Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

فاروق ستاراسٹیبلشمنٹ کی خوشنودی حاصل کرنے کیلئے قائدتحریک الطاف حسین کے خلاف زہراگل رہے ہیں ۔ رابطہ کمیٹی


فاروق ستاراسٹیبلشمنٹ کی خوشنودی حاصل کرنے کیلئے قائدتحریک الطاف حسین کے خلاف زہراگل رہے ہیں ۔ رابطہ کمیٹی
 Posted on: 3/26/2017
فاروق ستاراسٹیبلشمنٹ کی خوشنودی حاصل کرنے کیلئے قائدتحریک الطاف حسین کے خلاف زہراگل رہے ہیں ۔ رابطہ کمیٹی 
یہ انتہائی شرمناک بات ہے کہ جس قائد نے نام اورمقام دیا ڈاکٹرفاروق ستارنے اس کے ساتھ بے وفائی کی
فاروق ستار اسٹیبلشمنٹ کوخوش کرنے کیلئے ہزاروں شہید وں کے لہو کی توہین کررہے ہیں۔رابطہ کمیٹی 
کیاڈاکٹرفاروق ستارتحریک کے ہزاروں شہیدوں کے ساتھ ساتھ اپنے کوآرڈی نیٹر آفتاب احمد شہید کے لہوکوبھی فراموش کربیٹھے ہیں؟
فاروق ستارتحریک کے شہیدوں کے قاتلوں کے خلاف بولنے کے بجائے قاتلوں اور اسٹیبلشمنٹ کی زبان بولنے لگے ہیں
رضاہارون اپنے عیش وعشرت اورچندروزہ مالی مفادات کیلئے قوم کے دشمنوں کے ہاتھوں اپنا سودا کرنے والوں میں شامل ہے
جواپنی تحریک اورقوم کے نہ ہوسکیں وہ ملک کے بھی دوست نہیں ہوسکتے ۔رابطہ کمیٹی متحدہ قومی موومنٹ

متحدہ قومی موومنٹ کی رابطہ کمیٹی نے اپنے مشترکہ بیان میں بانی وقائدجناب الطاف حسین کے بارے میں ڈاکٹر فاروق ستارکے بیان کی شدیدالفاظ میں مذمت کی ہے ۔ اپنے بیان میں انہوں نے کہاکہ رابطہ کمیٹی آج پریس کانفرنس میں اس بات کوواضح الفاظ میں کہہ چکی ہے کہ قائدتحریک الطاف حسین نے انڈین وزیراعظم نریندر مودی کوکوئی خط نہیں لکھااوران سے کوئی مددنہیں مانگی لیکن یہ امرانتہائی افسوسناک بلکہ قابل مذمت ہے کہ ڈاکٹرفاروق ستاراسٹیبلشمنٹ کی خوشنودی حاصل کرنے کیلئے قائدتحریک الطاف حسین کے خلاف زہراگل رہے ہیں ۔ رابطہ کمیٹی نے کہاکہ یہ انتہائی شرمناک بات ہے کہ جس قائد نے ڈاکٹر فاروق ستارکونام اورمقام دیا، جس نے زمین سے اٹھاکرآسمان پرپہنچایا،فاروق ستارنے نہ صرف اس قائد سے بے وفائی کی بلکہ آج اسٹیبلشمنٹ کوخوش کرنے کیلئے وہ اس تحریک کے خلاف عمل کرکے ہزاروں شہید وں کے لہو کی توہین کررہے ہیں۔رابطہ کمیٹی نے کہاکہ حالیہ آپریشن کے دوران مہاجروں پر جو ظلم وبربریت کاعمل ہورہاہے کیاوہ ڈاکٹر فاروق ستارکونظرنہیں آتا؟کیاڈاکٹرفاروق ستارتحریک کے ہزاروں شہیدوں کے ساتھ ساتھ اپنے کوآرڈی نیٹر آفتاب احمد شہید کے لہوکوبھی فراموش کربیٹھے ہیں؟فاروق ستارتحریک کے شہیدوں کے قاتلوں کے خلاف تو ایک لفظ بھی بولنے کے لئے تیارنہیں ہیں بلکہ وہ آج خودبھی شہیدوں کے قاتلوں اور اسٹیبلشمنٹ کی زبان بولنے لگے ہیں۔رابطہ کمیٹی نے اسٹیبلشمنٹ کے ہاتھوں اپنا سوداکرنے والے ضمیرفروش ٹولے کے رضاہارون کے بیان کی بھی شدیدمذمت کرتے ہوئے کہاکہ جوبے ضمیر لوگ اپنے باپ جیسے قائداوراس کی تحریک کے نہ ہوئے ، جواپنے عیش وعشرت اورچندروزہ مالی مفادات کے لئے اپنی قوم کے دشمنوں کے ہاتھوں اپنا سودا کرلیں، جواپنی تحریک اورقوم کے نہ ہوسکیں وہ ملک کے بھی دوست نہیں ہوسکتے ، ایسے عناصر صرف اورصرف اپنی ذات اورمفادات کے بندے ہیں۔رابطہ کمیٹی نے کہاکہ تحریک کے کارکنان ہی نہیں بلکہ مہاجرعوام بھی یہ ساراعمل اچھی طرح دیکھ رہے ہیں اوراس کوبخوبی سمجھ رہے ہیں۔باضمیراورباوفا کارکنان ومہاجرعوام اپنے مفادات کی خاطر تحریک سے بے وفائی کرنے اورقوم کونقصان پہنچانے والے عناصر کوکبھی معاف نہیں کریں گے اورچاہے کیسے ہی مظالم کیوں نہ ہوں وہ قائدتحریک الطاف حسین کاساتھ نہیں چھوڑیں گے ۔ 
*****
8/1/2026 4:39:47 PM