Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سینٹرل جیل کراچی میں سیاسی اسیروں کو بنیادی حقوق سے محروم کرنا اورجیل مینوئل کی سنگین خلاف ورزی قابل مذمت ہے، ندیم نصرت


سینٹرل جیل کراچی میں سیاسی اسیروں کو بنیادی حقوق سے محروم کرنا اورجیل مینوئل کی سنگین خلاف ورزی قابل مذمت ہے، ندیم نصرت
 Posted on: 6/28/2017
سینٹرل جیل کراچی میں سیاسی اسیروں کو بنیادی حقوق سے محروم کرنا 
اورجیل مینوئل کی سنگین خلاف ورزی قابل مذمت ہے، ندیم نصرت
کالعدم لشکرجھنگوی کے دو دہشت گردوں کے فرارکے بعد سیاسی اسیروں پر عرصہ حیات تنگ کردیاہے، ندیم نصرت
سیاسی اسیروں کی ماڑی پرکرائی جانے والی ملاقاتوں پر پابندی عائد کردی گئی ہے،ندیم نصرت
اسیروں کو 23 گھنٹے بیرکوں میں قیدرکھاجارہا ہے اورانہیں واش روم کا پانی استعمال کرناپڑتا ہے ، ندیم نصرت
اگر جیل سے جہادی دہشت گرد فرارہوئے ہیں تو اس میں سینٹرل جیل کراچی کے قیدیوں کا کیاقصور ہے؟ندیم نصرت
سندھ حکومت ، سینٹرل جیل کراچی میں سیاسی اسیروں کے ساتھ ظالمانہ اورمتعصبانہ سلوک بند کرے ، ندیم نصرت

متحدہ قومی موومنٹ (پاکستان) کے کنوینر ندیم نصرت نے سینٹرل جیل کراچی میں جیل انتظامیہ کے مہاجردشمن طرزعمل، سیاسی اسیروں کو بنیادی حقوق سے محروم کرنے اورجیل مینوئل کی سنگین خلاف ورزی کی سخت ترین الفاظ میں مذمت کی ہے ۔ ایک بیان میں ندیم نصرت نے کہاکہ سینٹرل جیل کراچی میں ملاقات کیلئے اسیروں کے اہل خانہ سے رشوت لینے ،جیل مینوئل اورقیدیوں کے انسانی حقوق کی خلاف ورزیوں کا سلسلہ کوئی نئی بات نہیں ہے لیکن گزشتہ دنوں جوڈیشل کمپلیکس ،سینٹرل جیل سے کالعدم لشکرجھنگوی کے دو دہشت گردوں کے فرارکے بعد جیل انتظامیہ نے سیاسی اسیروں پر عرصہ حیات تنگ کردیاہے ۔ انہوں نے کہاکہ اس واقعہ کے بعد جیل میں آپریشن کرکے قیدیوں کو نہ صرف بیرکوں تک محدود کردیاگیا ہے بلکہ انہیں روزمرہ استعمال کی اشیاء تک سے محروم کردیاگیاہے ۔ جیل انتظامیہ نے سیاسی اسیروں کی ماڑی پرکرائی جانے والی ملاقاتوں پر پابندی عائد کردی ہے، اسیروں کو 23 گھنٹے بیرکوں میں قیدرکھاجارہا ہے ، جس کے باعث قیدیوں کو پینے کیلئے واش روم کا پانی استعمال کرناپڑتا ہے جبکہ عید کے موقع پراہل خانہ کی جانب سے قیدیوں کیلئے لائے گئے کپڑے اورراشن وغیرہ تک واپس کئے جارہے ہیں جس کی جتنی بھی مذمت کی جائے کم ہے ۔انہوں نے مزید کہاکہ اگر کالعدم لشکرجھنگوی کے جہادی دہشت گرد جیل سے فرارہوئے ہیں تو اس میں سینٹرل جیل کراچی کے قیدیوں کا کیاقصور ہے؟ دہشت گردوں کی مددکرنے والے جیل انتظامیہ کے حکام کے خلاف کارروائی کرنے کے بجائے قیدیوں بالخصوص سیاسی قیدیوں کے انسانی حقوق کیوں پامال کئے جارہے ہیں ؟یہ سراسر زیادتی اور ظلم ہے۔ ندیم نصرت نے سندھ حکومت سے مطالبہ کیاکہ سینٹرل جیل کراچی میں سیاسی اسیروں کے ساتھ ظالمانہ اورمتعصبانہ سلوک بند کیاجائے ، قیدیوں کی ملاقات اورانہیں راشن وغیرہ پہنچانے پر عائد پابندی فی الفورختم کرائی جائے اورسیاسی قیدیوں کے انسانی حقوق کی پامالی کا سلسلہ بندکرایاجائے ۔انہوں نے انسانی حقوق کی تنظیموں سے اپیل کی کہ سینٹرل جیل کراچی میں اسیروں کے انسانی حقوق کی خلاف ورزیوں کا فوری نوٹس لیاجائے اور اسکے خلاف صدائے احتجاج بلند کی جائے ۔

*****
8/8/2025 1:43:27 AM