ایم کیوایم کے سینئرکارکن ندیم خان شہیدکوخراج عقیدت پیش کرنے کیلئے کل بروزجمعہ اپنے گھروں میں ایک ایک دیا شمع روشن کریں۔ندیم نصرت ،کنوینرایم کیوایم

Posted on: 3/2/2017 1

ایم کیوایم کے سینئرکارکن ندیم خان شہیدکوخراج عقیدت پیش کرنے کیلئے کل بروزجمعہ اپنے گھروں میں ایک ایک
دیا شمع روشن کریں۔ندیم نصرت ،کنوینرایم کیوایم
ندیم خان شہید پر پی ایس پی ٹولے پر شامل ہونے کیلئے دباؤ ڈالاگیا ،انہوں نے انکارکیاتوانہیں رینجرزکے ذریعے گرفتار کرالیا گیا
حراست کے دوران بھی ندیم خان پر پی ایس پی ٹولے میں شامل ہونے اورقائدتحریک الطاف حسین کاساتھ چھوڑنے کیلئے دباؤڈالا
جاتارہا ،انکارکرنے پر انسانیت سوز تشددکانشانہ بناکرشہیدکردیاگیا۔ندیم نصرت
ریاستی ظلم وبربریت اپنے عروج پر ہے،کارکنان اورہمدرد احتیاط سے کام لیتے ہوئے گھرکے اندرہی دیاجلائیں ۔ ندیم نصرت
ایم کیوایم کے تمام اوورسیزیونٹس بھی انسانی حقوق کی تنظیموں کے دفاترکے سامنے جمع ہوکرندیم خان شہید کی یاد میں شمعیں روشن کریں

متحدہ قومی موومنٹ کی رابطہ کمیٹی کے کنوینرندیم نصرت نے تمام پاکستانیوں بالخصوص ایم کیوایم کے تمام ثابت قدم،وفاداراورنہ جھکنے والے اورنہ بکنے والے کارکنوں، ماؤں، بہنوں اوربزرگوں سے اپیل کی ہے کہ وہ رینجرزکے ہاتھوں ماورائے عدالت قتل کئے گئے ایم کیوایم کے سینئرکارکن ندیم خان شہیدکوخراج عقیدت پیش کرنے کے لئے کل بروزجمعہ کواپنے اپنے گھروں میں ایک ایک دیا شمع روشن کریں اورندیم خان شہید کے لئے دعاکریں۔اپنے بیان میں ندیم نصرت نے کہاکہ ندیم خان شہید ایم کیوایم کے سینئرکارکن تھے جوتمام ترنامساعد حالات کے باوجود تحریک سے جڑے ر ہے اورقائدتحریک الطاف حسین کے وفاداررہے ، ان پر پی ایس پی ٹولے پر شامل ہونے اورپی ایس پی کافارم بھرنے کیلئے دباؤ ڈالاگیا ،انہوں نے انکارکیاتوانہیں رینجرزکے ذریعے گرفتار کرالیا گیا، حراست کے دوران بھی ندیم خان پر پی ایس پی ٹولے میں شامل ہونے اورقائدتحریک الطاف حسین کاساتھ چھوڑنے کیلئے بہیمانہ تشددکیاجاتارہا لیکن انہوں نے پی ایس پی میں شامل ہونے سے انکارکردیا، بالآخرانہیں انسانیت سوز تشددکانشانہ بناکرشہیدکردیاگیا۔ ندیم نصرت نے تحریک کے ان تمام کارکنوں، ہمدردماؤں بہنوں اوربزرگوں سے اپیل کی کہ وہ نمازجمعہ کے بعد ندیم خان شہید کی مغفرت ، ان کے درجات کی بلندی اوران کے اہل خانہ کو صبرجمیل عطاکرنے کی دعائیں کریں۔اوراپنے اپنے گھروں میں ندیم خان شہید کے لئے ایک ایک دیایاشمع روشن کریں اورندیم شہید کوخراج عقیدت پیش کریں۔ انہوں نے کارکنوں اورہمدردوں سے کہاکہ ریاستی ظلم وبربریت اپنے عروج پر ہے لہٰذا اس بات کی احتیاط کریں کہ یہ دیا گھرکے اندر ہی جلایاجائے اوررینجرزیادیگرایجنسیوں کے اہلکاروں کو اس بات کاپتہ نہ چلنے پائے ۔ ندیم نصرت نے ایم کیوایم کے تمام اوورسیزیونٹوں کوبھی ہدایت کی کہ وہ ندیم خان کی شہادت پراپنے اپنے شہروں میں انسانی حقوق کی تنظیموں کے دفاترکے سامنے جمع ہوکرندیم خان شہید کی یاد میں شمعیں روشن کریں،شہیدکوخراج عقیدت پیش کریں، پلے کارڈزپر مظالم کے واقعات کوتحریرکرکے انسانی حقوق کی تنظیموں کوان مظالم سے آگاہ کریں۔قائدتحریک جناب الطاف حسین نے رابطہ کمیٹی کے اس فیصلے کی توثیق کردی ہے ۔

*****

5/19/2019 9:50:59 AM

لاپتہ کارکنوںکوقانون کے تحت عدالت میں پیش کیاجاأے اورانہیں اپنی بے گن... 13 May 2019	سانحہ 12مئی 2007 ایم کیوایم کے خلاف ایک بہت گہری سازش کا حصہ تھا۔الطاف... 12 May 2019
مہاجروں پر ہونے والے ریاستی مظالم نے ماضی کے تمام ترمظالم کومات کردیاہ... 11 May 2019	اہل تشیع نوجوانوںکی جبری گمشدگیوں،انہیں ٹارگٹ کلرقراردینے اور کرمنلاأز... 09 May 2019
راشد میناأی اور طراوش علی کو رابطہ کمیٹی کا معاون مقررکردیا گیا، اعلام... 07 May 2019	تین سال گزرجانے کے باوجود ایم کیوایم کے کارکن اۤفتاب احمدشہید کے ماورا... 03 May 2019
Chairman Azeem Ahmed Tariq Shaheed ... 30 Apr 2019	عوام وکارکنان ایم کیوایم امریکہ کہ سرگرم کارکن اورنگزیب خان کی جلد او... 22 Apr 2019
کراچی میں انٹر کے امتحانات کے موقع پر طالبات کے امتحانی مراکز پر سرکار... 22 Apr 2019	برطانوی تحقیقاتی اداروں کی جانب سے منی لانڈرنگ کے سلسلے میں جاری تحقیق... 16 Apr 2019