سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کرتے ہیں۔ندیم نصرت ،کنوینرایم کیوایم

Posted on: 9/2/2017 1

سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کرتے ہیں۔ندیم نصرت ،کنوینرایم کیوایم
ڈاکٹرفاروق ستارکی جانب سے بغیرتحقیق وتصدیق کے اس واقعہ میں ایم کیوایم کو ملوث کرنے کی کوشش کی بھی مذمت
ڈاکٹر فاروق ستارخوداس بات کااعتراف کررہے ہیں کہ لندن کی آڑمیں کوئی بھی کارروائی کرسکتاہے ۔ ندیم نصرت
ہم اس الزام کی سختی سے تردید کرتے ہیں، ایم کیوایم کااس واقعہ سے کوئی تعلق نہیں ہے۔ندیم نصرت
30جولائی 2017ء کو اخبارات میں شائع ہونے والی سی ٹی ڈی کی رپورٹ میں کہا گیاہے کہ کالعدم تنظیم کے
دہشت گرد ایم کیوایم پاکستان اورپی ایس پی کے کارکنوں اوراہل تشیع افرادپر حملے کرسکتے ہیں۔ندیم نصرت
حضرت امجد صابری ؒ شہید،جامعہ کراچی کے پروفیسرشکیل عوج، سانحہ صفورامیں بھی ایم کیوایم کو ملوث کرنے کی کوشش کی گئی تھی لیکن حقائق ریکارڈ پر موجودہیں کہ یہ الزامات غلط ثابت ہوئے اوراصل قاتل بے نقاب ہوئے ۔ ندیم نصرت
خواجہ اظہارالحسن پرقاتلانہ حملے کی تحقیقات کرائی جائے اوراس میں ملوث افرادکوگرفتارکیاجائے ۔ ندیم نصرت

متحدہ قومی موومنٹ کے کنوینرندیم نصرت نے سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کی ہے ۔ اپنے بیان میں انہوں نے کہاکہ یہ حملہ ایک گہری سازش کاحصہ معلوم ہوتاہے کیونکہ حملے کے وقت حکومت وانتظامیہ کی جانب سے وہاں مناسب سیکوریٹی نہیں تھی اورخودخواجہ اظہارالحسن کی جانب سے بھی بارہایہ شکایت ریکارڈپر آچکی ہے کہ حکومت کی جانب سے انہیں سیکوریٹی نہیں دی جارہی ہے۔ ندیم نصرت نے ڈاکٹرفاروق ستارکی جانب سے بغیرتحقیق وتصدیق کے اس واقعہ میں ایم کیوایم کو ملوث کرنے کی کوشش کی بھی مذمت کی اورکہاکہ میڈیاسے گفتگوکرتے ہوئے ڈاکٹر فاروق ستارخوداس بات کااعتراف کررہے ہیں کہ لندن کی آڑمیں کوئی بھی کارروائی کرسکتاہے لیکن اس کے باوجود اس واقعہ کے حوالے سے لندن کی طرف اشارہ کرنااورجھوٹاالزام عائدکرناقابل مذمت ہے ۔ ندیم نصرت نے کہاکہ ہم اس الزام کی سختی سے تردید کرتے ہیں، ایم کیوایم کااس واقعہ سے کوئی تعلق نہیں ہے۔ندیم نصرت نے کہاکہ 30جولائی 2017ء کو اخبارات میں شائع ہونے والی سی ٹی ڈی کی ایک رپورٹ ریکارڈ پر موجود ہے جس میں واضح الفاظ میں کہا گیاہے کہ سینٹرل جیل سے فرار ہونے والے کالعدم تنظیم کے دہشت گرد ایم کیوایم پاکستان اورپی ایس پی کے کارکنوں اوراہل تشیع افرادپر حملے کرسکتے ہیں ، شہرمیں کالعدم تنظیموں کے عناصر کی جانب سے پولیس پرحملے اور دہشت گردی کے واقعات بھی مسلسل رونما ہورہے ہیں ۔ ندیم نصرت اور اراکین رابطہ کمیٹی نے کہاکہ ممتازصوفی قوال حضرت امجد صابری ؒ شہید،جامعہ کراچی کے پروفیسرشکیل عوج، سانحہ صفورامیں بھی ایم کیوایم کو ملوث کرنے کی کوشش کی گئی تھی لیکن حقائق ریکارڈ پر موجودہیں کہ یہ الزامات غلط ثابت ہوئے اوراصل قاتل بے نقاب ہوئے ۔ ندیم نصرت نے خواجہ اظہارالحسن پرقاتلانہ حملے کی شدیدمذمت کی اورمطالبہ کیاکہ اس واقعہ کی تحقیقات کرائی جائے اوراس میں ملوث افرادکوگرفتارکیاجائے ۔ ندیم نصرت نے واقعہ میں جاں بحق ہونے والے بچے اورپولیس اہلکار کے اہل خانہ سے بھی دلی تعزیت کااظہارکیا۔

*****

9/22/2018 5:27:07 PM

اس سے پہلے کہ انڈیا ایٹمی حملہ کرے ،سیاسی وفوجی قیادت وقت ضائع کیے بغی... 22 Sep 2018	مظلوم قومیتیں متحد ہوجائیں تو اپنے مشترکہ دشمن کو شکست دے سکتی ہیں، قا... 19 Sep 2018
ہمیں ایسے ظالمانہ نظام سے آزادی چاہیے جہاں انصاف نہ ہو۔الطا ف حسین ... 17 Sep 2018	انشاء اللہ جلد مظلوموں کا اتحاد تشکیل پائے گا ، قائد تحریک الطاف حسین ... 17 Sep 2018
ڈاکٹرعمران فاروق کے قاتلوں اور ان کے سرپرستوں پراللہ تعالیٰ کا عذاب نا... 16 Sep 2018	ایم کیوایم کے شہیدکنوینرشہید انقلاب ڈاکٹرعمران فاروق کی آٹھویں برسی ان... 16 Sep 2018
بلوچستان میں فوج کشی کاسلسلہ بند کیاجائے ،بلوچستان کے مسئلے کومذاکرات ... 16 Sep 2018	مسئلہ بلوچستان کے حوالے سے ایم کیوایم کے بانی وقائد جناب الطاف حسین کا... 14 Sep 2018
کنوینر ڈاکٹرندیم احسان کی سربراہی میں ایم کیوایم کے وفد کی لندن میں بی... 13 Sep 2018	ایم کیوایم کے قائد الطاف حسین نے بیگم کلثوم نوازکے انتقال پر انکے صاحب... 11 Sep 2018