Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

قانون نافذکرنے والے اداروں نے ایم کیوایم حیدرآباد زون کے سیکٹرانچارج مقصوداحمد کوحراست میں لے کرغائب کردیا


قانون نافذکرنے والے اداروں نے ایم کیوایم حیدرآباد زون کے سیکٹرانچارج مقصوداحمد کوحراست میں لے کرغائب کردیا
 Posted on: 9/12/2017
قانون نافذکرنے والے اداروں نے ایم کیوایم حیدرآباد زون کے سیکٹرانچارج مقصوداحمد کوحراست میں لے کرغائب کردیا
مقصوداحمدکو کل لطیف آباد7 میں امریکن اسپتال کے قریب سلور رنگ کی ویگو گاڑ ی میں سوار قانون نافذ کرنے والے اداروں کے اہلکاروں نے حراست میں لیاہے
حیدرآبادمیں سرکاری ایجنسیوں کے اہلکارویگوگاڑیوں میں گھوم رہے ہیں اور ایم کیوایم کے ذمہ داروں اورکارکنوں کو غائب کررہے ہیں
کارکنوں کوکئی روزتک سرکاری حراست میں تشددکانشانہ بناکر، جان سے مارنے اوربہن بھائیوں اور بیوی بچوں کونقصان پہنچانے کی دھمکیاں دے کر دباؤ ڈالاجارہاہے کہ وہ ایم کیوایم سے لاتعلقی اختیارکریں
پی ایس پی اورپی آئی بی ٹولے کے افرادرینجرزاورسرکاری ایجنسیوں کونام دے کر ایم کیوایم کے کارکنوں کو گرفتارکروارہے ہیں۔ رابطہ کمیٹی 
مقصوداحمداوردیگرلاپتہ کارکنوں کوبازیاب کرایاجائے ،بے گناہ نوجوانوں کو غائب کرنے کاظالمانہ سلسلہ بندکرایاجائے۔ رابطہ کمیٹی 

متحدہ قومی موومنٹ کی رابطہ کمیٹی نے قانون نافذکرنے والے اداروں کے ہاتھوں ایم کیوایم حیدرآبادزون سیکٹرایچ کے سیکٹرانچارج مقصوداحمدکی گرفتاری کی شدیدمذمت کی ہے ۔ اپنے بیان میں رابطہ کمیٹی نے کہاکہ مقصوداحمد کل بروز پیرلطیف آباد7نمبر میں بینک میں فیس جمع کرانے کے بعد موٹرسائیکل پر اپنے گھر واپس جارہے تھے کہ لطیف آبادمیں امریکن اسپتال کے قریب سلور رنگ کی ویگو گاڑ ی نے ان کی موٹرسائیکل کوٹکرماری اورپھر ویگو گاڑی میں سوار قانون نافذ کرنے والے اداروں کے اہلکاروں نے انہیں حراست میں لے لیا، چوبیس گھنٹے گزرجانے کے باوجود مقصوداحمدکاکچھ پتہ نہیں چل رہاہے کہ انہیں کس الزام کے تحت حراست میں لیاگیاہے اورکہاں رکھا گیاہے۔رابطہ کمیٹی نے مقصوداحمدکی گرفتاری کی شدیدمذمت کرتے ہوئے کہاکہ حیدرآباد کے مختلف علاقوں میں رینجرزاورسرکاری ایجنسیوں کے اہلکارویگوگاڑیوں میں گھوم رہے ہیں اور ایم کیوایم کے ذمہ داروں اورکارکنوں کواغواکے اندازمیں حراست میں لے کر مسلسل غائب کررہے ہیں، جنہیں کئی کئی روزتک سرکاری حراست میں تشددکانشانہ بناکر، انہیں جان سے مارنے اوربہن بھائیوں اور بیوی بچوں کونقصان پہنچانے کی دھمکیاں دے کر ان پردباؤ ڈالاجارہاہے کہ وہ ایم کیوایم سے لاتعلقی اختیارکریں، قائدتحریک الطاف حسین کے خلاف پریس کانفرنس کریں اور سرکاری ایجنسیوں کے تشکیل کردہ پی ایس پی ٹولے یاضمیرفروش پی آئی بی ٹولے میں شامل ہوں۔ رابطہ کمیٹی نے کہاکہ گزشتہ چند روز کے دوران حیدرآبادمیں ایم کیوایم کے پانچ کارکنوں سے اسی طرح کی پریس کانفرنسیں کرائی جاچکی ہیں اورخدشہ ہے کہ مقصوداحمدکے ساتھ بھی یہی کچھ کیاجائے گا۔ رابطہ کمیٹی نے کہا کہ حیدرآبادسے گرفتارکئے گئے ایم کیوایم کے کئی کارکنان پہلے ہی لاپتہ ہیں اوراب مقصوداحمدکوغائب کردیاگیاہے۔ اس سلسلے میں پی ایس پی اورپی آئی بی ٹولے کے افرادکاکرداربھی انتہائی گھناؤنااورشرمناک ہے جو خودبھی ایم کیوایم کے کارکنوں اورذمہ داروں کو اپنے ساتھ شامل ہونے کے لئے دھمکیاں دے رہے ہیں اوررینجرزاورسرکاری ایجنسیوں کونام دے کرانہیں گرفتارکروارہے ہیں۔ رابطہ کمیٹی نے سپریم کورٹ اورسندھ ہائیکورٹ کے چیف جسٹس صاحبان سے اپیل کی کہ ایم کیوایم کے سیکٹرانچارج مقصوداحمداوردیگرلاپتہ کارکنوں کوبازیاب کرایاجائے اوربے گناہ نوجوانوں کوپکڑ پکڑکرغائب کرنے کاظالمانہ سلسلہ بندکرایاجائے۔ رابطہ کمیٹی نے انسانی حقوق کی تنظیموں سے بھی اپیل کی کہ وہ بھی ایم کیوایم کے کارکنوں اورذمہ داروں کوگرفتارکر کے لاپتہ کرنے کے واقعات کے خلاف صدائے احتجاج بلندکریں۔ 

*****

9/24/2017 10:57:37 AM