Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی اورحیدرآباد میں بے گناہ کارکنان کی غیرقانونی گرفتاریاں قابل مذمت ہیں ، ایم کیوایم رابطہ کمیٹی


کراچی اورحیدرآباد میں بے گناہ کارکنان کی غیرقانونی گرفتاریاں قابل مذمت ہیں ، ایم کیوایم رابطہ کمیٹی
 Posted on: 8/19/2017
رینجرز اورپولیس نے سرجانی ٹاؤن، لانڈھی، کورنگی ، فیڈرل بی ایریا، نیوکراچی ، ناظم آباداورحیدرآبادسے ایم کیوایم
کے کارکنان اوران کے رشتہ داروں کو گرفتارکرلیا،کارکنان کے نہ ملنے پر اہل خانہ کو سنگین نتائج کی دھمکیاں
کراچی اورحیدرآباد میں بے گناہ کارکنان کی غیرقانونی گرفتاریاں قابل مذمت ہیں ، ایم کیوایم رابطہ کمیٹی
رینجرز ،سندھ کے شہری علاقوں میں ایم کیوایم کرش ایجنڈے پر کام کررہی ہے ، رابطہ کمیٹی
انسانی حقوق کی ملکی وبین الاقوامی تنظیمیں مہاجروں کے انسانی حقوق کی پامالی کے خلاف صدائے احتجاج بلند کریں، رابطہ کمیٹی

متحدہ قومی موومنٹ کی رابطہ کمیٹی نے کراچی اورحیدرآباد میں رینجرزپولیس اوردیگرقانون نافذ کرنے والے دیگراداروں کے ہاتھوں ایم کیوایم کے ذمہ داروں اورکارکنوں کی مسلسل غیرقانونی گرفتاریوں کی شدیدالفاظ میں مذمت کی ہے ۔ ایک بیان میں رابطہ کمیٹی نے کہاکہ کراچی، حیدرآباد اور سندھ کے دیگرشہروں میں مہاجروں کے آئینی ، قانونی اورانسانی حقوق بری طرح پامال کیے جارہے ہیں اور بے گناہ کارکنان کو گرفتارکرکے لاپتہ کیاجارہا ہے ۔ انہوں نے کہاکہ گزشتہ روز رینجرز نے سرجانی ٹاؤن کے کارکنان ارشدحسین ، ریحان قریشی ، حامدیعقوب کو گرفتارکرلیا جبکہ اس سے قبل لانڈھی سے ایم کیوایم کے کارکن نعیم منصور، کورنگی یونٹ75 کے غیرمسلم کونسلر بوبی ولسن، اسی یونٹ کے رکن کامران ولد اکرام الدین، ارشدمیو، ریحان قریشی ، اے پی ایم ایس او سیفی کالج یونٹ کے کارکن محمد رافع اوران کے چارکزن، مویشی منڈی سے فیڈرل بی ایریا یونٹ144 کے سابق یونٹ انچارج آصف خورشید، اے پی ایم ایس او کے کارکن محمد انس ، ناظم آباد گلبہاریونٹ 188 کے کارکنان محمد اویس ولد محمد ساجد ، منیرالدین ولد معین الدین حیدرآباد لطیف آباد کے کارکنان امام الدین ولد فضل ارحمان ، یاسر ولد شاکر حسین ، سمیع ولد شبیر علی ، دانش ولد محمد رمضان ، بلال حیدرولد جاوید اختر، محمد شاہد چوہان ولد تاج محمد چوہان اور محسن شیخ کو گرفتارکرلیا۔ رابطہ کمیٹی نے کہاکہ قانون نافذ کرنے والے ادارے کے اہلکاروں نے ایم کیوایم کورنگی یونٹ 75 کے کارکنان ارسلان ، سہیل ، دانش اور اوصاف کی گرفتاری کیلئے ان کے گھروں پر بھی غیرقانونی چھاپے مارے اور کارکنان کے نہ ملنے پر ان کے اہل خانہ کوسنگین نتائج کی دھمکیاں دیں ۔ 
رابطہ کمیٹی نے ایم کیوایم کے کارکنوں کی گرفتاریوں کی شدیدالفاظ میں مذمت کرتے ہوئے کہاہے کہ ایم کیوایم کے کارکنوں کو گرفتار کرکے لاپتہ کردیاگیا ہے اور گرفتارشدگان کو حراست کے دوران بہیمانہ تشددکانشانہ بنایاجارہاہے۔ رابطہ کمیٹی نے کہاکہ کراچی میں سنگین جرائم کی وارداتیں روزمرہ کا معمول بن چکی ہیں لیکن رینجرزاورقانون نافذ کرنے والے ادارے جرائم پیشہ عناصر کی بیخ کنی کے بجائے ایم کیوایم کو کچلنے اورمہاجروں کے انسانی حقوق کی پامالی میں مصروف ہیں جس سے یہ حقیقت واضح ہوچکی ہے کہ رینجرز ،سندھ کے شہری علاقوں میں ایم کیوایم کرش ایجنڈے پر کام کررہی ہے ۔رابطہ کمیٹی نے حکومت سے مطالبہ کیاکہ ایم کیوایم کے بے گناہ کارکنان کی غیرقانونی گرفتاریوں اورجبری گمشدگیوں کا فوری نوٹس لیاجائے اور تمام بے گناہ کارکنان کو فی الفور رہا کرایاجائے ۔ رابطہ کمیٹی نے انسانی حقوق کی ملکی وبین الاقوامی تنظیموں سے اپیل کی کہ وہ ایم کیوایم کے کارکنوں کی غیرقانونی گرفتاریوں، انہیں لاپتہ کرنے اور مہاجروں کے انسانی حقوق کی پامالی کے خلاف صدائے احتجاج بلند کریں۔ 
*****
4/2/2020 3:39:30 AM