رضا نے کانگریس مین ڈینا رورا بیکر کو بتایا کہ ایم کیوایم ، پاکستان میں بسنے والے سات کروڑ مہاجروں کی واحد نمائندہ جماعت ہے اور قائد تحریک جناب الطاف حسین مہاجروں کے ساتھ ساتھ ملک بھر کی مظلوم قومیتوں کے حقوق کی جدوجہد کررہے ہیں۔ انہوں نے مزیدکہاکہ ایم کیوایم کے عوامی مینڈیٹ کو پاکستان میں کبھی تسلیم نہیں کیاگیا اور مہاجرمینڈیٹ کوتقسیم درتقسیم کرنے کیلئے ایم کیوایم کے خلاف ریاستی طاقت کا ناجائز استعمال کیاجاتارہا ہے ۔خصوصاً گزشتہ چار برسوں سے مہاجرقوم کیخلاف ریاستی آپریشن میں شدت پیداکردی گئی اورمہاجروں کے بنیادی انسانی حقوق کی سنگین پامالی کا سلسلہ جاری ہے ۔ حقوق کی جدوجہد کی پاداش میں 22 ، ہزار مہاجروں کو ماورائے عدالت قتل کیاجاچکا ہے ، آج بھی ایم کیوایم کے ہزاروں کارکنان جیلوں میں قید ہیں، جناب الطاف حسین کے خالہ زاد بھائی ، بھانجے ، ایم کیوایم کے جلاوطن رہنماؤں اور کارکنوں کے رشتہ داروں سمیت 300 سے زائد کارکنان کو گرفتارکرکے لاپتہ کیاجاچکا ہے ، ایم کیوایم کے مرکزی دفتر سمیت سینکڑوں دفاتر بند یا مسمار کیے جاچکے ہیں، حتیٰ کہ سات کروڑ مہاجروں کے متفقہ قائد جناب الطاف حسین کی رہائش گاہ المعروف نائن زیرو عزیزآباد کو بھی ڈیڑھ سال سے غیرقانونی وغیرآئینی طور پر سیل کردیاگیاہے اور جناب الطاف حسین کی میڈیاکوریج پر غیرقانونی وغیرآئینی پابندی عائد ہے ۔ اراکین نے رابطہ کمیٹی نے مورخہ 5 ، دسمبرکوجناب الطاف حسین کی والدہ محترمہ خورشیدبیگم مرحومہ کی برسی اور 9، دسمبرکو یوم شہداء کے موقع پر پیراملٹری رینجرز اورپولیس کی جانب سے قرآن خوانی کیلئے جمع ہونے والی خواتین ، بزرگوں ، نوجوانوں اوربچوں کی گرفتاریوں ، حراست کے دوران ان پر بہیمانہ تشدد، جیلوں میں اسیرکارکنان کے ساتھ بہیمانہ سلوک اور یوم شہداء سے ایک روز قبل رابطہ کمیٹی کے ڈپٹی کنوینر 71 سالہ پروفیسر ڈاکٹر حسن ظفرعارف کے اغواء کے واقعہ کی بھی تفصیل بیان کی ۔ 
امریکی کانگریس مین ڈینا رورا بیکر نے پاکستان کی حکومت اور قانون نافذ کرنے والے اداروں کی جانب سے مہاجروں پر ریاستی مظالم ،مہاجروں کے انسانی حقوق کی پامالی، غیرقانونی چھاپوں ، گرفتاریوں، گرفتارشدگان اوراسیروں پر تشدد اورجناب الطاف حسین کی میڈیا کوریج پر پابندی کی مذمت کی ۔ انہوں نے رابطہ کمیٹی کے اراکین کو یقین دلایا کہ مہاجروں کے انسانی حقوق کی پامالی کے واقعات کو امریکی کانگریشنل ریکارڈ کا حصہ بنایاجائے گا۔ ڈینا رورا بیکرنے جناب الطاف حسین کی خیریت دریافت کی اور انکی صحت وعافیت کیلئے نیک خواہشات کا بھی اظہارکیا۔
*****
1/13/2026 7:23:11 PM