Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

امریکی ریاست ٹیکساس کے شہر ہیوسٹن میں سمندری طوفان سے متاثرہ خاندانوں کیلئے ایم کیوایم کی امدادی سرگرمیاں


امریکی ریاست ٹیکساس کے شہر ہیوسٹن میں سمندری طوفان سے متاثرہ خاندانوں کیلئے ایم کیوایم کی امدادی سرگرمیاں
 Posted on: 8/31/2017
امریکی ریاست ٹیکساس کے شہر ہیوسٹن میں سمندری طوفان سے متاثرہ خاندانوں کیلئے ایم کیوایم کی امدادی سرگرمیاں
متاثرہ خاندانوں کو محفوظ مقامات تک منتقل کرنے کے ساتھ ساتھ روزمرہ استعمال کی اشیاء بھی فراہم کی جارہی ہے
ایم کیوایم امریکہ کے درجنوں کارکنان اور رضاکارامدادی سرگرمیوں میں مصروف ہیں
بچوں کیلئے دودھ، پینے کا پانی ، ڈائپرز، کپڑے، کھانا اور روزمرہ استعمال کی دیگر اشیاء فراہم کی گئیں
ایم کیوایم ، سیاست برائے خدمت پریقین رکھتی ہے، الطاف حسین
دکھی انسانیت کی خدمت کے عمل پر قائد تحریک جناب الطاف حسین کی جانب سے کارکنان ورضاکاروں کو خراج تحسین

امریکی ریاست ٹیکساس کے شہر ہیوسٹن میں سمندری طوفان ’’ہاروی‘‘ کی تباہ کاریوں سے متاثرہ خاندانوں کی امداد کے سلسلے میں ایم کیوایم امریکہ کی جانب سے امدادی سرگرمیوں کا سلسلہ جاری ہے ۔ تفصیلات کے گزشتہ دنوں امریکی ریاست ٹیکساس کے شہر ہیوسٹن میں آنے والے سمندری طوفان کی تباہ کاریوں سے روزمرہ زندگی بری طرح متاثرہ ہوچکی ہے اورسمندری طوفان کے باعث اب تک متعدد افراد جاں بحق ہوچکے ہیں۔ سمندری طوفان اور شدیدبارشوں سے جگہ جگہ پانی جمع ہوگیاہے اور ہزاروں افراد اپنے گھروں کو چھوڑ کر مشکل ترین زندگی گزارنے پر مجبور ہیں جس کے باعث متاثرہ خاندانوں کو روزمرہ استعمال کی اشیاء کے حصول کیلئے شدید مشکلات کا سامنا کرناپڑرہا ہے ۔ بابائے مہاجرقوم اورمتحدہ قومی موومنٹ کے بانی وقائد جناب الطاف حسین کی ہدایت پر ایم کیوایم اوورسیز امریکہ کے تحت سمندری طوفان سے متاثرہ خاندانوں کیلئے امدادی سرگرمیوں کا سلسلہ جاری ہے اور اس سلسلے میں نہ صرف متاثرہ خاندانوں کو محفوظ مقامات تک منتقل کیاجارہا ہے بلکہ انہیں روزمرہ استعمال کی اشیاء بھی فراہم کی جارہی ہے ۔ ایم کیوایم امریکہ بالخصوس ہیوسٹن یونٹ کے ذمہ داران ، کارکنان اورہمدردوں کی بڑی تعداد بھی امدادی سرگرمیوں میں مقامی انتظامیہ کی بڑھ چڑھ کرمعاونت کررہی ہے جسے مقامی انتظامیہ اور شہریوں کی جانب سے سراہا جارہا ہے ۔ ایم کیوایم امریکہ کے تحت ہیوسٹن میں سمندری طوفان سے متاثرہ خاندانوں کوبڑی مقدار میں روزمرہ استعمال کی اشیاء فراہم کی جارہی ہیں جن میں بچوں کیلئے دودھ، پینے کا پانی ، ڈائپرز، کپڑے، کھانا اور روزمرہ استعمال کی دیگر اشیاء شامل ہیں ۔ہیوسٹن میں ایم کیوایم کے تحت متاثرہ خاندانوں کی امدادی سرگرمیوں کا سلسلہ جاری ہے ۔دریں اثناء متحدہ قومی موومنٹ کے بانی وقائدجناب الطاف حسین نے امریکی ریاست ٹیکساس کے شہرہیوسٹن میں سمندری طوفان سے متاثرہ خاندانوں کیلئے امدادی سرگرمیوں میں حصہ لینے والے ایم کیوایم امریکہ ہیوسٹن یونٹ کے ذمہ داران وکارکنان اور رضاکاروں کو زبردست خراج تحسین پیش کیاہے ۔ جناب الطاف حسین نے کہاکہ ایم کیوایم ، سیاست برائے خدمت پریقین رکھتی ہے اور دکھی انسانیت کی خدمت کرنا ایم کیوایم کا نصب العین ہے ۔ جناب الطاف حسین نے کہاکہ امریکہ میں سمندری طوفان سے متاثرہ خاندانوں کی بھرپورمددکرنے اورانہیں روزمرہ استعمال کی اشیاء فراہم کرنے پرہیوسٹن یونٹ کے ایک ایک کارکن اوررضاکار زبردست شاباش اور خراج تحسین کا مستحق ہے ۔ انہوں نے تمام کارکنان اوررضاکاروں کو ہدایت کی کہ وہ اپنی بساط سے بڑھ کرسمندری طوفان سے متاثرہ خاندانوں کی ہرممکن مددکریں اورمتاثرہ خاندانوں کی بحالی کیلئے مقامی انتظامیہ سے ہرممکن تعاون کریں۔ علاوہ ازیں جناب الطاف حسین نے ہیوسٹن میں سمندری طوفان کی تباہ کاریوں کے باعث متعددافراد کے ہلاک وزخمی ہونے پر گہرے دکھ اور افسوس کا اظہارکرتے ہوئے امریکی صدر ڈونلڈ ٹرمپ ، امریکی عوام اورجاں بحق افراد کے سوگوارلواحقین سے دلی تعزیت کی اور زخمیوں کی جلد ومکمل صحت یابی کیلئے دعا بھی کی۔
*****
10/23/2019 12:48:46 PM