عدالتی احکامات کے باوجود رابطہ کمیٹی کے بزرگ رکن پروفیسرڈاکٹر حسن ظفر عارف اور امجداللہ خان کو جیل میں بی کلاس نہ دینا قابل مذمت ہے ۔ ندیم نصرت،کنوینرایم کیوایم

Posted on: 2/18/2017

عدالتی احکامات کے باوجود رابطہ کمیٹی کے بزرگ رکن پروفیسرڈاکٹر حسن ظفر عارف اور امجداللہ خان کو جیل میں بی کلاس نہ دینا قابل مذمت ہے ۔ ندیم نصرت،کنوینرایم کیوایم

متحدہ قومی موومنٹ کی رابطہ کمیٹی کے کنوینر ندیم نصرت نے عدالتی احکامات کے باوجود ایم کیوایم کی رابطہ کمیٹی کے بزرگ رکن اور75سالہ پروفیسرڈاکٹر حسن ظفر عارف اوررابطہ کمیٹی کے رکن امجداللہ خان کوسینٹرل جیل میں بی کلاس نہ دیے جانے کی شدیدمذمت کی ہے ۔ اپنے بیان میں ندیم نصرت نے کہاکہ گزشتہ سماعت پر خصوصی عدالت نے پروفیسرحسن ظفر عارف اورامجداللہ کوجیل میں بی کلاس میں منتقل کرنے کے احکامات جاری کئے تھے لیکن تاحال انہیں بی کلاس میں منتقل نہیں کیاگیاہے بلکہ انہیں کھولی میں رکھاگیاہے جبکہ پروفیسرحسن ظفرعارف کی طبیعت بھی ناساز ہے ۔ندیم نصرت نے کہاکہ 75سالہ پروفیسرحسن ظفر عارف ایم کیوایم کی رابطہ کمیٹی کے رکن ہی نہیں بلکہ جامعہ کراچی کے شعبہ فلاسفی کے ڈین رہ چکے ہیں جنہوں نے برسوں تک ہزاروں طلبہ کوتعلیم کے زیور سے آراستہ کیا انہیں صرف اورصرف ایم کیوایم سے تعلق اور قائدتحریک الطاف حسین سے وفاداری کی پاداش میں گرفتارکیاگیا،انہیں عدالت میں عادی مجرموں کی طرح ہتھکڑیاں لگاکرپیش کیاجارہاہے، اسی طرح امجداللہ خان اورترقی پسند دانشورمومن خان مومن کوہتھکڑیاں لگاکرعدالت میں لایاجارہاہے اورعدالت کے احکامات کے باوجود پروفیسرحسن ظفرعارف اورامجداللہ خان کوبی کلاس میں منتقل نہیں کیاجارہاہے۔ ندیم نصرت نے کہاکہ خودکوجمہوریت کی چیمپئن قراردینے والی پیپلزپارٹی کی حکومت میں سیاسی اسیروں کے ساتھ جیل میں جوسلوک کیاجارہاہے وہ انتہائی شرمناک ہے ۔انہوں نے مطالبہ کیاکہ پروفیسرحسن ظفر عارف اورامجداللہ خان کوفی الفوربی کلاس دی جائے اوران کے ساتھ عادی مجرموں جیساسلوک بند کیاجائے ۔

*****

8/9/2025 3:48:55 PM

گریٹرپنجاب یا پنجابستان کے سازشی منصوبے پر عمل درآمد کاآغازہوگیا ... 02 Aug 2025	صولت مرزاشہید کوغلط پھانسی دی گئی تھی، صولت مرزاشہید بے گناہ تھے ،ان... 31 Jul 2025
پاکستان چھوڑ کر بیرون ملک پناہ لینے والے بعض متعصب اینکرپرسنز، یوٹیوب... 31 Jul 2025	انسداد دہشت گردی فیصل آباد کی عدالت نے پی ٹی آئی کے رہنماؤں اورکارکنو... 31 Jul 2025
آج ایک بارپھریہ ثابت ہوگیاہے کہ صولت مرزا شہیدکودی جانے والی سزابھی غ... 29 Jul 2025	پیپلزپارٹی کی متعصب حکومت کے ڈاکوراج کے خلاف جہاد کااعلان کرتا ہوں ۔ا... 29 Jul 2025
پختونخوا میں فوج کے ظلم وجبر اوردہشت گردی کے خلاف بغاوت کا عملاً آغاز ... 28 Jul 2025	پاکستان کے نائب وزیراعظم اور وزیرخارجہ اسحاق ڈار @MIshaqDar50 کاقوم... 28 Jul 2025
پاکستان 98فیصد غریب ، لوئرمڈل کلاس اورمڈل کلاس کے عوام کاملک نہیں بلک... 27 Jul 2025	اسرائیل ،فلسطین تنازع کا مستقل اور دیرپاحل صرف دوریاستی حل ہی ہے ... 26 Jul 2025