Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

صوبہ خیبرپختونخوا میں اخباری اشتہار میں شیعہ مسلمانوں کو غیرمسلم قرارانتہائی قابل مذمت ہے ، ندیم نصرت


صوبہ خیبرپختونخوا میں اخباری اشتہار میں شیعہ مسلمانوں کو غیرمسلم قرارانتہائی قابل مذمت ہے ، ندیم نصرت
 Posted on: 3/19/2017
صوبہ خیبرپختونخوا میں اخباری اشتہار میں شیعہ مسلمانوں کو غیرمسلم قرارانتہائی قابل مذمت ہے ، ندیم نصرت
خاکروب کی آسامی کیلئے اشتہار میں شرط رکھی گئی ہے کہ امیدوار کا شیعہ ، ہندو، بالمیکی یا عیسائی ہوناچاہیے، ندیم نصرت
اگرپاکستان کے قانون کے مطابق کوئی غیرمسلم ہی خاکروب بن سکتا ہے تو کے پی کے کی حکومت کی جانب سے شیعہ مسلمانوں کو کس قانون کے تحت غیرمسلموں کی فہرست میں شامل کیاگیا ہے ؟ندیم نصرت
تحریک انصاف ،مذہبی انتہاء پسندوں کی خوشنودی کیلئے شیعہ مسلمانوں کے خلاف اپنی نفرت کا مظاہرہ کررہی ہے ، ندیم نصرت
شیعہ مسلمانوں کی دل آزاری کرکے تحریک انصاف ،پاکستان میں کونسی تبدیلی لاناچاہتی ہے ؟ندیم نصرت
شیعہ مسلمانوں کے مذہبی جذبات بھڑکانے پر تحریک انصاف کے رہنما شیعہ مسلمانوں سے معافی مانگیں، ندیم نصرت

متحدہ قومی موومنٹ (پاکستان ) کی رابطہ کمیٹی کے کنوینر ندیم نصرت نے صوبہ خیبرپختونخوا بنوں میں خاکروب کی آسامی کیلئے شائع ہونے والے اخباری اشتہار میں شیعہ مسلمانوں کو غیرمسلم قراردینے کی سخت ترین الفاظ میں مذمت کی ہے ۔ ایک بیان میں ندیم نصرت نے کہاکہ آج مورخہ 19، مارچ2017ء کو روزنامہ آج میں شائع ہونے والے اشتہار میں تحصیل میونسپل ایڈمنسٹریشن بنوں کی جانب سے خاکروب کی آسامی کیلئے اشتہار میں درخواستیں طلب کی گئی ہیں اوراہلیت کی شرائط میں ایک شرط یہ بھی رکھی گئی ہے کہ امیدوار کا شیعہ ، ہندو، بالمیکی یا عیسائی ہوناچاہیے۔ انہوں نے کہاکہ اگر پاکستان کے قانون کے مطابق کوئی غیرمسلم ہی خاکروب بن سکتا ہے تو کے پی کے کی حکومت کی جانب سے شیعہ مسلمانوں کو کس قانون کے تحت غیرمسلموں کی فہرست میں شامل کیاگیا ہے ؟اوراگرملکی قانون میں خاکروب کیلئے مذہب یامسلک کی کوئی قید نہیں ہے تو اس اشتہار میں خاکروب کی پوسٹ کیلئے مذہب کی شرط کیوں رکھی گئی ہے ؟ ندیم نصرت نے کہاکہ صوبہ خیبرپختونخوا میں تحریک انصاف کی حکومت ہے اور تحریک انصاف کے لوگوں نے مذہبی انتہاء پسندوں کی خوشنودی کیلئے شیعہ مسلمانوں کے خلاف اپنی نفرت کا مظاہرہ کرکے ثابت کردیا ہے کہ وہ احترام انسانیت پر یقین نہیں رکھتے ۔انہوں نے کہاکہ عمران خان اور ان کے حواری دن رات تبدیلی کا ڈھنڈورا پیٹتے رہتے ہیں، وہ قوم کو جواب دیں کہ شیعہ مسلمانوں کی دل آزاری کرکے تحریک انصاف ،پاکستان میں کونسی تبدیلی لاناچاہتی ہے ؟ندیم نصرت نے مطالبہ کیاکہ شیعہ مسلمانوں کے مذہبی جذبات بھڑکانے اوران کی دل آزاری کرنے پر تحریک انصاف کے رہنما شیعہ مسلمانوں سے معافی مانگیں اور نفرت انگیز اشتہارات شائع کرنے کا سلسلہ بند کرے ۔

*****
10/11/2026 9:57:30 PM