Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سانحہ احمد پورشرقیہ ایک قومی سانحہ ہے ، کنوینر رابطہ کمیٹی ندیم نصرت


سانحہ احمد پورشرقیہ ایک قومی سانحہ ہے ، کنوینر رابطہ کمیٹی ندیم نصرت
 Posted on: 6/25/2017
سانحہ احمد پورشرقیہ ایک قومی سانحہ ہے ، کنوینر رابطہ کمیٹی ندیم نصرت
وزیراعظم پاکستان، سانحہ پارا چنار اور سانحہ احمد پورشرقیہ کا فوری نوٹس لیں اورغیرجانبدارانہ تحقیقات کرائیں ،ندیم نصرت
سانحہ احمد پورشرقیہ پرقانون نافذکرنے والے ادارے کا بیان سراسر جھوٹ اورقوم کو گمراہ کرنے کی سازش ہے، ندیم نصرت
سانحہ پارا چنار سے عالمی برادری اورپاکستانی قوم کی توجہ ہٹانے کیلئے پنجابی اسٹیبلشمنٹ نے احمدپورشرقیہ کے
غریب عوام پر یہ قیامت صغری ٰ ڈھائی ہے، ندیم نصرت
بہاوپورکے اسپتال میں برن یونٹ نہ ہونے کے باعث بہت سی قیمتی جانیں ضائع ہوگئیں، ندیم نصرت
عیدالفطر کے موقع پر سینکڑوں گھروں میں صف ماتم بچھادی گئی، ندیم نصرت
قائد تحریک الطاف حسین سمیت ایم کیوایم کے تمام کارکنان سانحہ احمد پورشرقیہ کے متاثرین کے غم میں برابرکے شریک ہیں،ندیم نصرت

متحدہ قومی موومنٹ (پاکستان) کی رابطہ کمیٹی کے کنوینر ندیم نصرت نے بہاولپوراحمد پورشرقیہ کے المناک سانحہ میں سینکڑوں افراد کے شہیدوزخمی ہونے پر گہرے دکھ اور افسوس کا اظہارکرتے ہوئے اس سانحہ کو قومی المیہ قراردیاہے ۔ ایک بیان میں ندیم نصرت نے کہاکہ ایک روز قبل ہی پارہ چنار میں کرائے گئے بم دھماکوں میں سینکڑوں شیعہ شہیدوزخمی کردیئے گئے اورابھی ان بے گناہوں کی المناک شہادت کا غم تازہ تھا کہ آج بہاولپورکے علاقے احمد پورشرقیہ میں المناک سانحہ رونما ہوگیا جس میں اب تک 142 افراد شہیداورسینکڑوں افراد جھلس کر زخمی ہوگئے ۔انہوں نے کہاکہ قانون نافذ کرنے والے اداروں کی جانب سے سانحہ احمد پورشرقیہ کی جو وجوہات بیان کی جارہی ہیں وہ سراسر جھوٹ اورقوم کو گمراہ کرنے کی سازش ہے جس کامقصد سانحہ پارا چنار سے قوم کی توجہ ہٹانا ہے ۔حقیقت یہ ہے کہ سانحہ پارا چنار سے عالمی برادری اورپاکستانی قوم کی توجہ ہٹانے کیلئے پنجابی اسٹیبلشمنٹ نے احمدپورشرقیہ کے غریب عوام پر یہ قیامت صغری ٰ ڈھائی ہے اور گمراہ کن بیانات دیکر قوم کو بے وقوف بنایاجارہا ہے جس کی جتنی بھی مذمت کی جائے کم ہے ۔انہوں نے مزیدکہاکہ یہ سانحہ احمد پورشرقیہ کے متاثرین جھلس کر شدیدزخمی ہوگئے لیکن بہاوپورکے اسپتال میں برن یونٹ نہ ہونے کے باعث زخمیوں کوطبی امداد فراہم نہیں کی جاسکی اور بہت سی قیمتی جانیں ضائع ہوگئیں اورعیدالفطر کے موقع پر سینکڑوں گھروں میں صف ماتم بچھادی گئی جس کی جتنی بھی مذمت کی جائے کم ہے ۔ ندیم نصرت نے وزیراعظم پاکستان میاں محمدنوازشریف سے مطالبہ کیاکہ سانحہ پارا چنار اور سانحہ احمد پورشرقیہ کا فوری نوٹس لیاجائے ، ان سانحات کی غیرجانبدارانہ تحقیقات کرائی جائے اور اس کے ذمہ داروں کو سخت ترین سزا دی جائے ۔ ندیم نصرت نے سانحہ احمد پورشرقیہ میں جاں بحق ہونے والے افراد کے سوگوارلواحقین سے دلی تعزیت وہمدردی کا اظہارکرتے ہوئے کہاکہ قائد تحریک جناب الطاف حسین سمیت ایم کیوایم کے تمام کارکنان آپ کے غم میں برابرکے شریک ہیں اوردعاگوہیں کہ اللہ تعالیٰ تمام شہداء کو جنت الفردوس میں اعلیٰ مقام عطافرمائے ، سوگوارلواحقین کو صبرجمیل عطاکرے اورزخمیوں کو جلد ومکمل صحت یاب کرے ۔(آمین)

*****
9/9/2026 9:06:52 AM