Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

صحافیوں کو دہشت گردی کا نشانہ بنانے والے دہشت گرد انسان کہلانے کے بھی مستحق نہیں، ندیم نصرت


صحافیوں کو دہشت گردی کا نشانہ بنانے والے دہشت گرد انسان کہلانے کے بھی مستحق نہیں، ندیم نصرت
 Posted on: 2/12/2017
صحافیوں کو دہشت گردی کا نشانہ بنانے والے دہشت گرد انسان کہلانے کے بھی مستحق نہیں، ندیم نصرت
کراچی کی منتخب نمائندہ جماعت کے رہنماؤں اورکارکنوں کے خلاف بلاجواز کارروائیاں کی جارہی ہیں ، ندیم نصرت
کالعدم جہادی تنظیموں کے دہشت گردوں کو بے گناہ شہریوں کی جان ومال سے کھیلنے کی کھلی چھوٹ دیدی گئی ہے، ندیم نصرت
مقامی ٹی وی چینل کے ٹیکنیشن تیمورکے قاتلوں کو گرفتارکرکے سخت ترین سزا دی جائے، ندیم نصرت

متحدہ قومی موومنٹ (پاکستان) کی رابطہ کمیٹی کے کنوینر ندیم نصرت نے نارتھ ناظم آبادمیں فائرنگ کی شدیدالفاظ میں مذمت کی ہے اور اس کے نتیجے میں مقامی ٹی وی چینل کے ٹیکنیشن کی شہادت پر گہرے دکھ اور افسوس کااظہارکیاہے ۔ ایک بیان میں ندیم نصرت نے کہاکہ آج نارتھ ناظم آبادکے علاقے کے ڈی اے چورنگی پرموٹرسائیکل سوار دہشت گردوں کی جانب سے پولیس پرکریکرسے حملہ کیاگیا جب مقامی ٹی وی چینل کے نمائندے اس واقعہ کی کوریج کیلئے جائے وقوعہ پہنچے تو دہشت گردوں نے انکی ڈی ایس این جی وین پرفائرنگ کردی جس کے نتیجے میں مقامی ٹی وی چینل کے ٹیکنیشن تیمور شہید ہوگئے۔ ندیم نصرت نے کہاکہ بے گناہ عوام بالخصوص صحافیوں کو دہشت گردی کا نشانہ بنانے والے دہشت گرد انسان کہلانے کے بھی مستحق نہیں ہیں اور ایسے عناصر کسی بھی قسم کی رعایت کے مستحق نہیں ہوسکتے ۔ انہوں نے کہاکہ ایک جانب کراچی کی منتخب نمائندہ جماعت کے رہنماؤں اورکارکنوں کے خلاف بلاجواز کارروائیاں کی جارہی ہیں جبکہ دوسری جانب کالعدم جہادی تنظیموں کے دہشت گردوں کو بے گناہ شہریوں کی جان ومال سے کھیلنے کی کھلی چھوٹ دیدی گئی ہے۔ انہوں نے مزید کہاکہ کسی واقعہ کی کوریج کرنا میڈیاکے نمائندوں کے پیشہ وارانہ فرائض میں شامل ہے اور میڈیا کے نمائندے اپنی جان ہتھیلی پر رکھ کر اپنے فرائض اداکرتے ہیں لیکن حکومت کی جانب سے صحافیوں، کیمرہ مینوں اورفوٹوگرافرز کے تحفظ کیلئے کسی قسم کے عملی اقدامات نہیں کیے جارہے ہیں جس کی جتنی بھی مذمت کی جائے کم ہے ۔ندیم نصرت نے وفاقی وصوبائی حکومتوں سے مطالبہ کیاکہ کراچی میں دہشت گردی کے واقعات کا نوٹس لیاجائے ، مقامی ٹی وی چینل کے ٹیکنیشن تیمورکے قاتلوں کو گرفتارکرکے سخت ترین سزا دی جائے اور شہریوں کی جان ومال کے تحفظ کیلئے ٹھوس، عملی اور مثبت اقدامات بروئے کارلائے جائیں۔ انہوں نے قائد تحریک جناب الطاف حسین اور ایم کیوایم کی جانب سے مقامی ٹی وی چینل کے ٹیکنیشن تیمور شہید کے سوگوارلواحقین سے دلی تعزیت وہمدردی کا بھی اظہارکیااورانہیں صبرکی تلقین ۔
*****
7/14/2025 2:12:20 PM