کوئٹہ میں چرچ پرہولناک حملہ میں ملٹری اسٹیبلشمنٹ اور آئی ایس آئی کا تیارکردہ مذہبی انتہاء پسند جہادی گروپ شامل ہے، الطاف حسین

Posted on: 12/17/2017

کوئٹہ میں چرچ پر حملہ کھلی دہشت گردی ہے، قائد تحریک الطاف حسین
ہولناک حملہ میں ملٹری اسٹیبلشمنٹ اور آئی ایس آئی کا تیارکردہ مذہبی انتہاء پسند جہادی گروپ شامل ہے، الطاف حسین
بلوچستان کو مکمل طورپر فوجی چھاؤنی بنایاجاچکا ہے ، پورے صوبے میں کرفیو کا ماحول ہے، الطاف حسین
بلوچ عوام چیک پوسٹوں پرتلاشی اور شناخت ظاہرکئے بغیرکہیں آجا بھی نہیں سکتے،الطاف حسین
بلوچستان کے مختلف علاقوں میں جہادی گروپوں کے دہشت گردوں کے علاوہ کوئی آزادی سے گھوم نہیں سکتا، الطاف حسین
پاکستان میں مذہبی اقلیتوں کی جان ومال ، عزت وآبرو اور عبادت گاہیں عدم تحفظ کا شکار ہیں، الطاف حسین
اقوام متحدہ کے سیکریٹری جنرل ، امریکی صدرڈونالڈ ٹرمپ اور برطانیہ سمیت تمام مغربی ممالک اپنے نمائندے پاکستان بھیجیں
اور کوئٹہ کے چرچ میں ہونے والے المناک واقعہ کی تحقیقات کرائیں، الطاف حسین
عالمی برادری قومی مفاد کے نام پر فوج اورآئی ایس آئی کے پنجابی جرنیلوں کی سپورٹ جاری رکھیں گے تو وہ بھی پوری دنیا میں
دہشت گردی اور مسیحی برادری کی تباہی کے براہ راست ذمہ دار ہوں گے، الطاف حسین
اقوام متحدہ، امریکہ، برطانیہ اوردیگرممالک اپنی پالیسیوں پر نظرثانی کریں، مسیحی برادری پر ظلم کے خلاف آواز بلندکریں، الطاف حسین
کوئٹہ میں چرچ پر حملہ کے واقعہ پر قائدتحریک الطاف حسین کا اظہا رمذمت

