Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

زمین کے حصول کیلئے ملیرندی کادہانہ چھوٹا کرنا اور کراچی کا قدرتی ماحول تباہ کرنا سازش ہے ، ایم کیوایم رابطہ کمیٹی


زمین کے حصول کیلئے ملیرندی کادہانہ چھوٹا کرنا اور کراچی کا قدرتی ماحول تباہ کرنا سازش ہے ، ایم کیوایم رابطہ کمیٹی
 Posted on: 6/26/2017
زمین کے حصول کیلئے ملیرندی کادہانہ چھوٹا کرنا اور کراچی کا قدرتی ماحول تباہ کرنا سازش ہے ، ایم کیوایم رابطہ کمیٹی
ڈیفنس ہاؤسنگ اتھارٹی کی جانب سے کراچی کے نالے ختم کرکے پلاٹنگ کی جاچکی ہے، رابطہ کمیٹی
نالے ختم کرنے سے کراچی میں نکاسی آب کانظام بری طرح متاثرہوا ہے، رابطہ کمیٹی
زمین کے حصول کیلئے آبی حیات مینگروز ختم کرکے کراچی پورٹ ٹرسٹ ہاؤسنگ کالونی بنائی جارہی ہے، رابطہ کمیٹی
وزیراعلیٰ سندھ کراچی کے خلاف اس سازش کا فوری نوٹس لیں، رابطہ کمیٹی
کراچی کی سول سوسائٹی ، صحافیوں ، کالم نگاروں ،دانشوروں اور اینکرپرسنز متحد ہوکر صدائے احتجاج بلندکریں، رابطہ کمیٹی

متحدہ قومی موومنٹ (پاکستان) کی رابطہ کمیٹی نے ڈیفنس ہاؤسنگ اتھارٹی(DHA) کی جانب سے زمین کے حصول کیلئے ملیرندی کادہانہ چھوٹا کرنے اور کراچی کا قدرتی ماحول تباہ کرنے کی سازش پر گہری تشویش کااظہارکیا ہے ۔ ایک بیان میں رابطہ کمیٹی نے کہاکہ اس سے قبل ڈیفنس ہاؤسنگ اتھارٹی کی جانب سے کراچی کے نالے ختم کرکے پلاٹنگ کی جاچکی ہے جس کے باعث نکاسی آب کانظام بری طرح متاثرہوا ہے۔رابطہ کمیٹی نے کہاکہ مفاد پرست عناصر نے کراچی کو لاوارث سمجھ رکھا ہے اور شہرکے وسائل کی لوٹ مارکا بازارگرم کرکے کراچی کے عوام کی جان ومال کو داؤ پر لگایاجارہا ہے ، اسی سلسلے میں ڈی ایچ اے کی جانب سے محض زمین کے حصول کیلئے ایک جانب آبی حیات مینگروز ختم کرکے کراچی پورٹ ٹرسٹ ہاؤسنگ کالونی بنائی جارہی ہے جبکہ دوسری جانب ملیرندی کادہانہ چھوٹا کرکے برساتی پانی کی نکاسی کے نظام کو مزید خراب ترکیاجارہا ہے ۔ رابطہ کمیٹی نے کہاکہ اگر ملیرندی کے دہانے کو چھوٹا کرنے کا عمل بند نہ کیاگیا تو طوفانی بارشوں سے کراچی کے علاقے شدید متاثرہوسکتے ہیں اورطوفانی بارشوں کے سبب شہریوں کی جان ومال کو شدید خطرہ لاحق ہوسکتا ہے۔ رابطہ کمیٹی نے وزیراعلیٰ سندھ سید مراد علی شاہ سے مطالبہ کیاکہ ملیرندی کا دہانہ چھوٹا کرنے اورکراچی کا قدرتی ماحول تباہ کرنے کی سازش کا نوٹس لیاجائے اور ایسے عمل میں ملوث مفاد پرست عناصر کے خلاف سخت ترین قانونی کارروائی عمل میں لائی جائے ۔رابطہ کمیٹی نے کراچی کی سول سوسائٹی ، صحافیوں ، کالم نگاروں ،دانشوروں اور اینکرپرسنزسے اپیل کی کہ وہ کراچی اور اسکے شہریوں کے خلاف ہولناک سازش کا سنجیدگی سے نوٹس لیں اوراس عمل کے خلاف متحد ہوکر صدائے احتجاج بلندکریں۔

*****
12/18/2025 4:17:37 PM