پی ایس 114 کے ضمنی الیکشن سے قائد تحریک الطاف حسین کے چاہنے والوں کا کوئی تعلق نہیں ہے،مصطفی عزیزآبادی

Posted on: 6/29/2017

پی ایس 114 کے ضمنی الیکشن سے قائد تحریک الطاف حسین کے چاہنے والوں کا کوئی تعلق نہیں ہے،مصطفی عزیزآبادی
پی ایس 114 کے وفاپرست عوام اپنے حلقہ کے ضمنی الیکشن کامکمل بائیکاٹ کریں گے، مصطفی عزیزآبادی
وفاپرست عوام 9، جولائی کو اپنے گھروں پربیٹھ کر خاموش احتجاج کریں گے، مصطفی عزیزآبادی
کیا قائد تحریک جناب الطاف حسین کی اپیل پر قوم اس لئے ووٹ دیتی ہے کہ منتخب نمائندے آزمائش کے وقت
نظریہ اورشہیدوں کے لہوسے غداری کرلیں؟مصطفی عزیزآبادی
اس قسم کی پارلیمانی سیاست مہاجرقوم کے پیروں کی دھول ہے، مہاجروں کی منزل آزاد وخودمختار صوبہ کا حصول ہے، مصطفی عزیزآبادی

متحدہ قومی موومنٹ(پاکستان) کی رابطہ کمیٹی کے رکن مصطفی عزیزآباد ی نے کہاہے کہ پی ایس 114 کے ضمنی الیکشن سے قائد تحریک الطاف حسین کے چاہنے والوں کا کوئی تعلق نہیں ہے، وفاپرست عوام اس الیکشن کامکمل بائیکاٹ کریں گے اور9، جولائی کو اپنے گھروں پربیٹھ کر خاموش احتجاج کریں گے۔
ایک بیان میں مصطفی عزیزآبادی نے کہاکہ سندھ کے شہری عوام عوام 1987ء سے قائد تحریک جناب الطاف حسین کی اپیل پر ایم کیوایم کے نامزد امیدواروں کوبھاری اکثریت سے ووٹ دیکرکامیاب بناتے چلے آرہے ہیں لیکن بعض مفادپرست اورمہاجرقوم کے غداروں نے نہ صرف قائد تحریک جناب الطاف حسین کو دھوکہ دیا اورقوم کی امانت میں خیانت کی بلکہ حق پرست شہیدوں کے لہوکا بھی سودا کرلیا۔ 19، جون1992ء میں جب ایم کیوایم کے خلاف ریاستی آپریشن کیاگیا تو کارکنان عوام تو ثابت قدم رہے لیکن پوری مرکزی کمیٹی ، اراکین سینیٹ ، قومی وصوبائی اسمبلی اوربلدیاتی نمائندوں نے اپنے ظرف وضمیرکا سودا کرلیا اور 23اگست2016ء کوبھی قوم ، تحریک، نظریہ، شہیدوں اور بانی وقائد تحریک جناب الطاف حسین سے غداری کا عمل دہرایا گیا اورپی آئی بی ٹولہ نے یزیدی فوج اور ایجنسیوں کے سامنے گھٹنے ٹیک کرظرف وضمیرکا سوداکرلیا جس کی جتنی بھی مذمت کی جائے کم ہے ۔ مصطفی عزیزآبادی نے کہاکہ کیا قائد تحریک جناب الطاف حسین کی اپیل پر قوم اس لئے ووٹ دیتی ہے کہ یہ ظرف وضمیرکا سوداکرنے والے سینیٹ ، قومی وصوبائی اسمبلی اوربلدیاتی ایوانوں کی نمائندگی کے مزے لوٹیں اورجب آزمائش کا وقت آئے تو مشکل حالات کا مقابلہ کرنے کے بجائے تحریک کے فکروفلسفہ، نظریہ ، مہاجرقوم اور شہیدوں کے لہوسے غداری کرلیں؟ کیا تحریک کے مخلص اورمحنتی کارکنان وہمدرد عوام اس لئے دن رات محنت کرتے ہیں ، جلسہ جلوس کرتے ہیں ، جلسہ میں دریاں بچھاتے ہیں ، اسٹیج سجاتے ہیں ،انتخابی اخرجات میں کیلئے اپنا حصہ ڈالتے ہیں ،اپنے امیدوارکے حق میں نعرے لگاتے ہیں، قیدوبند کی صعوبتیں برداشت کریں اورووٹ دیکر کامیاب بناتے ہیں کہ منتخب ہونے کے بعد یہ ارکان خود کو عوام کاخادم سمجھنے کے بجائے آقاسمجھنے لگیں اور عیش وعشرت کی زندگی میں ڈوب کرغریب کارکنوں کوہی بھول جائیں؟
مصطفی عزیزآبادی نے پی ایس 114 کے ضمنی الیکشن سے قائد تحریک الطاف حسین کے چاہنے والوں کا کوئی تعلق نہیں ہے، اس قسم کی پارلیمانی سیاست مہاجرقوم کے پیروں کی دھول ہے، مہاجروں کی منزل آزاد وخودمختار صوبہ کا حصول ہے اور انشاء اللہ 9، جولائی 2017ء کو پی ایس 114 کے ضمنی الیکشن میں عوام کی خاموش اکثریت پوری دنیا پر واضح کردے گی کہ عوام کے دل آج بھی قائد تحریک جناب الطاف حسین کے لئے ہی دھڑکتے ہیں۔

*****

9/22/2018 5:27:03 PM

اس سے پہلے کہ انڈیا ایٹمی حملہ کرے ،سیاسی وفوجی قیادت وقت ضائع کیے بغی... 22 Sep 2018	مظلوم قومیتیں متحد ہوجائیں تو اپنے مشترکہ دشمن کو شکست دے سکتی ہیں، قا... 19 Sep 2018
ہمیں ایسے ظالمانہ نظام سے آزادی چاہیے جہاں انصاف نہ ہو۔الطا ف حسین ... 17 Sep 2018	انشاء اللہ جلد مظلوموں کا اتحاد تشکیل پائے گا ، قائد تحریک الطاف حسین ... 17 Sep 2018
ڈاکٹرعمران فاروق کے قاتلوں اور ان کے سرپرستوں پراللہ تعالیٰ کا عذاب نا... 16 Sep 2018	ایم کیوایم کے شہیدکنوینرشہید انقلاب ڈاکٹرعمران فاروق کی آٹھویں برسی ان... 16 Sep 2018
بلوچستان میں فوج کشی کاسلسلہ بند کیاجائے ،بلوچستان کے مسئلے کومذاکرات ... 16 Sep 2018	مسئلہ بلوچستان کے حوالے سے ایم کیوایم کے بانی وقائد جناب الطاف حسین کا... 14 Sep 2018
کنوینر ڈاکٹرندیم احسان کی سربراہی میں ایم کیوایم کے وفد کی لندن میں بی... 13 Sep 2018	ایم کیوایم کے قائد الطاف حسین نے بیگم کلثوم نوازکے انتقال پر انکے صاحب... 11 Sep 2018