حیدرآباد میں ڈاکٹرنوشاد شیخ کا بہیمانہ قتل کھلی دہشت گردی ہے ، رابطہ کمیٹی ایم کیوایم

Posted on: 10/25/2017

حیدرآباد میں ڈاکٹرنوشاد شیخ خان زئی کا بہیمانہ قتل کھلی دہشت گردی ہے ، رابطہ کمیٹی ایم کیوایم
ڈاکٹرنوشاد خان شہید ، ایم کیوایم نارتھ لندن یونٹ کمیٹی کے رکن اظہر لودھی کے سگے پھوپھی زاد بھائی تھے ، رابطہ کمیٹی
حکومت ، رینجرز اورپولیس کی موجودگی میں کھلی دہشت گردی کا سلسلہ جارہی ہے، رابطہ کمیٹی
صدرمملکت اور وزیراعظم ڈاکٹرنوشاد خان کے بہیمانہ قتل کی غیرجانبدارانہ تحقیقات کرائیں، رابطہ کمیٹی
ڈاکٹر نوشاد خان کے قتل میں ملوث مجرموں کو گرفتارکرکے قرارواقعی سزا دی جائے، رابطہ کمیٹی
ڈاکٹر نوشادخان کے سوگوارلواحقین سے متحدہ قومی موومنٹ کی رابطہ کمیٹی کا اظہارتعزیت

متحدہ قومی موومنٹ کی رابطہ کمیٹی نے ایم کیوایم نارتھ لندن یونٹ کمیٹی کے رکن اظہرلودھی کے سگے پھوپھی زاد بھائی ڈاکٹرنوشاد خان زئی کے بہیمانہ قتل کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ ڈاکٹر نوشاد خان زئی ،وٹنری ڈاکٹر اور سرکاری ملازم تھے ، آج صبح مسلح دہشت گردوں نے انہیں گھر کے قریب گولیوں کا نشانہ بناکر شہید کردیا۔ رابطہ کمیٹی نے کہاکہ ڈاکٹر نوشاد خان کا بہیمانہ قتل کھلی دہشت گردی ہے جوکہ حکومت ، رینجرز اورپولیس کی موجودگی میں کی جارہی ہے ۔ رابطہ کمیٹی نے ڈاکٹر نوشادخان زئی کے بہیمانہ قتل کی شدیدالفاظ میں مذمت کرتے ہوئے صدرمملکت ممنون حسین اوروزیراعظم شاہدخاقان عباسی سے مطالبہ کیاکہ وہ خصوصی توجہ دیکر اس بہیمانہ قتل کی غیرجانبدارانہ تحقیقات کرائیں اور قتل میں ملوث مجرموں کو گرفتارکرکے قرارواقعی سزا دی جائے ۔رابطہ کمیٹی نے ایم کیوایم نارتھ لندن یونٹ کمیٹی کے رکن اظہرلودھی سمیت ڈاکٹر نوشاد خان شہیدکے سوگوارلواحقین سے دلی تعزیت وہمدردی کااظہارکرتے ہوئے دعا کی کہ اللہ تعالیٰ ،ڈاکٹر نوشاد خان شہید کے درجات بلند فرمائے ، انہیں جنت الفردوس میں اعلیٰ مقام عطا کرے اور سوگوار لواحقین کوصبرجمیل عطا کرے ۔(آمین)

*****

7/9/2020 2:32:46 AM

علامہ اقبال کو تصورپاکستان کا خالق قراردینا تاریخ کومسخ کرنے کے مترادف... 04 Jul 2020	سازش کے تحت نوجوان نسل کو مسخ شدہ تاریخ پڑھاکر گمراہ کیاجارہا ہے۔الطاف... 04 Jul 2020
ایم کیوایم کا پاکستان اسٹاک ایکسچینج پرہونے والے حملہ سے کوئی تعلق نہ... 30 Jun 2020	لاپتہ افراد کی بازیابی کیلئے پرامن احتجاجی مظاہرین پر تشدد اورگرفتاریا... 27 Jun 2020
امریکہ، برطانیہ،کینیڈا، جرمنی اوردیگریورپی ممالک عمران خان کی جانب سے ... 26 Jun 2020	کوئٹہ میں اپنے بنیادی تعلیمی حق کیلئے پرامن مظاہرہ کرنے والے بلوچ طل... 25 Jun 2020
کراچی ، حیدرآباد اورسندھ کے دیگرشہروںمیں ایم کیوایم کے کارکنوں،ہمدرد... 23 Jun 2020	حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ س... 22 Jun 2020
محمدانور کی جانب سے جیونیوز کے نمائندے مرتضیٰ علی شاہ کودیے گئے انٹرو... 21 Jun 2020	ایم کیوایم کے بانی وقائد الطاف حسین نے ڈاکٹرعمران فاروق شہید کی بیوہ ش... 21 Jun 2020