پاکستانی نجی ٹیلی ویژن کے حوالہ سے برطانیہ کی عدالت کا فیصلہ تاریخی ہے ، رابطہ کمیٹی متحدہ قومی موومنٹ

Posted on: 2/4/2017 1

پاکستانی نجی ٹیلی ویژن کے حوالہ سے برطانیہ کی عدالت کا فیصلہ تاریخی ہے ، رابطہ کمیٹی متحدہ قومی موومنٹ
کسی کوبغیرثبوت وشواہد غیرملکی ایجنٹ کہنا یا غدار قراردینا سنگین ترین جرم ہے، رابطہ کمیٹی
برطانیہ کی عدالت کے فیصلہ سے پاکستان کے اداروں، عدلیہ اورحکومت کو سبق سیکھنا چاہیے، رابطہ کمیٹی
پاکستان میں محض مخالفت کی بنیاد پر کسی شخص یاجماعت کو غداریا غیرملکی قراردینا فیشن بن چکا ہے، رابطہ کمیٹی
جیوٹیلی ویژن پرہی بعض اینکرپرسنز اورتجزیہ نگارمخالفین کو غدار ی کے سرٹیفیکٹ بانٹ رہے ہیں ، رابطہ کمیٹی
پاکستان کی عدلیہ،پیمرا، ادارے اورحکومت اس سنگین جرم کے مرتکب افراد کے خلاف کوئی ایکشن نہیں لیتی، رابطہ کمیٹی
کفرکی حکومت چل سکتی ہے لیکن ظلم وناانصافی کی حکومت نہیں چل سکتی، رابطہ کمیٹی

متحدہ قومی موومنٹ کی رابطہ کمیٹی نے پاکستانی نجی ٹیلی ویژن کے حوالہ سے برطانیہ کی عدالت کے فیصلہ پر تبصرہ کرتے ہوئے اسے تاریخی فیصلہ قراردیا ہے ۔ ایک بیان میں رابطہ کمیٹی نے کہاکہ برطانیہ کی عدالت نے پاکستانی میڈیاہاؤسزکے مابین زیرسماعت مقدمہ کافیصلہ دیتے ہوئے کہاہے کہ بغیرثبوت وشواہد کسی کو غیرملکی ایجنٹ یا غدار کہنا بہت بڑاجرم ہے ۔ رابطہ کمیٹی نے کہاکہ کسی کوبغیرثبوت وشواہد غیرملکی ایجنٹ کہنا یا غدار قراردینا نہ صرف سنگین ترین جرم ہے بلکہ اس جرم کے مرتکب فردیاافراد کو کڑی سے کڑی سزابھی ملنی چاہیے ۔ رابطہ کمیٹی نے کہاکہ پاکستان میں محض مخالفت کی بنیاد پر کسی شخص یاجماعت کو غداریا غیرملکی ایجنٹ قراردینا فیشن بن چکا ہے لیکن افسوس کہ پاکستان کی عدلیہ ، پیمرا ، انصاف فراہم کرنے والے ادارے اور حکومت اس سنگین جرم پر خاموش تماشائی بنی ہوئی ہے ، پاکستان کے اداروں کو برطانوی عدالت کے فیصلے سے سبق سیکھنا چاہیے ۔ رابطہ کمیٹی نے کہاکہ یہ امر انتہائی افسوسناک ہے کہ پاکستانی میڈیا میں کسی کو غیرملکی ایجنٹ کہنا یا غدارقراردینے کا عمل کثرت کے ساتھ کرنا معمول کا حصہ ہے جوکہ سنگین جرم ہے ۔ رابطہ کمیٹی نے کہاکہ ایک جانب جیوٹیلی ویژن کو غیرملکی ایجنٹ اورغداری جیسے الزامات کاسامنا کرنا پڑا اوربرطانوی عدالت کا فیصلہ اس کے حق میں آیاجبکہ دوسری جانب جیوٹیلی ویژن پرہی بعض اینکرپرسنز اورتجزیہ نگار صبح شام مخالف نظریات رکھنے والوں کو غدار ی کے سرٹیفیکٹ بانٹ رہے ہیں اور پاکستان کی عدلیہ،پیمرا،دیگر ادارے اورحکومت کی جانب سے اس سنگین جرم کے مرتکب افراد کے خلاف کوئی ایکشن نہیں لیاجاتا۔ رابطہ کمیٹی نے کیاکہ پاکستان کی عدلیہ، انصاف فراہم کرنے والے اداروں ، پیمرا اورحکومت کو حضرت علی کرم اللہ وجہ کا یہ قول یادرکھنا چاہیے کہ کفرکی حکومت چل سکتی ہے لیکن ظلم وناانصافی کی حکومت نہیں چل سکتی ۔

*****

7/3/2020 4:04:44 PM

ایم کیوایم کا پاکستان اسٹاک ایکسچینج پرہونے والے حملہ سے کوئی تعلق نہ... 30 Jun 2020	لاپتہ افراد کی بازیابی کیلئے پرامن احتجاجی مظاہرین پر تشدد اورگرفتاریا... 27 Jun 2020
امریکہ، برطانیہ،کینیڈا، جرمنی اوردیگریورپی ممالک عمران خان کی جانب سے ... 26 Jun 2020	کوئٹہ میں اپنے بنیادی تعلیمی حق کیلئے پرامن مظاہرہ کرنے والے بلوچ طل... 25 Jun 2020
کراچی ، حیدرآباد اورسندھ کے دیگرشہروںمیں ایم کیوایم کے کارکنوں،ہمدرد... 23 Jun 2020	حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ س... 22 Jun 2020
محمدانور کی جانب سے جیونیوز کے نمائندے مرتضیٰ علی شاہ کودیے گئے انٹرو... 21 Jun 2020	ایم کیوایم کے بانی وقائد الطاف حسین نے ڈاکٹرعمران فاروق شہید کی بیوہ ش... 21 Jun 2020
برصغیر کے بڑے عالم دین، مذہبی اسکالر،ذاکر اورجلیل القدرمذہبی شخصیت حضر... 21 Jun 2020	شہیدانقلاب ڈاکٹرعمران فاروق تحریک کاسرمایہ تھے ، ان کوقتل کرکے دراصل ... 19 Jun 2020