بلوچ حریت پسند رہنما ڈاکٹراللہ نذربلوچ کی اہلیہ، معصوم بیٹی اور دیگر رشتہ دارخواتین کوحراست میں لے کر
غائب کر نا انتہا درجے کاریاستی ظلم وبربریت ہے۔ الطاف حسین
جنگوں میں بھی عورتوں اوربچوں کوگزندنہیں پہنچائی جاتی اوران کے ساتھ صلہ رحمی کاسلوک کیاجاتا ہے
ڈاکٹراللہ نذر کی اہلیہ ، معصوم بچوں اور دیگربلوچ خواتین کوحراست میں لینا کسی بھی صورت میں جائزقرارنہیں دیاجاسکتا
بلوچستان میں ریاستی ظلم وبربریت تمام حدوں کوعبورکرچکاہے
بلوچ ماؤں بہنوں حتیٰ کہ معصوم بچوں تک کوریاستی ظلم وبربریت کانشانہ بنایا جارہاہے اورانہیں بھی غائب کیا جارہاہے
بلوچ عوام پر ڈھایاجانے والا یہ ظلم وبربریت قہرخداوندی کودعوت دے رہاہے، ظلم کرنے والوں کوچاہیے کہ وہ اللہ کے عذاب سے ڈریں ،
ڈاکٹراللہ نذربلوچ کی اہلیہ، معصوم بچی اور تمام بلوچ ماؤں بہنوں کوفی الفوررہاکریں، مظالم پر بلوچ عوام سے معافی مانگیں
ایم کیوایم کے قائد الطاف حسین کا بلوچ قوم سے دلی ہمدردی اوریکجہتی کااظہار

متحدہ قومی موومنٹ کے بانی وقائدجناب الطاف حسین نے سیکوریٹی فورسزکی جانب سے بلوچ حریت پسند رہنما ڈاکٹراللہ نذربلوچ کی اہلیہ، معصوم بیٹی اور دیگر رشتہ دارخواتین کوحراست میں لے کرغائب کرنے کی شدید مذمت کی ہے اوراسے انتہا درجے کاریاستی ظلم وبربریت قراردیاہے۔ اپنے بیان میں جناب الطاف حسین نے کہاکہ جنگوں میں بھی عورتوں اوربچوں کوگزندنہیں پہنچائی جاتی اوران کے ساتھ صلہ رحمی کاسلوک کیاجاتا ہے لیکن بلوچستان میں ریاستی ظلم وبربریت تمام حدوں کوعبورکرچکاہے ، بلوچستان میں بلوچ عوام عزت سے جینے کاحق مانگ رہے ہیں توان کی آواز کوسننے کے بجائے انہیں ریاستی طاقت سے کچلا جارہا ہے، اب تک تو بے گناہ بلوچ نوجوانوں کو غائب کرکے ان کی مسخ شدہ لاشیں پھینکی جارہی تھیں مگراب بلوچ ماؤں بہنوں حتیٰ کہ معصوم بچوں تک کو ریاستی ظلم وبربریت کانشانہ بنایا جارہاہے اورانہیں بھی غائب کیا جارہاہے اورنفرت وتعصب میں بلوچوں کے بنیادی انسانی حقوق کی سنگین پامالی کی جارہی ہے ۔ جناب الطاف حسین نے بلوچ حریت پسند رہنماڈاکٹراللہ نذربلوچ کی اہلیہ ، معصوم بچوں اور دیگربلوچ خواتین کوحراست میں لے کرغائب کرناسراسرظلم ہے جسے کسی بھی صورت میں جائزقرارنہیں دیاجاسکتا۔ جناب الطاف حسین نے کہاکہ بلوچ عوام پر ڈھایاجانے والا یہ ظلم وبربریت قہرخداوندی کودعوت دے رہاہے لہٰذا ظلم کرنے والوں کوچاہیے کہ وہ اللہ کے عذاب سے ڈریں ، ڈاکٹراللہ نذربلوچ کی اہلیہ، معصوم بچی اور تمام بلوچ ماؤں بہنوں کوفی الفوررہاکریں اور ان مظالم پر بلوچ عوام سے معافی مانگیں۔ جناب الطاف حسین نے بلوچ ماؤں، بہنوں ، بزرگوں اوربچوں سمیت پوری بلوچ قوم سے دلی ہمدردی اوریکجہتی کا اظہار کیا۔

*****

12/4/2025 3:18:15 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025