ایم کیوایم کے بانی وقائد الطاف حسین کی سیدکامران حیدرشہیدکی والدہ اور ہمشیرہ سے فون پر تعزیت

Posted on: 7/12/2017

ایم کیوایم کے بانی وقائد الطاف حسین کی سیدکامران حیدرشہیدکی والدہ اور ہمشیرہ سے فون پر تعزیت

متحدہ قومی موومنٹ کے بانی وقائدجناب الطاف حسین نے تحریک کے سینئرکارکن اورایم کیوایم امریکہ کے جوائنٹ آرگنائزر سیدکامران حیدر شہید کی والدہ اور ہمشیرہ رعنارضا سے فون پر تعزیت کی ۔ انہوں نے والدہ سے تعزیت کرتے ہوئے کہاکہ کامران حیدرکی ناگہانی وفات صرف آپ گھر والوں ہی کیلئے نہیں بلکہ تحریک کے لئے بھی بہت بڑا نقصان ہے ، ہم سب ان کیلئے دکھی اورغمزدہ ہیں۔انہوں نے والدہ کوکامران حیدرشہید کے بارے میں بتایا کہ کامران حیدرشہید جب مجھ سے ملنے لندن آئے تومیں نے ان کے لئے اوردیگرساتھیوں کیلئے اپنے ہاتھ سے کھانا پکاکربھیجاتوانہوں نے نہ صرف کھایابلکہ اس میں کھانانکال کررکھ لیااورکہاکہ میں نے اتنامزیدارکھاناپہلے نہیں کھایا،میں اسے بعدمیں کھاؤں گا۔ میری آنکھوں کے سامنے کامران حیدرشہید کی تصویرگھوم رہی ہے ، مجھے ان کی شہادت سے بہت دکھ پہنچاہے۔ انہوں نے کہاکہ کامران حیدرمرے نہیں بلکہ شہید ہیں اورمیری دعا ہے کہ اللہ تعالیٰ انہیں شہادت کادرجہ عطاکرے اورانہیں شہدائے کربلااورمعصومین کربلاکے سائے میں رکھے اورآپ سب کو صبر دے۔ کامران حیدرشہید کی والدہ نے جناب الطا ف حسین سے کہاکہ آپ نے اس وقت تعزیت کرکے اورہمارے دکھ میں شریک ہوکر ہمیں بڑاحوصلہ دیا ہے، اللہ تعالیٰ آپ کواس کااجردے اور ہمیں صبردے۔ جناب الطا ف حسین نے کامران حیدرشہید کی ہمشیرہ رعنا رضا سے گفتگوکرتے ہوئے کہاکہ کامران حیدرآپ کے بھائی تھے لیکن وہ تحریک کابڑاسرمایہ تھے ، ان کی ناگہانی وفات سے ہم سب کوشدید دکھ ہے ،میں اورتحریک کے تمام کارکنان آپ کے غم میں برابر شریک ہیں۔ کامران حیدرشہید کی ہمشیرہ نے جناب الطاف حسین سے گفتگوکرتے ہوئے کہاکہ کامران حیدرآپ سے بہت محبت کرتے تھے، وہ آپ کے دیوانے تھے ، آپ نے اس وقت ہماری فیملی کاغم جس طرح بانٹاہے اس سے ہمیں بہت حوصلہ ملاہے۔

*****

3/20/2019 8:11:49 AM

ایم کیوایم نے مایوسی میں مبتلا مہاجروں کو متحد کرکے انہیں اپنے حقوق کی... 17 Mar 2019	متحدہ قومی موومنٹ کے بانی وقائدجناب الطاف حسین اتوار17مارچ کواہم خطاب ... 16 Mar 2019
کرائسٹ چرچ، نیوزی لینڈ کی مساجد میں دہشت گردی کے واقعات پرقائد تحریک ا... 15 Mar 2019	قائد تحریک الطاف حسین کے والد حضرت نذیر حسین مرحومؒ کی 52ویں برسی عقید... 13 Mar 2019
میں نے نیک نیتی اورسچائی کے ساتھ قوم کیلئے جدوجہد کی اورجدوجہدمیں 41سا... 13 Mar 2019	قائد تحریک الطاف حسین نے 11جون 1978ء کو جو پودا لگایا تھاوہ آج ایم کیو... 13 Mar 2019
قائد تحریک الطاف حسین نے حقیقت پسندی و عملیت پسندی پر عمل پیرا ہوتے ہو... 12 Mar 2019	11مارچ 2015ء کونائن زیروپر مارے جانے والا چھاپہ اور جواں سال وقاص علی ... 10 Mar 2019
پاکستان کاموجودہ وفاق ملک میں آبادنسلی ولسانی اکائیوں کے حقوق اورمحروم... 08 Mar 2019	موجودہ پاکستان قائد اعظم کا پاکستان نہیں بلکہ پنجابستان ہے، فوجستان ہے... 07 Mar 2019