Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

دہشت گردی کے نام پر اہل تشیع مسلمانوں کی نسل کشی بند کی جائے ۔ اپنے بیان میں ندیم نصرت


دہشت گردی کے نام پر اہل تشیع مسلمانوں کی نسل کشی بند کی جائے ۔ اپنے بیان میں ندیم نصرت
 Posted on: 3/31/2017
دہشت گردی کے نام پر اہل تشیع مسلمانوں کی نسل کشی بند کی جائے ۔ اپنے بیان میں ندیم نصرت
ایک دولتمندعرب ملک کے کہنے پر شیعہ آبادی کے خلاف نفرت پھیلائی گئی ، انکے لئے کفر کے فتوے جاری کئے گئے
سرکاری ایجنسیوں کی پروکسیز کے قائم کردہ مدرسوں میں معصوم طلبہ کواہل تشیع مسلمانوں سے نفرت کادرس دیاگیا،
اسی نفرت کے پودے آج درخت بن چکے ہیں اور فرقہ وارانہ دہشت گردی نے ملک کواپنی لپیٹ میں لیاہواہے
جنرل راحیل شریف نے عرب ملکوں کی ایک ایسی فوج کی قیادت کی ذمہ داری قبول کی جس کے بارے میں یہ تاثرعام 
ہے کہ وہ اہل تشیع مسلمانوں کے خلاف قائم کی گئی ہے۔پارہ چنار میں دہشت گردی کے واقعہ پر اظہارمذمت

متحدہ قومی موومنٹ (پاکستان )کی رابطہ کمیٹی کے کنوینر ندیم نصرت نے پارہ چنارمیں واقع امام بارگاہ پرہولناک دھماکہ کی پرذور مذمت کی ہے اوردھماکے میں درجنوں معصوم وبے گناہ افراد کے شہید وزخمی ہونے پر دلی تعزیت کااظہارکرتے ہوئے کہاہے کہ دہشت گردی کے نام پر اہل تشیع مسلمانوں کی نسل کشی بند کی جائے ۔ اپنے بیان میں ندیم نصرت نے کہاکہ یہ امرانتہائی افسوسناک ہے کہ پاکستان میں ایک دولتمندعرب ملک کے کہنے پر شیعہ آبادی کے خلاف نفرت پھیلائی گئی ، انکے لئے کفر کے فتوے جاری کئے گئے اورسرکاری ایجنسیوں کی پروکسیز کے قائم کردہ مدرسوں میں معصوم طلبہ کواہل تشیع مسلمانوں سے نفرت کادرس دیاگیا،اسی نفرت کے بیج سے نکلنے والے پودے آج درخت بن چکے ہیں اورآج فرقہ وارانہ بنیادوں پردہشت گردی نے پورے ملک کواپنی لپیٹ میں لیاہواہے،آج پارہ چنارمیں ہونے والادہشت گردی کاواقعہ بھی اسی سلسلے کی کڑی ہے۔ندیم نصرت نے کہاکہ پارہ چنار میں دہشت گردی کاواقعہ ملک میں جاری آپریشن ردالفساد پر سوالیہ نشان ہے ۔ انہوں نے کہاکہ جب سفاک دہشت گردوں کے خلاف عملی کارروائی کرنے کے بجائے وفاقی وزیرداخلہ چوہدری نثارعلی خان کی جانب سے کالعدم جہادی تنظیموں کے سربراہوں سے ملاقاتیں کی جائیں گی ، سیاسی وعسکری تجزیہ نگاروں کی جانب سے بے گناہ شہریوں کے قتل میں ملوث فرقہ پرست تنظیموں کو قومی دھارے میں شامل کرنے کا عزم ظاہرکیاجائے گا تو پھر بے گناہ شہریوں کی جان ومال کے تحفظ کی ضمانت کس طرح دی جاسکتی ہے ؟ ندیم نصرت نے کہاکہ سابق چیف آف آرمی اسٹاف جنرل راحیل شریف نے عرب ملکوں کی ایک ایسی فوج کی قیادت کی ذمہ داری قبول کی جس کے بارے میں یہ تاثرعام ہے کہ وہ اہل تشیع مسلمانوں کے خلاف قائم کی گئی ہے اوراس طرح پاکستان میں فرقہ واریت کومزید ہوادی گئی ہے۔ آخرانہیں اس بات کی اجازت کیوں دی گئی ؟ یہ نجی ملازمت نہیں بلکہ درجنوں سنی ریاستوں کی قائم کردہ افواج کی سربراہی ہے جو سرکاری ملازمت کے زمرے میں آتی ہے ۔ ندیم نصرت نے پارہ چنار میں دہشت گردی کے نتیجے میں شہید ہونے والے افراد کے سوگوارلواحقین سے دلی تعزیت وہمدردی کا اظہار کیا اور زخمیوں کی جلدومکمل صحت یابی کیلئے دعا بھی کی ۔

*****
8/9/2025 8:21:09 AM