Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ریاستی جبرکے باوجود اے پی ایم ایس اوکا39واں یوم تاسیس مختلف شہروں میں بھرپورجوش وجذبے سے منایاگیا
 Posted on: 6/11/2017
ریاستی جبرکے باوجود اے پی ایم ایس اوکا39واں یوم تاسیس مختلف شہروں میں بھرپورجوش وجذبے سے منایاگیا
کراچی کے بعض علاقوں میں کارکنوں اور ہمدردوں نے چھوٹی چھوٹی ٹکڑیوں کی شکل میں گلیوں میں جمع ہوکر یوم تاسیس کاکیک کاٹا 
بیشتر علاقوں میں کارکنوں،خواتین اورطالبات نے گھروں میں جمع ہوکریوم تاسیس منایا، کیک کاٹا، تحریکی ترانے بجائے اور
جئے الطاف حسین کے نعرے لگاکراپنے بانی وقائد سے اپنی محبت وعقیدت کااظہارکیا
کئی علاقوں میں یوم تاسیس کے حوالے سے بینرز بھی لگائے گئے ،کئی مقامات پر یوم تاسیس کی وال چاکنگ بھی کی گئی 
حیدرآبادمیں بھی کئی مقامات پر کارکنوں نے ٹولیوں کی شکل میں جمع ہوکر یوم تاسیس منایا، کیک کاٹااور’’جئے الطاف ‘‘ کے نعرے لگائے
میرپورخاص، سکھر، نوابشاہ ، ٹنڈوجام ،شہدادپور،سانگھڑاور دیگر شہروں میں بھی کارکنوں نے گھروں میںیوم تاسیس منایا
کارکنوں ، طالبات اورخواتین نے بڑی تعداد میں انٹرنیشنل سیکریٹریٹ فون کرکے بانی وقائد الطاف حسین کویوم تاسیس کی مبارکبادپیش کی

تمام ترریاستی مظالم اورجبروستم کے باوجود ’’ آل پاکستان متحدہ اسٹوڈینٹس آرگنائزیشن ‘‘ کا39واں یوم تاسیس پاکستان کے مختلف شہروں میں بھرپورجوش وجذبے سے منایاگیا۔ مسلسل چھاپوں اورگرفتاریوں کے باعث کراچی یاکسی شہرمیں کوئی بڑاعوامی اجتماع منعقدنہیں کیاگیا لیکن کراچی کے بعض علاقوں میں اے پی ایم ایس او اور ایم کیوایم کے کارکنوں اور ہمدردوں نے گلیوں میں چھوٹی چھوٹی ٹکڑیوں کی شکل میں جمع ہوکر اے پی ایم ایس او کے یوم تاسیس کاکیک کاٹااوربانی و قائدجناب الطاف حسین کے حق میں نعرے لگائے ۔کارکنوں کے ساتھ طالبات اورخواتین بھی شریک تھیں۔ اسی طرح بیشتر علاقوں میں کارکنوں،خواتین اورطالبات نے گھروں میں جمع ہوکریوم تاسیس منایا، کیک کاٹا، تحریکی ترانے بجائے اورجئے الطاف حسین کے نعرے لگاکراپنے بانی وقائد سے اپنی محبت وعقیدت کااظہارکیا۔کراچی کے کئی علاقوں میں ایم کیوایم اوراے پی ایم ایس او کے کارکنوں نے یوم تاسیس کے حوالے سے بینرز بھی لگائے جبکہ کئی مقامات پر یوم تاسیس کی وال چاکنگ بھی کی گئی جس میں جناب الطاف حسین کی قیادت پر مکمل اعتمادکااظہارکیاگیااور’’ قائد بس الطاف ‘‘ تحریر کیا گیا ۔ کراچی کی طرح حیدرآبادمیں بھی کئی مقامات پر کارکنوں نے چھوٹی چھوٹی ٹولیوں کی شکل میں جمع ہوکر اے پی ایم ایس او کا یوم تاسیس منایا، کیک کاٹااور’’جئے الطاف ‘‘ کے نعرے لگائے ۔اس کے ساتھ ساتھ میرپورخاص، سکھر، نوابشاہ ، ٹنڈوجام ،شہدادپوراورسانگھڑ سمیت سندھ کے دیگر شہروں میں بھی کارکنوں نے گھروں میں اے پی ایم ایس او کایوم تاسیس منایااورکیک کاٹ کر، تحریکی ترانے بجاکراورنعرے لگاکراپنے روایتی جوش وخروش کااظہارکیا۔ 
دریں اثناء کراچی ، حیدرآباداورسندھ کے مختلف شہروں سے ایم کیوایم اوراے پی ایم ایس او کے نوجوان کارکنوں ، طالبات اورخواتین نے بڑی تعداد میں انٹرنیشنل سیکریٹریٹ فون کرکے بانی وقائدجناب الطاف حسین کواے پی ایم ایس او کے 39ویں یوم تاسیس کی مبارکبادپیش کی اوران سے تجدید عہد وفا کرنے کے ساتھ ساتھ اپنے اس عزم کااظہارکیاکہ چاہے کیسے ہی کٹھن حالات کیوں نہ ہوں اورکیسی ہی سازشیں اورپروپیگنڈے کیوں نہ کئے جائیں وہ قائدتحریک جناب الطاف حسین کی قیادت میں متحد ہیں اورانشاء اللہ متحد رہ کراپنی جدوجہد جاری رکھیں گے ۔ 
*****
7/5/2026 7:09:51 AM