کراچی میں ڈکیتی کی متعددوارداتوں، بھتہ خوری ،قتل ، لوٹ ماراو رپرتشددواقعات تشویشناک ہیں، رابطہ کمیٹی

Posted on: 8/8/2017 1

کراچی میں ڈکیتی کی متعددوارداتوں، بھتہ خوری ،قتل ، لوٹ ماراو رپرتشددواقعات تشویشناک ہیں، رابطہ کمیٹی
ایک ہی دن جرائم کی متعددوارداتیں رینجرزاورپولیس کی کارکردگی پر سوالیہ نشان ہیں، رابطہ کمیٹی
پرامن جمہوری احتجاج کرنے والی خواتین اورانکے اہل خانہ کو ریاستی مظالم کا نشانہ بنایاجاتاہے ، رابطہ کمیٹی
شہریوں کی جان ومال سے کھیلنے والے جرائم پیشہ عناصرکو کھلی چھوٹ دی جارہی ہے، رابطہ کمیٹی
وزیراعظم پاکستان اوروزیراعلیٰ سندھ ،کراچی میں جرائم کی مسلسل وارداتوں کا نوٹس لیں، رابطہ کمیٹی

متحدہ قومی موومنٹ کی رابطہ کمیٹی نے شاہراہ قائدین کراچی میں ڈکیتی کی متعددوارداتوں، بھتہ خوری ،قتل ، لوٹ ماراو رپرتشددواقعات پر گہری تشویش کااظہار کیا ہے ۔ ایک بیان میں رابطہ کمیٹی نے کہاکہ آج مسلح ڈاکوؤں نے شاہراہ قائدین پر واقع بنک میں ڈکیتی کے دوران مزاحمت پربنک کے منیجرکو فائرنگ کا نشانہ بناکر قتل کردیا، اورنگی ٹاؤن کے بازارمیں ڈکیتی کی واردات کی گئی، کراچی پریس کلب کے سابق صدر نجیب احمدمرحوم کی رہائش گاہ واقع ماڈل کالونی میں ڈکیتی کے دوران ڈاکوؤں نے نہ صرف لاکھوں روپے مالیت کی قیمتی اشیاء لوٹ لیں بلکہ مزاحمت پر گھرمیں موجود افراد کو بہیمانہ تشددکا بھی نشانہ بنایا جبکہ جرائم پیشہ افراد نے ڈیفنس کے علاقے میں بھتہ نہ دینے پر ایک ڈاکٹر کے گھرپرکریکرسے حملہ کردیا۔رابطہ کمیٹی نے کہاکہ کراچی میں ایک ہی دن چوری ، ڈکیتی ، بھتہ خوری اورقتل کی متعددوارداتیں رینجرز، پولیس اور دیگرقانون نافذکرنے والے اداروں کی کارکردگی پر سوالیہ نشان ہیں، قانون نافذکرنے والے ادارے پرامن جمہوری احتجاج کرنے والی خواتین اورانکے اہل خانہ کو ریاستی مظالم کا نشانہ بنارہے ہیں لیکن شہریوں کی جان ومال سے کھیلنے والے جرائم پیشہ عناصرکو کھلی چھوٹ دی جارہی ہے۔ ایسا محسوس ہوتا ہے کہ حکومت اورقانون نافذ کرنے والے اداوں نے مہاجردشمنی میں کراچی کے شہریوں کو ڈاکوؤں اور دیگرجرائم پیشہ عناصرکے رحم وکرم پرچھوڑ دیا ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ کراچی میں جگہ جگہ پولیس ،رینجرز اوردیگرقانون نافذکرنے والے اداروں کی موجودگی میں جرائم کی وارداتوں کا رونما ہونا اس بات کا کھلا ثبوت ہے کہ قانون نافذکرنے والے ادارے کراچی میں قیام امن کے بجائے لاکھوں کروڑوں عوام کی منتخب نمائندہ جماعت ایم کیوایم کوکچلنے اور مہاجروں کو تقسیم درتقسیم کرنے میں مصروف ہیں۔ رابطہ کمیٹی نے وزیراعظم پاکستان شاہد خاقان عباسی اوروزیراعلیٰ سندھ مراد علی شاہ سے مطالبہ کیاکہ کراچی میں جرائم کی مسلسل وارداتوں کاسنجیدگی سے نوٹس لیاجائے ، شہریوں کی جان ومال کاتحفظ یقینی بنایاجائے اورمہاجروں کو ریاستی دہشت گردی کا نشانہ بنانے کے بجائے شہریوں کی جان ومال سے کھیلنے والے جرائم پیشہ عناصر کے خلاف کارروائی کی جائے ۔رابطہ کمیٹی نے بنک ڈکیتی کے دوران مزاحمت پر ڈاکوؤں کی گولی کانشانہ بننے والے بنک منیجرکے سوگوارلواحقین سے دلی تعزیت وہمدردی کا اظہاربھی کیا۔

*****

12/10/2018 6:29:41 PM

یوم شہداء، کارکنوں کی یادگار پر حاضری کی کوشش ناکام، متعدد گرفتار ... 10 Dec 2018	حکومت سندھ اورپولیس ورینجرزنے آج یوم شہداکے موقع پر چنگیزی مظالم کوبھی... 09 Dec 2018
متحدہ قومی موومنٹ کے زیراہتمام کل بروز اتوارتحریکی شہیدوں کویادکرنے کی... 08 Dec 2018	دسمبریوم شہداء تجدید عہدوفا اور عزم واستقلال کی نوید دیتا ہے۔الطاف حس... 08 Dec 2018
9، دسمبرکو لندن میں بھی یوم شہداء انتہائی عقیدت واحترام سے منایاجائے گ... 07 Dec 2018	تجاوزات کے نام پر مہاجروں کامعاشی قتل عام کرنے کے بعد میئرکراچی اوربہا... 07 Dec 2018
9، دسمبر کویوم شہداء کے پرامن اجتماع کی راہ میں رکاوٹ نہ ڈالی جائے ، ک... 07 Dec 2018	کراچی میں تجاوزات کے نام پردکانوں اورگھروں کو مسمار کرناگریٹرپنج... 07 Dec 2018
ایم کیوایم کے قائد الطاف حسین کی والدہ محترمہ خورشید بیگم کی 33ویں برس... 06 Dec 2018	اگرمہاجروں نے اپنی اجتماعی بقاء کے لئے عملی جدوجہد نہیں کی تو وہ ہمیش... 06 Dec 2018