Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پاپوش نگر میں ایم کیوایم یونٹ آفس کے واٹرٹینک سے اسلحہ کی برآمدگی کاڈرامہ قابل مذمت ہے ، رابطہ کمیٹی ایم کیوایم


پاپوش نگر میں ایم کیوایم یونٹ آفس کے واٹرٹینک سے اسلحہ کی برآمدگی کاڈرامہ قابل مذمت ہے ، رابطہ کمیٹی ایم کیوایم
 Posted on: 9/30/2017
پاپوش نگر میں ایم کیوایم یونٹ آفس کے واٹرٹینک سے اسلحہ کی برآمدگی کاڈرامہ قابل مذمت ہے ، رابطہ کمیٹی ایم کیوایم
اسلحہ برآمدگی کے باربارڈرامے ایم کیوایم کے خلاف رینجرز کی گمراہ کن پروپیگنڈہ مہم کا تسلسل ہے ، رابطہ کمیٹی
گزشتہ چاربرسوں سے ایم کیوایم کے خلاف ریاستی آپریشن کا سلسلہ جاری ہے ،رابطہ کمیٹی
ایم کیوایم کے 200 سے زائد دفاتر بلڈوز کیے جاچکے ہیں، رابطہ کمیٹی
رینجرز نے ایم کیوایم کے درجنوں دفاترکی مکمل تلاشی لینے کے بعد ان دفاتر کو خودسربمہرکیا ہے ، رابطہ کمیٹی
سربمہر دفاترمیں رینجرز خود اسلحہ رکھنے کاڈرامہ کررہی ہے تاکہ ایم کیوایم کا میڈیاٹرائل کیاجاسکے ، رابطہ کمیٹی
عقل سے عاری رینجرز اہلکاروں کے ڈراموں کو کراچی اور سندھ کے شہری عوام اچھی طرح سمجھ چکے ہیں، رابطہ کمیٹی

متحدہ قومی موومنٹ کی رابطہ کمیٹی نے رینجرزکی جانب سے ایک بار پھرکراچی کے علاقے پاپوش نگر میں واقع یونٹ آفس کے واٹرٹینک سے اسلحہ برآمد کرنے اوراسے ایم کیوایم سے منسوب کرنے کی شدید الفاظ میں مذمت کی ہے اور اس بہتان تراشی کوایم کیوایم کے خلاف رینجرز اہلکاروں کی گمراہ کن پروپیگنڈہ مہم کا تسلسل قراردیا ہے ۔ اپنے ایک بیان میں رابطہ کمیٹی نے کہاکہ گزشتہ چاربرسوں سے ایم کیوایم کے خلاف ریاستی آپریشن کا سلسلہ جاری ہے ، اس آپریشن کے دوران ایم کیوایم کے 200 سے زائد دفاتر بلڈوز کیے جاچکے ہیں جبکہ رینجرز کے اہلکاروں نے ایم کیوایم کے درجنوں دفاترکی مکمل تلاشی لینے کے بعد ان دفاتر کو سربمہربھی کردیا تھا اس کے باوجود اگرکسی یونٹ آفس سے اسلحہ کی برآمدگی کا دعویٰ کیاجارہا ہے تو اس کا صاف مطلب یہ ہے کہ یہ اسلحہ خود رینجرز نے رکھوایا ہوگا تاکہ اسے بنیاد بنا کر ایم کیوایم کا میڈیاٹرائل کیاجاسکے اور پاکستان کے عوام کی آنکھ میں دھول جھونکی جاسکے ۔رابطہ کمیٹی نے کہاکہ رینجرز نے متعصبانہ کارروائیاں اورغیرقانونی وغیرآئینی چھاپے اورگرفتاریاں کرکے قائد تحریک الطاف حسین کے چاہنے والے کارکنان وعوام کا چلنا پھرنا دوبھر کررکھا ہے ، ایسے ماحول میں جہاں کارکنان وعوام قرآن خوانی کا اجتماع تک نہیں کرسکتے وہاں رینجرز کے قسط وارڈراموں پر کون یقین کرسکتا ہے ، اس کے باوجود متعصب رینجرز کی جانب سے باربار اسلحہ کی جعلی برآمدگی کا ڈرامہ رچاکرڈی جی رینجرز سندھ اور دیگر متعصب اہلکاروں کی جانب سے اپنی جگ ہنسائی کا خود سامان فراہم کیاجارہا ہے ۔ رابطہ کمیٹی نے کہاکہ گزشتہ دنوں طوفانی بارشوں سے کراچی کے علاقے سیلاب کا منظر پیش کررہے تھے اور رینجرز کی جانب سے سیلابی پانی کی نکاسی کا دعویٰ کیاجارہا تھا اس کے باوجود کبھی اورنگی ٹاؤن کے مکان اور کبھی پاپوش نگر میں پانی کی ٹنکی سے بولتا ہوا اسلحہ برآمد کرکے اسے ایم کیوایم سے منسوب کرنا ، ایم کیوایم کی میڈیاٹرائل کا حصہ ہے ۔رابطہ کمیٹی نے کہاکہ عقل سے عاری رینجرز اہلکاروں کے ڈراموں کو کراچی اور سندھ کے شہری عوام اچھی طرح سمجھ چکے ہیں اور اس قسم کی بہتان تراشی سے سندھ کے باشعورعوام کو گمراہ کرنے کی کوئی بھی سازش کامیاب نہیں ہوسکے گی ۔ 

*****
6/5/2026 10:27:22 AM