ڈسٹرکٹ کورنگی کے حق پرست یوسی چیئرمین محمدفاروق کی گرفتاری سراسرظلم ہے ۔ ندیم نصرت،کنوینرایم کیوایم

Posted on: 5/9/2017 1

ڈسٹرکٹ کورنگی کے حق پرست یوسی چیئرمین محمدفاروق کی گرفتاری سراسرظلم ہے ۔ ندیم نصرت،کنوینرایم کیوایم
رینجرزنے محمدفاروق کو پیرکی شب گلستان جوہرکے علاقے میں ان کی والدہ کے گھرسے گرفتار کیا
محمدفاروق کاگناہ یہ ہے کہ وہ اپنے ظرف وضمیرکاسوداکرنے اوراپنی سیاسی وفاداری تبدیل کرنے پر تیار نہیں ہیں
کراچی میں آپریشن قیام امن کیلئے نہیں بلکہ ایم کیوایم کوختم کرنے کیلئے کیاجارہاہے، تمام ترمظالم اسی سلسلے کی کڑی ہیں
یوسی چیئرمین محمدفاروق کوفی الفوررہاکیاجائے ،ایم کیوایم کے کارکنوں، ذمہ داروں اور عوامی نمائندوں کوگرفتارکرنے کا سلسلہ بندکیاجائے
انسانی حقوق کی تنظیمیں ایم کیوایم کے کارکنوں کی گرفتاریوں ، جبری گمشدگیوں او رانسانی حقوق کی خلاف ورزیوں کے
خلاف صدائے احتجاج بلندکریں۔ندیم نصرت

متحدہ قومی موومنٹ ( پاکستان ) کے کنوینرندیم نصرت نے ڈسٹرکٹ کورنگی یوسی 23کے حق پرست یوسی چیئرمین محمدفاروق کی گرفتاری کی شدیدالفاظ میں مذمت کی ہے ۔اپنے ایک بیان میں ندیم نصرت نے کہاکہ محمدفاروق کو پیرکی شب گلستان جوہرکے علاقے میں ان کی والدہ کے گھرسے رینجرزنے گرفتارکرلیا ہے اورانہیں نامعلوم مقام پر منتقل کردیاہے ۔ندیم نصرت نے محمدفاروق کی گرفتاری کی شدیدمذمت کرتے ہوئے کہاہے کہ محمدفاروق یوسی چیئرمین کی حیثیت سے کورنگی کے عوام کی بلاامتیازخدمت کررہے ہیں لیکن ان کاگناہ یہ ہے کہ وہ اپنے ظرف وضمیرکاسوداکرنے اوراپنی سیاسی وفاداری تبدیل کرنے پر تیار نہیں ہیں ،اسی لئے انہیں گرفتار کرلیا گیا ہے ۔ندیم نصرت نے کہاکہ ایم کیوایم کے جو کارکنان و ذمہ داران ، یوسی چیئرمین اورکونسلرزاپناظرف وضمیربیچنے کیلئے تیارنہیں ہیں انہیں چن چن کر گرفتار کیا جارہاہے،انہیں سرکاری حراست میں تشدد کانشانہ بنایا جارہا ہے،انہیں مختلف ٹولوں میں شمولیت پر مجبورکیاجارہاہے اور انکار پرانہیں جھوٹے مقدمات میں ملوث کیاجارہاہے۔ ندیم نصرت نے کہاکہ یہ سراسرظلم ہے اوراس بات کاثبوت ہے کہ کراچی میں برسوں سے جاری آپریشن قیام امن کیلئے نہیں بلکہ ایم کیوایم کوختم کرنے کیلئے کیاجارہاہے اوریہ تمام ترمظالم اسی سلسلے کی کڑی ہیں۔ ندیم نصرت نے مطالبہ کیا کہ یوسی چیئرمین محمدفاروق کوفی الفور رہا کیاجائے اورایم کیوایم کے کارکنوں، ذمہ داروں اور عوامی نمائندوں کوگرفتارکرنے کا سلسلہ بندکیاجائے ۔ندیم نصرت نے انسانی حقوق کی تنظیموں سے بھی اپیل کی کہ وہ کراچی میں ایم کیوایم کے بے گناہ کارکنوں کی گرفتاریوں ، جبری گمشدگیوں او رانسانی حقوق کی خلاف ورزیوں کے خلاف صدائے احتجاج بلندکریں۔

*****

7/21/2019 1:36:13 AM

ممتاز شاعروادیب جناب حمایت علی شاعر کے انتقال پر قاأد تحریک الطاف حسین... 16 Jul 2019	ایم کیوایم کے سینئر کارکن اورسابق رکن سندھ اسمبلی عارف صدیقی کے چھوٹے... 15 Jul 2019
ٹی وی اورریڈیوکی سینئراورمایہ ناز فنکارہ محترمہ زہین طاہرہ کے انتقال ... 09 Jul 2019	ایم کیوایم کی سینئررکن سیدہ عبیرہ حسین کی والدہ محترمہ کی علالت پر قا... 08 Jul 2019
ایم کیوایم اۤسٹریلیا کے رکن عارف زبیری کے چچا اوروفاقی اردویونیورسٹی ... 03 Jul 2019	مہاجرایک حقیقت ہیں ، انہیں تسلیم کئے بغیراور برابرکے حقوق دیے بغیرقیا... 02 Jul 2019
ہماری جدوجہد سخت اورکٹھن سہی لیکن ہم کٹھن حالات کے باوجود جدوجہد جاری ... 30 Jun 2019	ایم کیوایم کورنگی سیکٹر شعبہ خواتین کی سینئرکارکن ثناأ شفیق کی والدہ م... 29 Jun 2019
افضال منیف مرحوم نے نہ صرف اچھے وقت میں ایم کیوایم کےلئے خدمات انجام ... 27 Jun 2019	ایم کیوایم یوکے کے زیراہتمام ہفتہ 29جون کو اے پی ایم ایس اوکے41ویں یوم... 27 Jun 2019