Home
 
Altaf Hussain
 
English News
 
Urdu News
Sindhi News
Photo Gallery
International Media Inquiries
+44 20 3371 1290
+1 909 273 6068
[email protected]
 
Events
Blogs
Fikri Nishist
Study Circle
Songs
Videos Gallery
Manifesto 2013
Philosophy
Poetry
Online Units
Media Corner
RAIDS/ARRESTS
About MQM
Social Media
Pakistan Maps
Education
Links
Poll
Web TV
Feedback
KKF
Contact Us
رینجرزکی جانب سے ایم کیوایم کے بانی وقائد الطاف حسین اوردیگرذمہ داروں پر لگائے گئے تمام الزامات کی سختی سے تردید کرتے ہیں۔ ندیم نصرت کنوینرایم کیوایم
Posted on: 7/26/2017
رینجرزکی جانب سے ایم کیوایم کے بانی وقائد الطاف حسین اوردیگرذمہ داروں پر لگائے گئے تمام الزامات کی سختی سے
تردید کرتے ہیں۔ ندیم نصرت کنوینرایم کیوایم
یہ الزامات ایم کیوایم کے خلاف جاری سازشوں کاتسلسل اورمیڈیاٹرائل کاحصہ ہیں۔ ندیم نصرت
رینجرزکے ترجمان نے اپنی پریس کانفرنس میں قائدتحریک الطاف حسین کی جوآڈیوریکارڈنگ سنائی ہے وہ ساؤتھ افریقہ میں ہونے والے اے پی ایم ایس او کے شانداریوم تاسیس کے اجتماع کے انعقادپر کارکنوں کو دی جانے والی شاباشی کی ہے جسے توڑ مروڑ کرپیش کیاگیاہے
یوم تاسیس کایہ اجتماع 16جولائی کوساؤتھ افریقہ کے شہرپیٹرمیرزبرگ میں ہواتھا ،اجتماع میں افریقن نیشنل کانگریس کے رکن پارلیمنٹ یوسف بام جی، افریقن نیشنل کانگریس کی کونسلرمحترمہ نجمہ احمد اورمقامی کمیونٹی کی دیگرشخصیات اورلوگوں کی بڑی تعدادنے شرکت کی تھی
اس اجتماع کی خبر تصاویر کے ساتھ 16جولائی کوسوشل میڈیاپر تصاویر کے ساتھ جاری کی گئی تھی اور 17جولائی کومیڈیاکوجاری کی گئی،اسی روزایم کیوایم کی ویب سائٹ پراس اجتماع کی خبر اپ لوڈ کی گئی
قائدتحریک جناب الطاف حسین نے اسی شاندار پروگرام کی مبارکباداورشاباش ساؤتھ افریقہ یونٹ کے ساتھیوں کو فون پر دی تھی
رینجرزکایہ الزام سراسرجھوٹ ہے ، یہ الزام بھی اس سے پہلے لگائے گئے من گھڑت الزامات جیساہے جس کا مقصد پاکستان اور
بین الاقوامی سطح پر ایم کیوایم کو بدنام کرنااورا س کاامیج خراب کرناہے
اورنگی ٹاؤن میں فائرنگ کاواقعہ دراصل ایک گہری سازش کے تحت کرایاگیاتاکہ یہ سارے ڈرامے رچائے جائیں۔ ندیم نصرت
آج ہی ایم کیوایم کے کارکنان کوکراچی یونیورسٹی کے پروفیسرڈاکٹرشکیل عوج کے قتل کے مقدمے سے باعزت بری کیاگیاہے
خداراالزامات اورسازشوں کایہ کھیل اب بند کیا جائے اورہرواقعہ میں ایم کیوایم کوملوث کرنے کی پالیسی ترک کی جائے ۔ ندیم نصرت
