Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے کنوینر ندیم نصرت اورامریکی کانگریس مین ڈینارورا بیکرکے درمیان واشنگٹن میں اہم ملاقات


ایم کیوایم کے کنوینر ندیم نصرت اورامریکی کانگریس مین ڈینارورا بیکرکے درمیان واشنگٹن میں اہم ملاقات
 Posted on: 6/27/2017
ایم کیوایم کے کنوینر ندیم نصرت اورامریکی کانگریس مین ڈینارورا بیکرکے درمیان واشنگٹن میں اہم ملاقات
ملاقات میں پاکستان میں مہاجروں اوردیگرلسانی اکائیوں اوراقلیتوں پرکئے جانے والے مظالم کے بارے میں تفصیلی گفتگو
د ونوں رہنماؤں کا پاکستان کی ملٹری اسٹیبلشمنٹ کی جانب سے مذہبی انتہا پسندگروپوں کی مسلسل سرپرستی کے بارے میں تبادلہ خیال 
مہاجروں، بلوچوں اورپشتونوں کے خلاف کی جانے والی جارحیت کو رکوانے کے لئے اپنابھرپورکرداراداکروں گا۔ڈینارورا بیکر
دونوں رہنماؤں کامستقبل میں قریبی رابطہ رکھنے اور عالمی سطح پر مذہبی انتہاپسندی اوردہشت گردی سے نمٹنے کیلئے ملکر کام کرنے پر اتفاق 
ملاقات انتہائی خوشگواراوردوستانہ ماحول میں ہوئی ۔ ملاقات تین گھنٹے سے زائدوقت تک جاری رہی،دونوں رہنماؤں نے ایک ساتھ کھانا کھایا

متحدہ قومی موومنٹ ( ایم کیوایم ) پاکستان کے کنوینر ندیم نصرت اورامریکہ کے بااثرکانگریس مین ڈینارورا بیکرکے درمیان پیر 26جون کی شب واشنگٹن میں اہم ملاقات ہوئی ۔یہ ملاقات انتہائی خوشگواراوردوستانہ ماحول میں ہوئی ۔ ملاقات تین گھنٹے سے زائد وقت تک جاری رہی جس کے دوران دونوں رہنماؤں نے کھانابھی ایک ساتھ کھایا۔ ڈینارورا بیکر امریکہ میں ایک بااثرکانگریس مین کی حیثیت سے جانے جاتے ہیں، انہوں نے 2013ء میں بلوچستان کی آزادی کے سوال پرریفرنڈم کرانے کابھی مطالبہ کیاتھا جواخبارات میں شہ سرخیوں کی زینیت بناتھا۔ اس تفصیلی ملاقات میں دونوں رہنماؤں نے پاکستان میں فوج کی ایجنسیوں اورپیراملٹری فورسز کی جانب سے مہاجروں اوردیگرلسانی اکائیوں اورمذہبی اقلیتوں پر ڈھائے جانے والے مظالم کے بارے میں تفصیلی گفتگوکی ۔ دونوں رہنماؤں نے پاکستان کی طاقتورملٹری اسٹیبلشمنٹ کی جانب سے خطہ میں مذہبی انتہا پسندگروپوں کی مسلسل سرپرستی کئے جانے کے بارے میں بھی تبادلہ خیال کیا۔ 
ایم کیوایم کے کنوینر نے امریکی کانگریس مین کو ایم کیوایم کے خلاف جاری ریاستی آپریشن میں کارکنوں کے ماورائے عدالت قتل ، لاپتہ کارکنوں ،بڑے پیمانے پر گرفتاریوں کے بعد سرکاری حراست میں کارکنوں پر کئے جانے والے انسانیت سوز تشدداورانہیں جھوٹے مقدمات میں جیلوں میں قید کرنے کے بڑھتے ہوئے واقعات اورایم کیوایم کی سیاسی سرگرمیوں پر عائدغیرآئینی وغیرقانونی پابندی کی تفصیلات سے آگاہ کیا۔ کنوینر ندیم نصرت نے کانگریس مین ڈینارورابیکرکوبتایاکہ کس طرح آئی ایس آئی پیراملٹری رینجرزکے ذریعے ایم کیوایم کے کارکنوں کی سیاسی وفاداریاں تبدیل کرنے کیلئے مختلف ہتھکنڈے استعمال کررہی ہے اور ایم کیوایم کے کارکنوں کوگرفتارکرکے انہیں اپنی تشکیل کردہ پی ایس پی اورپی آئی بی ٹولے میں شامل ہونے پر مجبورکررہی ہے ، جوکارکن شامل ہونے سے انکارکرتاہے اس کوقتل کرکے اس کی لاش سڑکوں یاویرانوں میں پھینک دی جاتی ہے۔
کانگریس مین ڈینارورا بیکرنے پاکستان میں مہاجروں اوردیگرلسانی اکائیوں اوراقلیتوں کے خلاف انسانی حقوق کی پامالی کے مسلسل عمل پر اپنی گہری تشویش کا اظہارکیا۔ کانگریس مین ڈینارورا بیکرنے ایم کیوایم کے کنوینر کویقین دلایا کہ وہ مہاجروں، بلوچوں اورپشتونوں کے خلاف کی جانے والی اس بلاجواز جارحیت کو رکوانے کے لئے اپنابھرپورکرداراداکریں گے ۔دونوں رہنماؤں نے مستقبل میں قریبی رابطہ رکھنے اور عالمی سطح پر مذہبی انتہاپسندی اوردہشت گردی سے نمٹنے کے لئے ملکر کام کرنے پر اتفاق کیا۔
*****
7/3/2020 7:47:17 AM