متحد ہ قومی موومنٹ کے بانی وقائد جناب الطاف حسین نے کوئٹہ میں چرچ پردہشت گردوں کے حملے کی شدید الفاظ میں مذمت کی ہے اور اس حملے میں معصوم بچوں سمیت درجنوں افراد کے جاں بحق اور زخمی ہونے پر گہرے دکھ اور افسوس کا اظہارکیا ہے ۔ ایک بیان میں جناب الطاف حسین نے کہاکہ کوئٹہ میں چرچ پر حملہ کھلی دہشت گردی ہے اور اس ہولناک حملہ میں پاکستانی فوج، ملٹری اسٹیبلشمنٹ اور آئی ایس آئی کے تیارکردہ مذہبی انتہاء پسند جہادی گروپ شامل ہے ۔ انہوں نے کہاکہ دنیا کے دیگر ممالک کی طرح پاکستان میں بسنے والی مسیحی برادری بھی کرسمس کا تہوار منانے کی تیاریوں میں مصروف تھی لیکن دہشت گردوں نے چرچ پر حملہ کرکے مسیحی برادری کی خوشیوں کو ماتم میں تبدیل کردیااور بے گناہ مسیحی بھائیوں کا خون بہانے والے مسلمان تو کجا انسان بھی کہلانے کے مستحق نہیں ہیں ۔ جناب الطاف حسین نے کہاکہ دنیا جانتی ہے کہ بلوچستان کو مکمل طورپر فوجی چھاؤنی بنایاجاچکا ہے ، پورے صوبے میں کرفیو کا ماحول ہے اور برسہا برس سے رہنے والے بلوچ عوام چیک پوسٹوں پرتلاشی اور شناخت ظاہرکئے بغیرکہیں آجا بھی نہیں سکتے، بلوچوں کو ان کے لباس دیکھ کر روکا جاتا ہے ، ان سے پوچھا جاتا ہے کہ وہ کس فراری کیمپ سے تعلق رکھتے ہیں اورانہیں بلاجوازمرغا بناکر تشددکا نشانہ بنایاجاتا ہے، بلوچستان کے مختلف علاقوں میں جہادی گروپوں کے دہشت گردوں کے علاوہ کوئی آزادی سے گھوم نہیں سکتا۔انہوں نے مزیدکہاکہ اس صورتحال میں کوئٹہ میں واقع چرچ پر مذہبی انتہاء پسندجہادی گروپ کے مسلح دہشت گردوں کا آسانی سے چرچ پر حملہ کرنا اس بات کا کھلا ثبوت ہے کہ حملہ آور دہشت گرد،حقانی نیٹ ورک ، لشکرطیبہ ،لشکرجھنگوی اورحافظ سعید گروپ سے تعلق رکھتے ہیں جنہیں آئی ایس آئی، ملٹری اسٹیبلشمنٹ اورایف سی کا مکمل تعاون، سرپرستی اورتحفظ حاصل ہے ۔جناب الطاف حسین نے کہاکہ مذہبی انتہاپسند جہادی گروپ کے ذریعہ کوئٹہ کے چرچ پر حملہ کرواکر آئی ایس آئی اور ملٹری اسٹیبلشمنٹ کی جانب سے فوجی بیرکوں میں پارٹیاں منائی جارہی ہیں کہ انہوں نے پاکستان سمیت دنیا بھر کی مسیحی برادری کو کرسمس کا تحفہ دیدیا ہے ۔جناب الطاف حسین نے کہاکہ پاکستانی فوج اورآئی ایس آئی کے پنجابی جرنیلوں نے پوری فوج کو اسلام کے نام پر جہادی بنارکھاہے اور دنیابھرمیں دہشت گردی کرنے والے مذہبی جہادی گروپس ان کے پے رول پر ہیں۔جناب الطاف حسین نے کہاکہ مجھے پورا یقین ہے کہ کوئٹہ چرچ پر دہشت گردوں کے حملے میں فوجی اورآئی ایس آئی کے تیارکردہ جہادی گروپ ملوث ہیں، انہوں نے اقوام متحدہ کے سیکریٹری جنرل ، امریکی صدرڈونالڈ ٹرمپ اور برطانیہ سمیت تمام مغربی ممالک سے اپیل کی کہ وہ اپنے اپنے نمائندے پاکستان بھیجیں اور کوئٹہ کے چرچ میں ہونے والے المناک واقعہ کی تحقیقات کرائیں اوراگر میں غلط ثابت ہوں تو مجھے سزا دیں۔ انہوں نے مزیدکہاکہ جب تک امریکی صدر ڈونالڈ ٹرمپ اورعالمی برادری اپنے قومی مفاد کے نام پر فوج اورآئی ایس آئی کے پنجابی جرنیلوں کی سپورٹ جاری رکھیں گے تودنیا میں امن قائم نہیں ہوسکتا نہ ہی مذہبی انتہاء پسندی کا خاتمہ کیاجاسکتا ہے ، اگرجہادی گروپوں کی سرپرستی کرنے والوں کی سپورٹ کاسلسلہ جاری رکھا گیا تو عالمی برادری بھی پوری دنیا میں دہشت گردی اور مسیحی برادری کی تباہی کے براہ راست ذمہ دار ہوگی۔لہٰذا اقوام متحدہ، امریکہ، برطانیہ اوردیگرممالک اپنی پالیسیوں پر نظرثانی کریں، مسیحی برادری پر ظلم کے خلاف آواز بلندکریں۔ جناب الطاف حسین نے دنیا بھرکی مسیحی برادری سے بھی اپیل کی کہ وہ اپنی اپنی حکومت سے سوال کریں کہ وہ مسیحی برادری کے قتل عام میں ملوث فوج اورآئی ایس آئی کے پنجابی جرنیلوں کو کیوں سپورٹ کررہے ہیں؟جناب الطاف حسین نے چرچ پر حملے کے نتیجے میں متعدد افراد کے جاں بحق ہونے پرگہرے دکھ اور افسوس کا اظہا رکیا ، جاں بحق ہونے والے افراد کے سوگوارلواحقین اورپوری مسیحی برادری سے دلی تعزیت کی اور زخمیوں کی جلدومکمل صحت یابی کیلئے دعا بھی کی۔

*****

1/18/2019 10:55:38 PM

سندھی قوم پرست رہنما سائیں جی ایم سید کی 115ویں سالگرہ کے موقع پرقائد ... 16 Jan 2019	حریت پسند بلوچ رہنماؤں سے قائد تحریک الطاف حسین کے طویل مذاکرات ... 15 Jan 2019
غیرت مندبلوچ، پشتون، سندھی، مہاجرقومیں غلامی کا طوق ہرگز قبول نہیں کری... 14 Jan 2019	شہیدوفاڈاکٹرحسن ظفرعارف کی قربانی ظالمانہ جابرانہ نظام کے خلاف جدوجہدک... 13 Jan 2019
شہیدوفاڈاکٹرحسن ظفرعارف کی زندگی آمریت اورجبرکے خلاف مزاحمت اور جدوجہد... 13 Jan 2019	’’ شہید وفا‘‘ پروفیسرڈاکٹرحسن ظفر عارف شہید کی پہلی برسی انتہائی عقیدت... 13 Jan 2019
’’ شہید وفا‘‘ پروفیسرڈاکٹرحسن ظفر عارف شہید کی پہلی برسی کے سلسلے میں... 11 Jan 2019	اسٹیبلشمنٹ تجاوزات کے خاتمہ کی آڑ میں مہاجروں کواقلیت میں بدلنا چاہتی ... 11 Jan 2019
عظیم فلاسفر، دانشور، بزرگ استاد اورانقلابی رہنما’’ شہید وفا‘‘ پروفیسرڈ... 08 Jan 2019	تجاوزات کے خلاف کارروائی کی آڑ میں کراچی کی مارکیٹوں ،دکانوں اورگھروں ... 08 Jan 2019