Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

بہادر اور نڈرخواتین کارکنان ، تحریک کا قیمتی اثاثہ ہیں ، قائد تحریک الطاف حسین


بہادر اور نڈرخواتین کارکنان ، تحریک کا قیمتی اثاثہ ہیں ، قائد تحریک الطاف حسین
 Posted on: 7/18/2017
بہادر اور نڈرخواتین کارکنان ، تحریک کا قیمتی اثاثہ ہیں ، قائد تحریک الطاف حسین
لیاقت آباد میں تین منزلہ عمارت منہدم ہونے پر جائے حادثہ کا دورہ کرنے والی خواتین اراکین کو زبردست خراج تحسین
تحریک کی مجاہدہ بہنیں مال ودولت، عہدے اورنمود ونمائش کی لالچ سے ہٹ کر اپنے فقیرمنش بھائی کے ساتھ کھڑی ہیں، الطاف حسین
ان حالات میں بہادربہنوں نے اپنی جان ہتھیلی پر رکھ تحریک کی روایت کو زندہ رکھا جس پروہ خراج تحسین کی مستحق ہیں، الطاف حسین

متحدہ قومی موومنٹ(پاکستان) کے بانی وقائد جناب الطاف حسین نے لیاقت آباد کے متاثرین کی بھرپورامدادکرنے پر عبوری رابطہ کمیٹی کی ارکان کوزبردست خراج تحسین پیش کرتے ہوئے کہاہے کہ بہادر اور نڈرخواتین کارکنان ، تحریک کا قیمتی اثاثہ ہیں ۔ یہ بات جناب الطاف حسین نے لیاقت آباد میں تین منزلہ عمارت منہدم ہونے پر جائے حادثہ کا دورہ کرنے اور متاثرین سے اظہارہمدردی کرنے والی ایم کیوایم کی عبوری رابطہ کمیٹی کی اراکین سے ٹیلی فون پر بات چیت کرتے ہوئے کیا۔ لیاقت آباد کا دورہ کرنے والی خواتین میں عبوری رابطہ کمیٹی کی انچارج محترمہ ریحانہ نسرین ، جوائنٹ انچارج محترمہ خورشید افسر، اراکین محترمہ حراگل اور محترمہ شمع منشی شامل تھیں ۔ اراکین رابطہ کمیٹی سے گفتگو کرتے ہوئے جناب الطاف حسین نے کہاکہ ایسے کٹھن اورکڑے حالات میں جب کہ تحریک کے مردساتھی دکھی انسانیت کی خدمت کرنے سے قاصر ہیں ، ان حالات میں بہادربہنوں نے اپنی جان ہتھیلی پر رکھ تحریک کی روایت کو زندہ رکھا اور میرے پیغام حق پرستی کی لاج رکھی جس پر ایک ایک بہن زبردست خراج تحسین کی مستحق ہے ۔ جناب الطاف حسین نے کہاکہ مجھے فخر ہے کہ تحریک کی مجاہدہ بہنیں مال ودولت، عہدے اورنمود ونمائش کی لالچ سے ہٹ کر اپنے فقیرمنش بھائی کے ساتھ کھڑی ہیں اور دکھی انسانیت کی خدمت کیلئے اپنا ہرممکن کردارادا کررہی ہیں جس پرمیں آپ سب کو سلام تحسین پیش کرتا ہوں۔ اس موقع پر عبوری رابطہ کمیٹی کی اراکین نے جناب الطا ف حسین کو عمارت گرنے کے نتیجے میں ہونے والے جانی ومالی نقصانات، امدادی سرگرمیوں اور متاثرین کیلئے ایم کیوایم کی جانب سے امدادی سرگرمیوں کی تفصیلات سے بھی آگاہ کیا۔جناب الطاف حسین نے لیاقت آباد میں عمارت گرنے کے حادثے میں جاں بحق ہونے والے افراد کے سوگوارلواحقین سے دلی تعزیت وہمدردی کااظہارکیااور زخمیوں کی جلد ومکمل صحت یابی کیلئے دعا بھی کی ۔
*****
8/31/2025 3:07:08 PM