امریکی جریدے نیوز ویک میں انکشاف پر ایمن الظواہر ی کی کراچی میں آئی ایس آئی کی حفاظت میں موجود گی
کی اطلاع پر رابطہ کمیٹی کا اظہار تشویش
صدر پاکستان اور وزیر اعظم اس خبر کی تحقیقات اپنے سول سیکیورٹی اداروں سے کروائیں اور عوام کے سامنے حقائق لائیں،رابطہ کمیٹی
پہلے اسامہ بن لادن کو ایبٹ آباد سے امریکیوں نے مار کر اس کی لاش اپنے ساتھ لے گئے تھے،رابطہ کمیٹی
اب ایمن الظواہری کے بارے میں امریکیوں کو پوری طرح کرا چی میں موجودگی کی اطلاع مل چکی ہے
کراچی کے عوام ایمن الظواہری کی کراچی میں موجودگی پر اپنے آپ کو اور اپنی آل اولادکو چوکنا رکھیں،رابطہ کمیٹی
متحدہ قومی موومنٹ کی رابطہ کمیٹی نے اپنے ایک بیان میں مشہور امریکی جریدے نیوز ویک میں شائع ہونے والے اس انکشاف پر انتہائی تشویش کا اظہار کیا ہے کہ ایمن الظواہر ی Ayman al-Zawahirجو اسامہ بن لادن کے بعد القاعدہ کا اہم ترین رہنما ہے، کراچی میں آئی ایس آئی کی حفاظت میں موجود ہے ۔رابطہ کمیٹی نے صدر پاکستان اور وزیر اعظم پاکستان سے مطالبہ کیا ہے کہ وہ اس خبر کی تحقیقات اپنے سول سیکیورٹی اداروں سے کروائیں اور عوام کے سامنے حقائق لائیں ۔ رابطہ کمیٹی نے کراچی کے عوام سے کہا کہ وہ ایمن الظواہری کی کراچی میں موجودگی پر اپنے آپ کو اور اپنی آل اولادکو چوکنا رکھیں ۔ رابطہ کمیٹی نے کہا کہ پہلے اسامہ بن لادن کو ایبٹ آباد سے امریکیوں نے مار کر اس کی لاش اپنے ساتھ لے گئے تھے اور اب ایمن الظواہری کے بارے میں امریکیوں کو پوری طرح کرا چی میں موجودگی کی اطلاع مل چکی ہے ۔رابطہ کمیٹی نے وزیر اعظم پاکستان میاں محمد نواز شریف اور صدر پاکستان ممنون حسین سے مطالبہ کیا ہے کہ وہ آئی ایس آئی سے کہہ کہ اگر ایمن الظواہری کو اپنی حفاظت میں رکھنا ہے تو کراچی کے بجائے اسلام آباد میں آئی ایس آئی کے مرکز کے دائیں یا بائیں یا اریب قریب رکھیں او رکراچی سے اسے فی الفور نکالا جائے ۔
مزید برآں ایمن الظواہری کے بارے امریکہ کے مشہور جریدے نیوز ویک میں شائع ہونے والی خبر کا متن اس خبر کے ساتھ منسلک کیا جارہا ہے۔
http://www.newsweek.com/ayman-al-zawahiri-cia-donald-trump-drone-strike-
osama-bin-laden-pakistan-587732