متحدہ قومی موومنٹ کی رابطہ کمیٹی کے کنوینرندیم نصرت نے رینجرزکی جانب سے کراچی کے علاقے اورنگی ٹاؤن میں ہونے والے فائرنگ کے واقعہ میں ایم کیوایم کوملوث کرنے اوراس حوالے سے ایم کیوایم کے بانی وقائد جناب الطاف حسین اوردیگرذمہ داروں پر لگائے گئے تمام الزامات کی سختی سے تردید کی ہے اور اسے ایم کیوایم کے خلاف جاری سازشوں کاتسلسل اورمیڈیاٹرائل کاحصہ قراردیاہے۔اپنے بیان میں ندیم نصرت نے کہاکہ رینجرزکے ترجمان نے آج اپنی پریس کانفرنس میں قائدتحریک الطاف حسین کی جوآڈیوریکارڈنگ سنائی ہے وہ ساؤتھ افریقہ میں ہونے والے اے پی ایم ایس او کے شانداریوم تاسیس کے اجتماع کے انعقادپروہاں کارکنوں کو دی جانے والی شاباشی کی ہے جسے توڑ مروڑ کرپیش کیاگیاہے۔ یوم تاسیس کایہ اجتماع 16جولائی کوساؤتھ افریقہ کے شہرپیٹرمیرزبرگ میں ہواتھا جس میں پیٹرمیرزبرگ کے سابقہ میئراور افریقن نیشنل کانگریس سے تعلق رکھنے والے رکن پارلیمنٹ یوسف بام جی، افریقن نیشنل کانگریس کی کونسلرمحترمہ نجمہ احمد اورمقامی کمیونٹی کی دیگرشخصیات اورلوگوں کی بڑی تعدادنے شرکت کی تھی۔ اس اجتماع کی خبربھی تصاویر کے ساتھ 16جولائی کوسوشل میڈیاپر تصاویر کے ساتھ جاری کی گئی تھی اور 17جولائی کومیڈیاکوجاری کی گئی،اسی روزایم کیوایم کی ویب سائٹ پراس اجتماع کی خبر اپ لوڈ کی گئی جوآج بھی دیکھی جاسکتی ہے ۔آج ہم اس اجتماع کی خبرمیڈیاکودوبارہ جاری کررہے ہیں۔ قائدتحریک جناب الطاف حسین نے اسی شاندار پروگرام
کی مبارکباداورشاباش ساؤتھ افریقہ یونٹ کے ساتھیوں کو فون پر دی تھی،کارکنان اچھی طرح جانتے ہیں کہ ہرشانداراجتماع کے انعقادپر کارکنوں اورذمہ داروں کوشاباش اورخراج تحسین پیش کرناقائدتحریک الطاف حسین کی شروع ہی سے روایت ہے ۔ ندیم نصرت نے کہاکہ آج رینجرز کے ترجمان نے قائدتحریک الطاف حسین کی گفتگو کا جو حصہ پیش کیاہے اس میں خودیہ الفاظ شامل ہیں کہ ’’ پوری یونٹ کمیٹی کو، ایک ایک فردکوسب کولاکھوں مبارکباد کہ اتنا خوبصورت پروگرام کیا ،بہت اچھے لوگ آئے ‘‘ اورجواب میں ساتھی بھی قائدتحریک الطاف حسین کوپروگرام کے بارے میں بتارہے ہیں کہ بہت شاندار پروگرام تھااوربہت اچھے لوگ آئے تھے ۔ ندیم نصرت نے کہاکہ یہ امر انتہائی حیرت انگیز بلکہ قابل مذمت ہے کہ قائدتحریک الطاف حسین کی اس گفتگو کوسیاق وسباق سے ہٹاکر رینجرزکی جانب سے یہ نہایت مضحکہ خیز دعویٰ کیاجارہاہے کہ الطاف حسین اس گفتگومیں کارکنوں کو اورنگی ٹاؤن میں ہونے والے فائرنگ کے واقعہ کی مبارکباد پیش کررہے ہیں۔ ندیم نصرت نے رینجرزکے اس الزام کی سختی سے تردیدکرتے ہوئے کہاکہ رینجرزکایہ الزام سراسرجھوٹ ہے ، یہ الزام بھی اس سے پہلے لگائے گئے من گھڑت الزامات جیساہے جس کا مقصد پاکستان اوربین الاقوامی سطح پر ایم کیوایم کو بدنام کرنااورا س کاامیج خراب کرناہے ۔ ندیم نصرت نے کہاکہ گزشتہ چند روزسے قصبہ کالونی اوراس سے ملحقہ علاقوں میں ایم کیوایم کے کارکنوں کی جس بڑے پیمانے پر گرفتاریاں کی جارہی ہیں اور آج جس طرح سے قائدتحریک الطاف حسین کی اس گفتگوکوکچھ کاکچھ بناکرقوم کے سامنے پیش کیاگیااس سے ثابت ہوگیاہے کہ اورنگی ٹاؤن میں ہونے والا فائرنگ کاواقعہ دراصل ایک گہری سازش کے تحت کرایاگیاتاکہ یہ سارے ڈرامے رچائے جائیں۔ ندیم نصرت نے کہاکہ اسی طرح ہرواقعہ میں ایم کیوایم کو ملوث کرکے اس کامیڈیاٹرائل کیاجاتاہے لیکن جب کھلی عدالتوں میں مقدمہ چلتاہے تویہ الزمات اورمقدمات جھوٹ ثابت ہوتے ہیں۔ آج ہی ایم کیوایم کے کارکنان کوکراچی یونیورسٹی کے پروفیسرڈاکٹرشکیل عوج کے قتل کے مقدمے سے باعزت بری کیاگیاہے جنہیں 18ستمبر2014ء کوکراچی میں فائرنگ کے واقعہ میں شہیدکردیاگیاتھا، اس وقت بھی ایم کیوایم کے کارکنوں کواس میں ملوث کیاگیاتھا،کئی روز تک ایم کیوایم کامیڈیاٹرائل کیاگیاتھالیکن آج ہی یہ الزام بھی جھوٹ ثابت ہواہے لیکن ایم کیوایم کوبدنام کرنے کی پالیسی کے تحت آج ایک اورمقدمہ میں ایم کیوایم کے کارکنوں اورقیادت کو ملوث کردیاگیاہے تاکہ میڈیاٹرائل کے ذریعے ایم کیوایم کومزید بدنام کیا جائے اورایم کیوایم کے خلاف جاری آپریشن کومزیدتیز کیاجائے ۔ جناح پورکے خودساختہ نقشے سے لیکرحکیم سعیدکے قتل تک اورحکیم سعید سے لیکر ڈاکٹرشکیل عوج کے قتل تک ایم کیوایم کے خلاف یہی کچھ کیاگیاہے اورآج بھی کیاجارہاہے ۔ ندیم نصرت نے کہاکہ خداراالزامات اورسازشوں کایہ کھیل اب بند کیا جائے اورہرواقعہ میں ایم کیوایم کوملوث کرنے کی پالیسی ترک کی جائے ۔ ندیم نصرت نے کہاکہ ہم رینجرزکی جانب سے لگائے گئے تمام الزامات کی ایک بارپھرصاف اوردوٹوک الفاظ میں سختی سے تردیدکرتے ہیں ۔
3/19/2024 3:00:04 AM
ایم کیوایم کے بانی وقائدجناب الطاف حسین کی جانب سے تمام کارکنوں، ماؤں،
...
18 Mar 2024
ملک بھرمیں بجلی اور گیس کی عدم فراہمی قابل مذمت ہے قائد تحریک الطاف ح
...
14 Mar 2024
زکوٰة ، صدقہ ، فطرہ اور دیگرعطیات بڑھ چڑھ کردیں تاکہ ضرورتمندوں کی ز
...
13 Mar 2024
ایم کیوایم کے بانی وقائد جناب الطاف حسین کی جانب سے تمام اہل وطن کو ر
...
11 Mar 2024
پاکستان کی موجودہ اسمبلی بدترین دھاندلی کے نتیجے میں وجودمیں آئی ہے ،
...
03 Mar 2024
ایم کیوایم کے بانی وقائدجناب الطاف حسین نے وفاپرست امیدواروں نثارپہنور
...
25 Feb 2024
جمعیت علمائے اسلام (ف) کے رہنما حافظ حسین احمد کی علالت پر بانی وقائد
...
23 Feb 2024
ایم کیوایم کے بانی وقائد جناب الطاف حسین ہفتہ 24فروری کوٹک ٹاک پر پاک
...
22 Feb 2024
میرے دل میں کسی کیلئے کوئی نفرت نہیں، میں کسی کا برانہیںچاہتا۔ الطاف ح
...
22 Feb 2024
میں ممتازصحافی اوراینکرعمران ریاض کی دوبارہ گرفتاری کی شدیدالفا ظ میں
...
22 Feb 2024
Muttahida Quami Movement (MQM) Copyright © 2014 (ver 3.0)
Home
Videos Gallery
Links
KKF
Feedback
Altaf Hussain
Photo Gallery
Study Circle
Online Units
Media Corner
News Archive
Manifesto 2013
Fikri Nishist
Songs
Social Media
Urdu News
Philosophy
Poetry
Education
Web TV
Events
RAIDS/ARRESTS
Poll
Pakistan Maps
Contact us