Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی کے مختلف علاقوں میں کارکنان کی گرفتاریاں قابل مذمت ہیں ، رابطہ کمیٹی


کراچی کے مختلف علاقوں میں کارکنان کی گرفتاریاں قابل مذمت ہیں ، رابطہ کمیٹی
 Posted on: 5/2/2017 1
کراچی کے مختلف علاقوں میں کارکنان کی گرفتاریاں قابل مذمت ہیں ، رابطہ کمیٹی
پولیس اوررینجرز نے نیوکراچی ، ملیر، شاہ فیصل کالونی اورشہرکے دیگر علاقوں میں چھاپے مارکر کارکنان وہمدردوں کو گرفتارکرلیا، رابطہ کمیٹی
بعض کارکنان کے نہ ملنے پر ان کے والد ، بھائیوں اوردیگر رشتہ داروں کی گرفتارکیاگیا ہے، رابطہ کمیٹی
چھاپے گرفتاریوں سے نہ تو ایم کیوایم کو ختم کیاجاسکتا ہے اورنہ ہی کارکنان کے دلوں سے
قائد تحریک الطاف حسین کی محبت ختم کی جاسکتی ہے، رابطہ کمیٹی
وزیراعظم اورآرمی چیف بے گناہ کارکنان وہمدردوں کی غیرقانونی گرفتاریوں کاسلسلہ بند کرائیں ، رابطہ کمیٹی

متحدہ قومی موومنٹ (پاکستان) کی رابطہ کمیٹی نے کراچی کے مختلف علاقوں میں ایم کیوایم کے بے گناہ کارکنوں اورانکے عزیزواقارب کی بلاجواز گرفتاریوں کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ قانون نافذ کرنے والے اداروں کے اہلکاروں کی جانب سے ایم کیوایم کے بے گناہ کارکنوں اورہمدردوں کے گھروں پر غیرقانونی چھاپوں اور بلاجواز گرفتاریوں کا سلسلہ جاری ہے اورکارکنان پر دباؤ ڈالاجارہا ہے کہ وہ قائد تحریک جناب الطاف حسین کوچھوڑ کر اسٹیبلشمنٹ کے تشکیل کردہ ٹولوں میں شامل ہوجائیں ۔رابطہ کمیٹی نے کہاکہ حکومت اور اسٹیبلشمنٹ کی جانب سے قائدتحریک جناب الطاف حسین کے چاہنے والے کارکنان پر عرصہ حیات تنگ کیاجارہا ہے ، گزشتہ روز بھی پولیس اوررینجرز نے نیوکراچی ، ملیر، شاہ فیصل کالونی اورشہرکے دیگر علاقوں میں چھاپے مارکرایم کیوایم کے متعدد کارکنان وہمدردوں کو گرفتارکرلیاجبکہ بعض کارکنان کے نہ ملنے پر ان کے والد ، بھائیوں اوردیگر رشتہ داروں کی گرفتارکیاگیا ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ ایک جانب جرائم پیشہ عناصر پورے شہر میں دندناتے پھر رہے اور کھلے عا شہریوں کی جان ومال سے کھیل رہے ہیں لیکن ان جرائم پیشہ عناصر کو گرفتارکرنے کے بجائے ایم کیوایم کے کارکنان وعوام کو سیاسی انتقام کا نشانہ بنایاجارہا ہے اورایم کیوایم کو کچلنے کیلئے پوری ریاستی طاقت کوجھونک دیاگیا ہے ۔ رابطہ کمیٹی نے کہاکہ ظلم وستم اورچھاپے گرفتاریوں سے نہ تو ایم کیوایم کو ختم کیاجاسکتا ہے ، نہ پرعزم کارکنان وعوام کے حوصلے پست کیے جاسکتے ہیں اورنہ ہی کارکنان وعوا م کے دلوں سے قائد تحریک جناب الطاف حسین کی محبت ختم کی جاسکتی ہے ۔ رابطہ کمیٹی نے وزیراعظم میاں نوازشریف اورچیف آف آرمی اسٹاف جنرل قمرجاوید باجوہ سے مطالبہ کیاکہ ایم کیوایم کے بے گناہ کارکنان وہمدردوں کی غیرقانونی گرفتاریوں کاسلسلہ بند کرایاجائے اور ایم کیوایم کوسیاسی سرگرمیوں کی مکمل آزادی دی جائے ۔
*****
10/11/2026 3:14:34 PM