Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

مانچسٹر بم دھماکہ دہشت گردی ،وحشت وبربریت اورسفاکیت کامذموم واقعہ ہے ۔ الطاف حسین


مانچسٹر بم دھماکہ دہشت گردی ،وحشت وبربریت اورسفاکیت کامذموم واقعہ ہے ۔ الطاف حسین
 Posted on: 5/23/2017
مانچسٹر بم دھماکہ دہشت گردی ،وحشت وبربریت اورسفاکیت کامذموم واقعہ ہے ۔ الطاف حسین
امن اور انسانیت کے دشمن عناصر دہشت گردی کی کارروائیوں کے ذریعے معصوم وبے گناہ انسانوں کاخون بہارہے ہیں 
مانچسٹرمیں بزدلانہ حملہ کرکے کنسٹرٹ میں شرکت کرنے والے معصوم بچوں، نوجوانوں اور خواتین کوخون میں نہلادیاگیا
دہشت گردی کے اس مذموم واقعہ نے نہ صرف مانچسٹربلکہ پورے برطانیہ اوردنیابھرکے امن پسند عوام کوغمزدہ کردیا ہے دھماکے میں جاں بحق ہونے والے افرادکے لواحقین کے غم میں برابرکے شریک ہیں۔الطاف حسین
واقعہ پر برطانیہ کی وزیراعظم مسزتھریسا مے ، مانچسٹرکے میئر اینڈی برن ہم سے بھی دلی تعزیت کرتے ہیں۔الطاف حسین
آزمائش اوردکھ کی اس گھڑی میں وزیراعظم تھریسا مے ، وزیرداخلہ ایمبررڈ ،مانچسٹرکے میئر اینڈی برن ہم اورمانچسٹرکے عوام کے ساتھ ہیں
دہشت گردی کے خاتمہ کیلئے انٹرنیشنل کمیونٹی اور معاشرے کے تمام طبقوں کو سیاسی ،نظریاتی ،مذہبی اورعلاقائی وابستگی کوپس پشت ڈال کراپنے اتحاداوریکجہتی کامظاہرہ کرناچاہیے ۔
ایم کیوایم دہشت گردی کے خاتمہ کے سلسلے میں برطانیہ اورانٹرنیشنل کمیونٹی کے شانہ بشانہ ساتھ ہے۔ الطاف حسین

متحدہ قومی موومنٹ ( پاکستان ) کے بانی وقائدجناب الطاف حسین نے مانچسٹرمیں ارینا میں گزشتہ شب ہونے والے دھماکے کی شدیدالفاظ میں مذمت کی ہے اوراس دھماکے میں بچوں، نوجوانوں اورخواتین سمیت متعدد افرادکے جاں بحق ہونے پر دلی افسوس کااظہارکیاہے ۔ اپنے ایک بیان میں جناب الطاف حسین نے کہاکہ امن اور انسانیت کے دشمن عناصر اپنی دہشت گردی کی کارروائیوں کے ذریعے معصوم وبے گناہ انسانوں کاخون بہارہے ہیں ، اس سے پہلے لندن کونشانہ بنایاگیااورگزشتہ شب مانچسٹرمیں بزدلانہ حملہ کیاگیااورمانچسٹرارینامیں دھماکہ کرکے وہاں کنسٹرٹ میں شرکت کرنے والے معصوم بچوں، نوجوانوں اور خواتین کوخون میں نہلادیاگیا۔جناب الطاف حسین نے کہاکہ یہ واقعہ دہشت گردی ،وحشت وبربریت اورسفاکیت کاایسا واقعہ ہے کہ جس کی جتنی بھی مذمت کی جائے کم ہے ۔ انہوں نے مزیدکہاکہ دہشت گردی کے اس مذموم واقعہ نے نہ صرف مانچسٹربلکہ پورے برطانیہ اوردنیابھرکے امن پسند عوام کوغمزدہ کردیا ہے ۔ انہوں نے دھماکے میں جاں بحق ہونے والے افرادکے لواحقین سے دلی تعزیت کااظہارکرتے ہوئے کہاکہ میں اورایم کیوایم کے تمام کارکنان آپ کے غم میں برابرکے شریک ہیں اوردعاکرتے ہیں کہ اللہ تعالیٰ آپ کویہ صدمہ برداشت کرنے کاحوصلہ اورصبرعطاکرے۔ انہوں نے زخمیوں کی جلد صحتیابی کے لئے بھی دعاکی ۔ جناب الطاف حسین نے دہشت گردی کے اس واقعہ پر برطانیہ کی وزیراعظم مسزتھریسا مے ،وزیرداخلہ مسزایمبررڈاور مانچسٹرکے میئر اینڈی برن ہم سے بھی دلی تعزیت کااظہارکرتے ہوئے کہاکہ وہ آزمائش اوردکھ کی اس گھڑی میں آپ اورمانچسٹرکے متاثرہ عوام کے ساتھ ہیں۔جناب الطاف حسین نے کہاکہ دہشت گردی کے خاتمہ کے لئے انٹرنیشنل کمیونٹی اور معاشرے کے تمام طبقوں کو سیاسی ،نظریاتی ،مذہبی اورعلاقائی وابستگی کوپس پشت ڈال کراپنے اتحاداوریکجہتی کامظاہرہ کرناچاہیے ۔ ایم کیوایم اس سلسلے میں برطانیہ اورانٹرنیشنل کمیونٹی کے شانہ بشانہ ساتھ ہے ۔ 
*****
8/11/2025 12:47:51 PM