Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے بانی وقائد الطاف حسین کے بھانجے عبدالعزیزانصاری عرف چاندکو گلشن اقبال کے علاقے سے حراست میں لے لیاگیا


ایم کیوایم کے بانی وقائد الطاف حسین کے بھانجے عبدالعزیزانصاری عرف چاندکو گلشن اقبال کے علاقے سے حراست میں لے لیاگیا
 Posted on: 7/25/2017
ایم کیوایم کے بانی وقائد الطاف حسین کے بھانجے عبدالعزیزانصاری عرف چاندکو گلشن اقبال کے
علاقے سے حراست میں لے لیاگیا
عبدالعزیزانصاری ڈسٹرکٹ میونسپل کارپوریشن ایسٹ میں ملازم ہیں،ان کادفتر کراچی کے علاقے گلشن اقبال میں واقع ہے 
عبدالعزیز چاندآج شام گھرجانے کیلئے دفترسے نکلے ہی تھے کہ نامعلوم خفیہ ایجنسی کے اہلکاروں نے انہیں اپنی 
ڈبل کیبن گاڑی میں بٹھالیااوران کے منہ پرکپڑا ڈال کرلے گئے 
عبدالعزیزانصاری عرف چاند کاایم کیوایم یاکسی بھی سیاسی جماعت سے کوئی تعلق نہیں ہے۔رابطہ کمیٹی
قائدتحریک الطاف حسین اورایم کیوایم کے ذمہ داروں اورکارکنوں کے بھائیوں اوردیگر رشتہ داروں کوگرفتارکرناسراسرظلم ہے 
یہ ڈریکونیئن ہتھکنڈے ایم کیوایم کے مشن ومقصداور کارکنوں کے اعصاب ہرگزنہیں توڑسکتے ۔رابطہ کمیٹی متحدہ قومی موومنٹ

متحدہ قومی موومنٹ کی رابطہ کمیٹی نے ایم کیوایم کے بانی وقائد جناب الطاف حسین کے بھانجے عبدالعزیزانصاری عرف چاندکونامعلوم خفیہ ایجنسی کی جانب سے حراست میں لئے جانے کی شدید مذمت کی ہے ۔ اپنے بیان میں رابطہ کمیٹی نے کہاکہ 52سالہ عبدالعزیزانصاری عرف چاند جناب الطاف حسین کی سگی خالہ زاد بہن محترمہ اقبال جہاں کے صاحبزادے ہیں ۔ وہ ڈسٹرکٹ میونسپل کارپوریشن ایسٹ میں ملازم ہیں اوران کادفتر کراچی کے علاقے گلشن اقبال میں واقع ہے ۔ آج بروزمنگل شام ساڑھے پانچ بجے سے چھ بجے کے درمیان وہ اپنے دفترسے گھرجانے کے لئے جیسے ہی اپنی گاڑی میں بیٹھے کہ کسی نامعلوم خفیہ ایجنسی کے اہلکاروں نے انہیں ان کی گاڑی سے اتارکراپنی ڈبل کیبن گاڑی میں بٹھالیااوران کے منہ پرکپڑا ڈال کرلے گئے ۔یہ اہلکار ماسک پہنے ہوئے تھے۔رابطہ کمیٹی نے کہاکہ عبدالعزیزانصاری عرف چاندولد عبدالستارانصاری مرحوم کاایم کیوایم یاکسی بھی سیاسی جماعت سے کوئی تعلق نہیں ہے ۔ عبدالعزیز انصاری کی رہائش عزیزآبادمیں ایم کیوایم کے مرکز نائن زیروکے قریب واقع ہے ،انہیں دوسری مرتبہ حراست میں لیاگیاہے۔ اس سے قبل 11مارچ 2015ء کوبھی جب نائن زیروپر چھاپہ ماراگیاتھاتو اس وقت بھی بڑی تعداد کارکنوں اوراہل محلہ کے ساتھ ساتھ عبدالعزیزکوبھی حراست میں لے لیا گیا تھا۔جب وہ اپنے بیٹے کواسپتال سے لیکرگھرآرہے تھے جن کاایکسیڈینٹ ہوگیاتھا۔آج دوسری مرتبہ عبدالعزیزچاندکوحراست میں لے کرنامعلوم مقام پر منتقل کردیاگیاہے۔رابطہ کمیٹی نے کہاکہ 19جولائی کو قائدتحریک جناب الطاف حسین کے خالہ زاد بھائی خالدحسین کو بھی نارتھ ناظم آباد میں ان کے گھرکے قریب سے نامعلوم خفیہ ایجنسی کے اہلکاروں نے حراست میں لے لیاتھااور چھ روزگزرجانے کے باوجود اب تک ان کاکچھ پتہ نہیں ہے اورآج قائدتحریک الطا ف حسین کے بھانجے عبدالعزیزانصاری کو حراست میں لے لیاگیاہے۔رابطہ کمیٹی نے عبدالعزیزچاند کی گرفتاری کی شدیدمذمت کرتے ہوئے کہاکہ یہ ڈریکونیئن ہتھکنڈے ایم کیوایم کے مشن ومقصداور کارکنوں کے اعصاب ہرگزنہیں توڑسکتے ۔رابطہ کمیٹی نے مطالبہ کیاکہ قائدتحریک الطاف حسین اورایم کیوایم کے ذمہ داروں اورکارکنوں کے بھائیوں اوردیگر رشتہ داروں کوگرفتارکرناسراسرظلم ہے ، یہ سلسلہ بند کیاجائے ،عبدالعزیزچاند، خالدحسین اور ایم کیوایم کے تمام گرفتار شدگان کو فی الفوررہاکیاجائے ۔ رابطہ کمیٹی نے انسانی حقوق کی تنظیموں سے بھی اپیل کی کہ وہ اس ظلم کے خلاف آوازبلندکریں۔
*****
7/5/2026 10:54:50 AM