Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم اوراے پی ایم ایس او کے لاپتہ کارکنان کی جلدازجلد بحفاظت بازیابی یقینی بنائی جائے، قائد تحریک الطاف حسین


ایم کیوایم اوراے پی ایم ایس او کے لاپتہ کارکنان کی جلدازجلد بحفاظت بازیابی یقینی بنائی جائے، قائد تحریک الطاف حسین
 Posted on: 2/11/2017
ایم کیوایم اوراے پی ایم ایس او کے لاپتہ کارکنان کی جلدازجلد بحفاظت بازیابی یقینی بنائی جائے، قائد تحریک الطاف حسین
مہاجروں کے انسانی حقوق کی پامالی کا سلسلہ بند کیاجائے، الطاف حسین
رینجرز نے احمدعلی بیگ، سلیم شہزاد اور فرحان ہاشمی سمیت درجنوں کارکنان کوگرفتارکرکے لاپتہ کردیا ہے، الطاف حسین
لاپتہ کارکنان کی زندگیوں کو شدید خطرات لاحق ہیں اورانکے اہل خانہ شدید ذہنی کرب واذیت میں مبتلا ہیں، الطاف حسین
کسی بھی لاپتہ کارکن کی جان کو نقصان پہنچا تو مقتول کے ورثاء آئین ، قانون اور شریعت کے 
مطابق قاتلوں سے حساب لینے کا حق رکھتے ہیں، الطاف حسین

متحدہ قومی موومنٹ (پاکستان )کے قائدجناب الطاف حسین نے ارباب اختیار سے مطالبہ کیا ہے کہ ایم کیوایم اوراے پی ایم ایس او کے لاپتہ کارکنان کی جلدازجلد بحفاظت بازیابی یقینی بنائی جائے اورمہاجروں کے انسانی حقوق کی پامالی کا سلسلہ بند کیاجائے ۔ ایک بیان میں جناب الطاف حسین نے کہاکہ رینجرز اہلکاروں نے اے پی ایم ایس او کے سیکریٹری جنرل احمدعلی بیگ، سینٹرل ایگزیکٹوکمیٹی کے رکن سلیم شہزاد اور فیڈرل بی ایریا کے سینئرکارکن فرحان ہاشمی سمیت درجنوں کارکنان کوگرفتارکرکے غیرقانونی حراست میں رکھا ہوا ہے اور کئی ماہ گزرجانے کے باوجود ان کی گرفتاری ظاہرنہیں کی جارہی ہے جس کی وجہ سے ان لاپتہ کارکنان کی زندگیوں کو شدید خطرات لاحق ہیں اوران لاپتہ کارکنان کے اہل خانہ شدید ذہنی کرب واذیت میں مبتلا ہیں۔ جناب الطاف حسین نے کہاکہ ملک کے ہرشہری کی جان ومال کا تحفظ یقینی بنانا حکومت اور ریاستی اداروں کا فرض ہے اورآئین وقانون کے دائرے میں کارروائی کرنا ان اداروں پر لازم ہے ۔ ایک جانب ایم کیوایم اوراے پی ایم ایس او کے بے گناہ کارکنان کو بلاجواز گرفتارکرکے لاپتہ کیاجارہا ہے، غیرقانونی حراست میں بدترین تشددکا نشانہ بنایاجارہا ہے اور دوسری جانب لاپتہ کارکنان کو عدالت میں پیش نہ کرکے مہاجروں کے انسانی حقوق کی دھجیاں بکھیری جارہی ہیں ۔ جناب الطاف حسین نے کہاکہ اگر قانون نافذ کرنے والے اداروں کی غیرقانونی حراست میں لاپتہ کارکنان پر انسانیت سوز تشدد کا سلسلہ جاری رہا اور وحشیانہ تشدد کے باعث کسی بھی لاپتہ کارکن کی جان کو نقصان پہنچا تو مقتول کے ورثاء آئین ، قانون اور شریعت کے مطابق قاتلوں سے حساب لینے کا حق رکھتے ہیں۔جناب الطاف حسین نے وزیراعظم میاں نوازشریف اور چیف آف آرمی اسٹاف جنرل قمرجاوید باجوہ سے مطالبہ کیاکہ ایم کیوایم اوراے پی ایم ایس او کے لاپتہ کارکنان کی جلدازجلد بحفاظت بازیابی یقینی بنائی جائے اورمہاجروں کے انسانی حقوق کی پامالی کا سلسلہ بند کیاجائے۔
*****
6/23/2026 9:05:07 AM