Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

اے پی ایم ایس او کے بے گناہ کارکنان کی غیرقانونی گرفتاریوں کا نوٹس لیاجائے ، ندیم نصرت


اے پی ایم ایس او کے بے گناہ کارکنان کی غیرقانونی گرفتاریوں کا نوٹس لیاجائے ، ندیم نصرت
 Posted on: 6/10/2017
اے پی ایم ایس او کے بے گناہ کارکنان کی غیرقانونی گرفتاریوں کا نوٹس لیاجائے ، ندیم نصرت
قانون نافذکرنے والے اداروں کی جانب سے اے پی ایم ایس او کے خلاف کریک ڈاؤن قابل مذمت ہے ، ندیم نصرت
غیرقانونی چھاپے مارکراے پی ایم ایس او کے متعدد ذمہ داروں اورکارکنوں کوغیرقانونی گرفتارکیاگیاہے ، ندیم نصرت
سیاسی ومذہبی تنظیموں کوکھلے عام سیاسی سرگرمیوں کی اجازت ہے، ندیم نصرت
کالعدم جہادی اورفرقہ پرست تنظیمیں مختلف مساجد کے باہر جہاد کے نام پر چندہ بھی جمع کررہی ہیں، ندیم نصرت
متعصبانہ پالیسی تبدیل نہ کی تو ان کے خلاف مہاجروں میں نفرتوں میں اضافہ قطعی فطری ہوگا، ندیم نصرت
ایم کیوایم اوراے پی ایم ایس او کے تمام گرفتارشدگان کو فی الفوررہا کیاجائے، ندیم نصرت

متحدہ قومی موومنٹ(پاکستان) کے کنوینر ندیم نصرت نے کراچی کے مختلف علاقوں میں اے پی ایم ایس اوکے نوجوان کارکنان کے خلاف رینجرز اورپولیس کے کریک ڈاؤن اورمتعدد طلباء کارکنان کی غیرقانونی گرفتاریوں کی سخت ترین الفاظ میں مذمت کی ہے ۔
ایک بیان میں ندیم نصرت نے چھاپے گرفتاریوں کے مسلسل واقعات کو سراسر مہاجردشمنی کا تسلسل قراردیتے ہوئے کہاکہ ایک روز بعد اے پی ایم ایس او کا39 واں یوم تاسیس ہے لیکن اس سے قبل ہی رینجرز ،پولیس اوردیگرقانون نافذکرنے والے اداروں کے اہلکاروں نے جمعہ اورہفتہ کی درمیانی شب کراچی کے مختلف علاقوں میں اندھا دھند غیرقانونی چھاپے مارکراے پی ایم ایس او کے متعدد ذمہ داروں اورکارکنوں کوغیرقانونی گرفتارکرلیا۔ 
ندیم نصرت نے کہاکہ یہ کہاں کا انصاف ہے کہ ایک جانب مختلف سیاسی ومذہبی تنظیموں کوکھلے عام سیاسی سرگرمیوں کی اجازت ہے حتیٰ کہ کالعدم جہادی اورفرقہ پرست تنظیمیں مختلف مساجد کے باہر جہاد کے نام پر چندہ بھی جمع کررہی ہیں لیکن انہیں روکنے اورگرفتارکرنے والا کوئی نہیں ہے جبکہ ایم کیوایم اوراے پی ایم ایس او کے بے گناہ ذمہ داروں اورکارکنوں کوبلاجوا ز گرفتارکرکے انہیں جھوٹے مقدمات میں ملوث کیاجارہا ہے اور جیلوں میں قید کیاجارہا ہے جس کی جتنی بھی مذمت کی جائے کم ہے۔ ندیم نصرت نے کہاکہ چھاپے گرفتاریوں سے نہ تو مہاجروں کو حقوق کی جدوجہدسے باز رکھاجاسکتا ہے اورنہ انہیں خوف زدہ کیاجاسکتا ہے لیکن اگر قانون نافذکرنے والے اداروں نے اپنی متعصبانہ پالیسی تبدیل نہ کی تو ان کے خلاف مہاجروں میں نفرتوں میں اضافہ قطعی فطری ہوگا۔
ندیم نصرت نے وزیراعظم میاں محمد نوازشریف سے مطالبہ کیاکہ اے پی ایم ایس او کے بے گناہ کارکنان کی غیرقانونی گرفتاریوں کا نوٹس لیاجائے ، ایم کیوایم اوراے پی ایم ایس او کے تمام گرفتارشدگان کو فی الفوررہا کیاجائے اورایم کیوایم کو سیاسی سرگرمیوں کی مکمل آزادی دی جائے ۔ندیم نصرت نے انسانی حقوق کی ملکی اوربین الاقوامی تنظیموں سے بھی اپیل کی کہ وہ مہاجرطلباء کی غیرقانونی گرفتاریوں اوران کے بنیادی انسانی حقوق کی پامالی کے خلاف آواز احتجاج بلند کریں۔

*****
6/25/2019 4:40:28 AM