Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

فاروق ستارکی جانب سے وزیراعظم نوا زشریف سے استعفے کے مطالبے کو قطعی غیراخلاقی ہے ، سید قاسم علی رضا


فاروق ستارکی جانب سے وزیراعظم نوا زشریف سے استعفے کے مطالبے کو قطعی غیراخلاقی ہے ، سید قاسم علی رضا
 Posted on: 7/14/2017
فاروق ستارکی جانب سے وزیراعظم نوا زشریف سے استعفے کے مطالبے کو قطعی غیراخلاقی ہے ، سید قاسم علی رضا
فاروق ستار کو ہائی مورل گراؤنڈ پروزیراعظم کے مطالبہ سے قبل کچھ شرم اور کچھ حیا بھی کرنی چاہیے، قاسم علی رضا
اس وقت ہائی مورل گراؤنڈ کہاں تھا جب آفتاب احمد کو رینجرز کی حراست میں شہید کردیا گیا ،قاسم علی رضا
جوشخص اپنے بانی وقائد کیلئے پھانسی کی سزا کا مطالبہ کرے اس کے منہ سے ہائی مورل گراؤنڈ کی بات سراسر منافقت ہے ، قاسم علی رضا
اللہ تعالیٰ نے عہد توڑنے اور جھوٹی قسم اٹھانے والوں کیلئے قرآن مجیدمیں واضح فرمادیا ہے ، قاسم علی رضا

متحدہ قومی موومنٹ کی رابطہ کمیٹی کے رکن سید قاسم علی رضا نے پی آئی بی ٹولہ کے سرغنہ فاروق ستارکی جانب سے وزیراعظم نوا زشریف سے استعفے کے مطالبے کو قطعی غیراخلاقی قراردیتے ہوئے کہاہے کہ فاروق ستارکوپہلے اپنے گریبان میں جھانکنا چاہیے۔ ایک بیان میں قاسم علی رضا نے کہاکہ وزیراعظم میاں نوازشریف سے استعفے کامطالبہ کرتے ہوئے فاروق ستارکا کہنا ہے کہ’’ ایک اخلاقی جواز نہیں ہے اورکسی بھی وزیراعظم کو ،وزیراعظم رہنے کیلئے ہائی مورل گراؤنڈ ہونا چاہیے‘‘انہوں نے کہاکہ کسی بھی تحریک کے بڑے عہدے پرفائز فردکیلئے کیا اس وقت ہائی مورل گراؤنڈ نہیں تھا جب اس تحریک کے کارکنان کے گھروں پر بلاجواز چھاپے مارے جارہے تھے ، بے گناہ کارکنان کو گرفتارکرکے جھوٹے مقدمات میں ملوث کیاجارہا تھا، انہیں لاپتہ کیاجارہا تھااور ماورائے عدالت قتل بھی کیاجارہا تھا؟ رابطہ کمیٹی نے کہاکہ اس وقت ہائی مورل گراؤنڈ کہاں تھا جب ایم کیوایم کے سینئر کارکن آفتاب احمد کو رینجرز کی حراست میں انسانیت سوز تشددکا نشانہ بناکر شہید کردیا گیا ، سابق آرمی چیف نے ماورائے عدالت قتل کی تحقیقات کا وعدہ پوراکرنے کے بجائے بیرون ملک چلے گئے اور فاروق ستاریہ سب خاموش تماشائی کی طرح رہے؟ انہوں نے مزیدکہاکہ یہ ہائی مورل گراؤنڈ اس وقت کہاں تھا جب رینجرز اور دیگرقانون نافذ کرنے والے اداروں کی جانب سے نائن زیروعزیزآباد، خورشیدبیگم سیکریٹریٹ اور خدمت خلق فاؤنڈیشن سمیت کراچی بھر میں ایم کیوایم کے دفاتر کو سیل یا مسمارکیاجارہا تھا؟ رابطہ کمیٹی نے کہاکہ جو شخص اپنے بانی وقائد کے نام پر انتخابات میں کامیابی حاصل کرے ،ان کی توثیق سے ہی وفاقی وصوبائی وزیربنے ، قومی اسمبلی میں پارلیمانی لیڈر بنایاجائے اورپھر وہی شخص احسان فراموشی کا مظاہرہ کرتے ہوئے اپنے بانی وقائد سے ہی لاتعلقی کا اظہارکرے اور پھر سندھ اسمبلی میں بانی وقائد کیلئے آرٹیکل 6 کے تحت پھانسی کی سزا کا مطالبہ بھی کرے اس کے منہ سے ہائی مورل گراؤنڈ کی بات کرنا اور اسی بنیاد پر وزیراعظم میاں نوازشریف سے استعفے کا مطالبہ کرنا سراسر منافقت ہے ۔ قاسم علی رضا نے کہاکہ فاروق ستار سمیت پی آئی بی ٹولہ سے تعلق رکھنے والے افراد نے ہزاروں مرتبہ قائد تحریک جناب الطاف حسین سے عہد وفاکیلئے اٹھائے گئے عہدکو توڑاہے ، اللہ تعالیٰ نے عہد توڑنے اور جھوٹی قسم اٹھانے والوں کیلئے قرآن مجیدمیں واضح فرمادیا ہے کہ ’’وہ جو اللہ کے عہد اوراپنی قسموں کے بدلے ذلیل دام لیتے ہیں آخرت میں ان کا کچھ حصہ نہیں اور اللہ نہ ان سے بات کرے نہ انکی طرف نظر فرمائے قیامت کے دن اورنہ انہیں پاک کرے اوران کیلئے دردناک عذاب ہے‘‘ (آل عمران ، آیت نمبر 77)
سید قاسم علی رضا نے کہاکہ فاروق ستار کو ہائی مورل گراؤنڈ پروزیراعظم نوازشریف سے استعفے کا مطالبہ کرنے سے پہلے نہ صرف اپنے گریبان میں جھانکنا چاہیے اور اس قسم کے مطالبہ سے قبل کچھ شرم کرنی چاہیے اور کچھ حیا بھی کرنی چاہیے۔
*****
7/17/2026 10:56:42 AM