ایم کیوایم کے کارکنوں کے ماورائے عدالت قتل ، خواتین کی گرفتاریوں، رہنماؤں وکارکنوں کے رشتہ داروں
کی جبری گمشدگیوں کے خلاف کل بروزاتوار لندن میں 10 ڈاؤننگ اسٹریٹ پر احتجاجی مظاہرہ کیاجائے گا
احتجاجی مظاہرہ دوپہر 2بجے شروع ہوگا،وزیراعظم ٹریسامے کے نام ایک یادداشت بھی پیش کی جائے گی
کارکنان اورہمدردوں زیادہ سے زیادہ تعدادمیں اس احتجاجی مظاہرے میں شرکت کریں۔رابطہ کمیٹی کی اپیل
پاکستان میں ایم کیوایم کے کارکنوں کے ماورائے عدالت قتل ، خواتین کارکنوں کی گرفتاریوں، ایم کیوایم کے رہنماؤں اورکارکنوں اورانکے رشتہ داروں کی گرفتاریوں اورجبری گمشدگیوں اورانسانی حقوق کی پامالیوں کے خلاف ایم کیوایم یوکے کی جانب سے کل بروزاتوار لندن میں برطانوی وزیراعظم کی سرکاری رہائش گاہ 10 ڈاؤننگ اسٹریٹ پر ایک احتجاجی مظاہرہ کیاجائے گا۔ یہ مظاہرہ لندن کے مقامی وقت کے مطابق دوپہر 2بجے شروع ہوگا۔ اس موقع پروزیراعظم ٹریسامے کے نام ایک یادداشت بھی پیش کی جائے گی۔
دریں اثناء ایم کیوایم کی رابطہ کمیٹی نے کارکنوں اورہمدردوں سے اپیل کی ہے کہ وہ زیادہ سے زیادہ تعدادمیں اس احتجاجی مظاہرے میں شرکت کریں اور پاکستان میں ظلم وتشددکانشانہ بننے والے اپنے مظلوم بھائیوں سے یکجہتی کااظہارکریں۔
*****