کراچی اورحیدرآباد میں طوفانی بارشوں سے قیمتی جانی ومالی نقصانات پررابطہ کمیٹی کا اظہارافسوس

Posted on: 8/22/2017

کراچی اورحیدرآباد میں طوفانی بارشوں سے قیمتی جانی ومالی نقصانات پررابطہ کمیٹی کا اظہارافسوس
سندھ حکومت اور بلدیاتی اداروں کی مجرمانہ غفلت کے باعث کرنٹ لگنے اوردیگرحادثات میں
متعدد شہری ہلاک وزخمی ہوچکے ہیں، رابطہ کمیٹی
طوفانی بارشوں سے پیدا ہونے والے مسائل کے حل کیلئے ہنگامی بنیادوں پر اقدامات کیے جائیں، رابطہ کمیٹی

متحدہ قومی موومنٹ کی رابطہ کمیٹی نے کراچی اور حیدرآباد میں طوفانی بارشوں سے شدید جانی ومالی نقصانات پر گہرے دکھ اور افسوس کا اظہارکیا ہے ۔ ایک بیان میں رابطہ کمیٹی نے کہاکہ طوفانی بارشوں کے پیش نظرحکومتی سطح پر شہریوں کی جان ومال کے تحفظ کیلئے کسی قسم کے اقدامات نہیں کیے گئے ، سندھ حکومت اور بلدیاتی اداروں کی مجرمانہ غفلت کے باعث طوفانی بارشوں میں کرنٹ لگنے اوردیگرحادثات میں متعدد شہری ہلاک وزخمی ہوچکے ہیں ،کراچی اورحیدرآباد میں جگہ جگہ برساتی پانی کھڑا ہوگیا ہے اورجگہ جگہ گندگی کے ڈھیر لگ گئے ہیں جس سے شہریوں کی صحت وزندگی کیلئے خطرات لاحق ہیں۔ رابطہ کمیٹی نے مطالبہ کیاکہ طوفانی بارشوں سے پیدا ہونے والے مسائل کے حل کیلئے ہنگامی بنیادوں پر اقدامات کیے جائیں اورشہریوں کی جان ومال کے تحفظ کیلئے ٹھوس اقدامات بروئے کار لائے جائیں ۔ رابطہ کمیٹی نے طوفانی بارشوں کے باعث کرنٹ لگنے اور دیگرحادثات میں جاں بحق ہونے والے افراد کے سوگوارلواحقین سے اپنی اورقائد تحریک جناب الطاف حسین کی جانب سے دلی تعزیت وہمدردی کا اظہارکرتے ہوئے دعا کی کہ اللہ تعالیٰ مرحومین کو جنت الفردو س میں اعلیٰ مقام عطافرمائے ، سوگوارا ن کو صبرجمیل عطاکرے اورزخمیوں کوجلدومکمل صحت یابی عطافرمائے ۔

*****

11/18/2019 6:38:17 PM

سندھ اپنی تاریخ کے اہم موڑ پر ہے ، سندھ کے عوام فیصلہ کرلیں کہ انہیں ا... 16 Nov 2019	ایم کیوایم کے قاأد الطاف حسین کل بروز ہفتہ سندھ کے عوام سے اہم اورفکرا... 15 Nov 2019
جلد خلیجی ممالک میں وفاپرستوں کی ایک نئے نام سے تنظیم کا اعلان کردیا ج... 15 Nov 2019	ہم نے ایم کیوایم کوایک خاندان کی شکل دے دی تھی،92ئ سے پہلے کراچی میں ... 10 Nov 2019
میرا اپنے کارکنان وعوام سے پیار، محبت اورخلوص کا رشتہ ہے ،یہ رشتہ اۤخ... 10 Nov 2019	ایم کیوایم کے قاأد الطاف حسین نے جشن عیدمیلادالنبی ؐ کے حوالے سے نہای... 10 Nov 2019
ایم کیوایم ساوئتھ افریقہ کی سینٹرل اۤرگناأزنگ کمیٹی کے جواأنٹ انچارج ... 10 Nov 2019	کرتارپوربارڈرکھولنا گریٹرپنجاب کی سازش کاحصہ ہے ، بھارتی پنجاب کوبھی ... 10 Nov 2019
ایم کیوایم کے بانی وقاأد الطاف حسین ہفتہ 9نومبرکو کارکنان وعوام سے انت... 07 Nov 2019	'' کراچی بینالے '' کے اۤرٹ پروگرام کوقانون نافذ کرنے والے اداروں کی ج... 29 Oct 2019