ایم کیوایم کونعمت رندھاواایڈوکیٹ کے قتل میں ملوث کرناایم کیوایم کے خلاف سازشوں کاحصہ ہے۔رابطہ کمیٹی

Posted on: 10/1/2013

سازشی منصوبے کے تحت ایم کیوایم کا میڈیا ٹرائل شرو ع کردیا گیا ہے
ایڈیشنل آئی جی کاکہناہے کہ کاظم عباس کوگزشتہ رات گرفتارکیاگیاہے جبکہ کاظم عباس رضوی کو27ستمبر کوانکے گھر سے
گرفتار کیاگیاتھاجسکے گواہ اہل محلہ ہیں اوروہ گزشتہ پانچ روزسے پولیس کی حراست میں ہیں
یہ کہاں کا انصاف ہے کہ الزام ثابت ہوئے بغیرمحض الزام کی بنیادپرکسی کومجرم قراردیاجائے اور بغیر کسی ثبوت وشواہد
کے ملک کے کروڑوں محب وطن عوام اور ان کی نمائندہ جماعت کا میڈیا ٹرائل کیاجا ئے
ٹارگٹڈ آپریشن کے دوران ہونے والی گرفتاریوں کی مانیٹرنگ کیلئے غیرجانبدارافرادپرمشتمل مانیٹرنگ کمیٹی فی الفورتشکیل دی جائے

کراچی ۔۔۔یکم ، اکتوبر2013ء
متحدہ قومی موومنٹ کی رابطہ کمیٹی نے کراچی پولیس کے سربراہ شاہدحیات کی جانب سے نعمت رندھاواایڈوکیٹ کے قتل میں ایم کیوایم کو ملوث کرنے کی شدیدالفاظ میں مذمت کرتے ہوئے کہاہے کہ ایم کیوایم کونعمت رندھاواایڈوکیٹ کے قتل میں ملوث کرناایم کیوایم کے خلاف سازشوں کاحصہ ہے۔ ایک بیان میں رابطہ کمیٹی نے کہاکہ ایڈیشنل آئی جی شاہدحیات نے اپنی پریس کانفرنس میں یہ الزام لگایاکہ نعمت رندھاواایڈوکیٹ کے قتل میں کاظم عباس رضوی ملوث ہے جس کاتعلق ایم کیوایم سے ہے اوراسے گزشتہ رات گرفتارکیاگیاہے۔ رابطہ کمیٹی نے کہاکہ ایڈیشنل آئی جی شاہدحیات کایہ الزام کس قدرجھوٹا اورمن گھڑت ہے اس کااندازہ اسی بات سے لگایا جاسکتا ہے کہ ایڈیشنل آئی جی کایہ کہناہے کہ کاظم عباس کوگزشتہ رات گرفتارکیاگیاہے جبکہ حقیقت یہ ہے کہ کاظم عباس رضوی کو27ستمبر کوانکے گھر سے گرفتار کیا گیا تھا جسکے گواہ اہل محلہ ہیں اوروہ گزشتہ پانچ روزسے پولیس کی حراست میں ہیں لیکن آج کراچی پولیس چیف شاہد حیات نے کاظم عباس کی گرفتاری ظاہر کرکے انہیں نعمت رندھاوا ایڈوکیٹ کے قتل میں ملوث کردیاہے جس سے صاف ظاہرہوتاہے کہ ایک منظم سازشی منصوبے کے تحت کروڑوں عوام کی منتخب نمائندہ جماعت ایم کیوایم کا میڈیاٹرائل شروع کردیاگیا ہے ۔ رابطہ کمیٹی نے کہاکہ گزشتہ دنوں اسی طرح پولیس نے نارتھ ناظم آبادمیں پولیس اہلکاروں کے قتل کے چندگھنٹوں بعدہی سابق حق پرست رکن سندھ اسمبلی ندیم ہاشمی کوگرفتارکرکے فوراً ہی یہ بیان دیا تھا کہ وہ پولیس اہلکاروں کے قتل میں ملوث ہیں اور انکے خلاف قتل کی ایف آئی آر تک درج کرلی گئی تاہم تمام اداروں کی تحقیقات کے بعد میں یہ الزام جھوٹا ثابت ہوگیا تھا اوراب نعمت رندھاواایڈوکیٹ کے قتل میں ایم کیوایم کوملوث کرنے کی کوشش کی جارہی ہے جسکی جتنی بھی مذمت کی جائے کم ہے۔ رابطہ کمیٹی نے کہاکہ اگر ایم کیوایم کے کسی کارکن پر کوئی مقدمہ ہے تو اس کوگرفتارکرکے اسے قانون کے تحت عدالت میں پیش کیا جائے اوراگر الزام ثابت ہوجائے تو اسے قانون کے مطابق سزا دی جائے ، یہ کہاں کا انصاف ہے کہ الزام ثابت ہوئے بغیرمحض الزام کی بنیادپرکسی کومجرم قراردیاجائے اور بغیر کسی ثبوت وشواہد کے ملک کے کروڑوں محب وطن عوام اور ان کی نمائندہ جماعت کا میڈیا ٹرائل کیاجا ئے ۔رابطہ کمیٹی نے کہاکہ ایم کیوایم نے کراچی میں قیام امن کیلئے کی جانے والی ہرکوشش کی ماضی میں بھی حمایت کی ہے اور آئندہ بھی کرتی رہے گی لیکن کروڑوں عوام کی نمائندہ جماعت کایہ بے بنیاد، جھوٹا اور توہین آمیز میڈیاٹرائل کسی قیمت پر قبول نہیں کیا جائے گا۔رابطہ کمیٹی نے وزیراعظم میاں نوازشریف اوروفاقی وزیرداخلہ چوہدری نثارعلی سے مطالبہ کیاکہ کراچی میں جاری ٹارگٹڈ آپریشن کے دوران ہونے والی گرفتاریوں کی مانیٹرنگ کیلئے اعلان کردہ غیرجانبدارافرادپرمشتمل مانیٹرنگ کمیٹی فی الفورتشکیل دی جائے تاکہ کسی بھی بے گناہ کونشانہ بنانے کے عمل کا تدارک ہوسکے ۔

12/11/2025 4:42:21 AM

شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025
پیپلزپارٹی نے اس طرح یہ تاثردیاکہ سندھی ثقافت توڑپھوڑ، جلاؤ گھیراؤاورت... 07 Dec 2025	تحریک انصاف والوں نے مجھ پربہتان لگاکر سُر چھیڑا ہے،اب انہیں پورا راگ ... 06 Dec 2025
ایم کیوایم نے فرسودہ جاگیردارانہ نظام اور کرپٹ اقتدارمافیا کو چیلنج ک... 06 Dec 2025	ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025
اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025	ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025