Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

لاہورمیں خودکش دھماکے نے آپریشن ردالفساد کی کامیابی کے حکومتی دعووں کی قلعی کھول دی ہے ۔ندیم نصرت


لاہورمیں خودکش دھماکے نے آپریشن ردالفساد کی کامیابی کے حکومتی دعووں کی قلعی کھول دی ہے ۔ندیم نصرت
 Posted on: 4/5/2017 1
لاہورمیں خودکش دھماکے نے آپریشن ردالفساد کی کامیابی کے حکومتی دعووں کی قلعی کھول دی ہے ۔ندیم نصرت
اگر دہشت گردوں کاقلع قمع ہوگیا ہے توپھر آئے روز دھماکے اور دہشت گردی کی کارروائیاں کس طرح ہورہی ہیں؟ 
جب وزیرداخلہ کالعدم تنظیموں کی کھلی حمایت و معاونت کردیں گے تودہشت گرد ی کاقلع قمع کس طرح ہوسکتاہے 
دہشت گردی کی روک تھام کے بجائے اسٹیبلشمنٹ اور قانون نافذ کرنے والے اداروں کی تمام تر توانائیاں
اس کوشش میں صرف ہورہی ہیں کہ کس طرح ایم کیوایم کوکچلاجائے 
جب تک خودکش حملوں کی ترغیب اوربرین واشنگ کرنے والوں کے خلاف کارورائی نہیں کی جائے گی اورنیشنل
ایکشن پلان پر اس کی روح کے مطابق عمل نہیں ہوگا، دہشت گردی کاخاتمہ نہیں ہوسکتا۔ ندیم نصرت 
لاہور خوددکش دھماکے پراظہارمذمت، واقعہ میں جاں بحق ہونیوالے فوجی اہلکاروں اوردیگرافرادکے لواحقین سے اظہارتعزیت

متحدہ قومی موومنٹ ( پاکستان ) کی رابطہ کمیٹی کے کنوینرندیم نصرت نے لاہورمیں ہونے والے خودکش دھماکے کی شدیدمذمت کی ہے اوراس واقعہ میں فوج کے اہلکاروں سمیت چھ افرادکے جاں بحق ہونے پر دلی افسوس کااظہارکیاہے ۔ اپنے بیان میں ندیم نصرت نے کہاکہ کچھ دنوں قبل لاہور میں ہونے والے ہولناک خودکش حملے کے بعد حکومت اورقانون نافذ کرنے والے اداروں نے بڑے شان اورطمطراق سے یہ دعوے کئے تھے کہ اس نے دہشت گردوں کی کمر توڑ دی ہے ،دہشت گردوں کاقلع قمع کردیا ہے لیکن آج پھر لاہورمیں ہونے والے خودکش دھماکے نے آپریشن ردالفساد کی کامیابی کے تمام تر حکومتی دعووں کی قلعی کھول کررکھ دی ہے ۔ انہوں نے مزیدکہاکہ اگر سب کچھ ٹھیک ہوگیاہے، دہشت گردوں کاقلع قمع ہوگیا ہے توپھر آئے روزیہ دھماکے، خودکش حملے اور دہشت گردی کی کارروائیاں کس طرح ہورہی ہیں؟ ندیم نصرت نے کہاکہ جب ملک کے وزیرداخلہ کالعدم دہشت گرد تنظیموں کی کھلی حمایت و معاونت کردیں گے، جب خودکش حملوں کی ترغیب دینے والوں اورداعش کی کھلے عام حمایت کرنے والوں کے خلاف کارروائی کرنے کے بجائے ان کے لئے نرم گوشہ رکھیں گے اوراسمبلی میں ان کامقدمہ لڑیں گے توخودکش حملے کرنے والوں اورانہیں اس کی ترغیب دینے والوں کاقلع قمع کس طرح ہوسکتاہے۔ ندیم نصرت نے کہاکہ یہ المیہ ہے کہ ملک میں دہشت گردی کی روک تھام اورعوام کی جان ومال کاتحفظ کرنے کے بجائے اسٹیبلشمنٹ اور قانون نافذ کرنے والے اداروں کی تمام تر توانائیاں اس کوشش میں صرف ہورہی ہیں کہ کس طرح ایم کیوایم کے ٹکڑے کئے جائیں، کس طرح ایم کیوایم کوکچلاجائے ،کس کس طرح ایم کیوایم کوبدنام کیاجائے اورلندن میں قائد تحریک الطاف حسین کے لئے کس کس طرح مشکلات پیداکی جائیں۔ندیم نصرت نے کہاکہ جب تک حکومت اوراس کے تمام اداروں کی ترجیحات درست نہیں ہوں گی، جب تک خودکش حملوں کی ترغیب اوربرین واشنگ کرنے والوں کے خلاف کارورائی نہیں کی جائے گی اورکالعدم تنظیموں کی حمایت ومعاونت ختم نہیں ہوگی اورنیشنل ایکشن پلان پر اس کی روح کے مطابق عمل نہیں ہوگا،ملک سے دہشت گردی کاخاتمہ نہیں ہوسکتا۔ ندیم نصرت نے لاہور میں ہونے والے خودکش دھماکے میں جاں بحق ہونے والے افرادکے لواحقین سے دلی تعزیت کااظہارکیااورزخمیوں کی جلدصحتیابی کی دعاکی ۔ 
*****
10/26/2026 4:03:03 PM