Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

لیاقت آباد سے اسلحہ کی برآمدگی رینجرز کے متعصب اہلکاروں کا قسط وارڈرامہ ہے ، ندیم نصرت


لیاقت آباد سے اسلحہ کی برآمدگی رینجرز کے متعصب اہلکاروں کا قسط وارڈرامہ ہے ، ندیم نصرت
 Posted on: 2/28/2017
لیاقت آباد سے برآمد اسلحہ کا تعلق ایم کیوایم سے جوڑنا قابل مذمت ہے ، کنوینر ایم کیوایم ندیم نصرت
لیاقت آباد سے اسلحہ کی برآمدگی رینجرز کے متعصب اہلکاروں کا قسط وارڈرامہ ہے ، ندیم نصرت
گزشتہ تین برسوں سے کارکنوں کو اپنے گھروں پر رہنا ناممکن بنادیا گیاہے ، ندیم نصرت
رینجرز ، دفاتر سے اسلحہ کی برآمدگی کاڈرامہ کرکے دنیا بھر میں خود اپنا تماشابنارہی ہے، ندیم نصرت
لاہور دھماکہ کاآج تک پتہ نہیں چلا کہ دھماکہ خیز مواد تھا یا سیلنڈر دھماکہ تھا، ندیم نصرت
پاکستان کے عوام حیران ہیں کہ رینجرز کے ہاتھوں برآمد ہونے والا اسلحہ بولتا ہے کہ اس کا تعلق ایم کیوایم سے ہے، ندیم نصرت
باشعورعوام جانتے ہیں کہ اسلحہ برآمدگی کے ڈرامہ کے پس پردہ رینجرز کے متعصب اہلکاروں کے کیا گھناؤنے مقاصد ہیں؟ ندیم نصرت
وزیراعظم ، آرمی چیف اورڈی جی رینجرز، متعصب افسران واہلکاروں کی ڈرامہ بازیوں کا نوٹس لیں، ندیم نصرت

متحدہ قومی موومنٹ (پاکستان) کی رابطہ کمیٹی کے کنوینر ندیم نصرت نے رینجرز کی جانب سے کراچی کے علاقے لیاقت آباد سے اسلحہ کی برآمدگی اور اس کا تعلق ایم کیوایم لندن سے جوڑنے کی سخت ترین الفاظ میں مذمت کی ہے اور اسلحہ کی برآمدگی کو رینجرز کے متعصب اہلکاروں کا قسط وارڈرامہ قراردیا ہے ۔ایک بیان میں ندیم نصرت نے کہاکہ پاکستان سمیت دنیا بھرکے عوام اچھی طرح واقف ہیں کہ گزشتہ تین برسوں سے ایم کیوایم کے خلاف آپریشن کا سلسلہ جاری ہے ، رینجرزاورپولیس ایم کیوایم کے دفاتر اوربے گناہ کارکنان وہمدردوں کے گھروں پر غیرقانونی چھاپے ماررہی ہے ، بے گناہ مہاجرعوام کوبدترین ریاستی مظالم کا نشانہ بنایاجارہا ہے ، ان کا اپنے گھروں پر رہنا ناممکن بنادیاگیا ۔ انہوں نے کہاکہ گزشتہ سال رینجرز کی جانب سے ایم کیوایم کے مرکز نائن زیروسمیت سندھ بھر میں ایم کیوایم کے ہزاروں دفاترغیرقانونی طورپرسیل اورسینکڑوں علاقائی دفاتر مسمارکیے جاچکے ہیں اس کے باوجود ہرمرتبہ رینجرز کی جانب سے ایم کیوایم کے دفاتر سے اسلحہ کی برآمدگی اور اسے ایم کیوایم سے وابستہ کرنے کاقسط وار ڈرامہ کرکے دنیا بھر میں خود اپنا تماشابنارہی ہے۔ پاکستان کے عوام حیران ہیں کہ ایک جانب لاہورکے علاقے ڈیفنس میں ہونے والے دھماکہ کے بارے میں ابھی تک قانون نافذ کرنے والے اداروں کو معلوم نہیں ہوسکا کہ یہ دھماکہ خیز مواد تھا یا سیلنڈرکا دھماکہ تھا جبکہ کراچی میں رینجرز کے ہاتھوں برآمد ہونے والا اسلحہ نہ صرف خود بولتا ہے کہ اس کا تعلق ایم کیوایم سے ہے بلکہ وہ رینجرز کو یہ بھی بتادیتا ہے کہ یہ اسلحہ شہر میں دہشت گردی اورٹارگٹ کلنگ کیلئے استعمال ہونا تھا۔ندیم نصرت نے کہاکہ پاکستان کے باشعورعوام اچھی طرح جانتے ہیں کہ ایم کیوایم کے دفاتراسلحہ کی برآمدگی کے ڈرامہ کے پس پردہ رینجرز کے متعصب اہلکاروں کے کیا گھناؤنے مقاصد ہیں اور اس قسم کی ڈرامہ بازی کرنے والے کس کی آنکھوں میں دھول جھونکنے کی کوشش کررہے ہیں ۔ ندیم نصرت نے وزیراعظم پاکستان میاں محمدنوازشریف ،چیف آف آرمی اسٹاف جنرل قمرجاوید باجوہ اورڈی جی رینجرز میجرجنرل محمد سعید سے مطالبہ کیاکہ رینجرز کے متعصب افسران واہلکاروں کی ڈرامہ بازیوں کا نوٹس لیاجائے ، ایم کیوایم کامیڈیاٹرائل بند کرایا جائے اورقانون نافذ کرنے والے ادارے کی ساکھ مجروح کرنے والے عناصر کے خلاف سخت ترین کارروائی کی جائے ۔

*****

9/26/2017 2:32:41 AM