غیرقانونی حراست میں فرحان ہاشمی پر بہیمانہ تشددکا نوٹس لیاجائے،رابطہ کمیٹی متحدہ قومی موومنٹ

Posted on: 1/28/2017

غیرقانونی حراست میں فرحان ہاشمی پر بہیمانہ تشددکا نوٹس لیاجائے،رابطہ کمیٹی متحدہ قومی موومنٹ
فرحان ہاشمی کو 18،جنوری کو گرفتارکیاگیا تھا اور تاحال ان کی گرفتاری ظاہرنہیں کی جارہی، رابطہ کمیٹی
حراست کے دوران بہیمانہ تشدد سے فرحان ہاشمی کی زندگی کو شدید خطرہ لاحق ہے، رابطہ کمیٹی
ان کی سیاسی وفاداری تبدیل کرنے کیلئے جبر وتشددکے ہتھکنڈے استعمال کیے جارہے ہیں، رابطہ کمیٹی
فرحان ہاشمی کو فوری طورپر بازیاب کراکر اسپتال منتقل کیاجائے اوران کا طبی معائنہ کرایا جائے، رابطہ کمیٹی
انسانی حقوق کی تنظیمیں فرحان ہاشمی کی غیرقانونی حراست اوران پر انسانیت سوز تشددکا نوٹس لیں، رابطہ کمیٹی

متحدہ قومی موومنٹ (پاکستان) کی رابطہ کمیٹی نے غیرقانونی حراست میں ایم کیوایم فیڈرل بی ایریا ٹاؤن کے انچارج فرحان ہا شمی پر بہیمانہ تشددکی سخت ترین الفاظ میں مذمت کی ہے اورمطالبہ کیا ہے کہ فرحان ہاشمی کو فوری طورپر بازیاب کراکر اسپتال منتقل کیاجائے اور ان کا طبی معائنہ کرایا جائے۔ ایک بیان میں رابطہ کمیٹی نے کہاکہ 18،جنوری کو قانون نافذ کرنے والے اداروں کے اہلکاروں نے فیڈرل بی ایریا کے علاقے میں کارروائی کرکے فرحان ہاشمی کو
گرفتارکیاگیا تھا اور تاحال ان کی گرفتاری ظاہرنہیں کی جارہی ہے جوکہ نہ صرف غیرآئینی اورغیرقانونی عمل ہے بلکہ انسانی حقوق کی سنگین خلاف ورزی بھی ہے جس کی جتنی بھی مذمت کی جائے کم ہے ۔رابطہ کمیٹی نے کہاکہ اطلاعات کے مطابق قانون نافذ کرنے والے اداروں کے اہلکار، فرحان ہاشمی کو شہرکے مختلف علاقوں میں لاکرچھاپے ماررہے ہیں اور عینی شاہدین کے مطابق فرحان ہاشمی کی حالت غیرتھی اوروہ ٹھیک سے چل بھی نہیں پارہے تھے جس سے صاف ظاہرہوتا ہے کہ غیرقانونی حراست کے دوران فرحان ہاشمی کو بدترین تشددکانشانہ بنایاجارہا ہے اور انکی سیاسی وفاداری تبدیل کرنے کیلئے جبر وتشددکے ہتھکنڈے استعمال کیے جارہے ہیں ۔ رابطہ کمیٹی نے کہاکہ قانون نافذ کرنے والے اداروں کی حراست میں ایم کیوایم کے درجنوں کارکنان ماورائے عدالت قتل کیے جاچکے ہیں اور بہیمانہ تشدد سے فرحان ہاشمی کی زندگی کو بھی شدید خطرہ لاحق ہے۔ رابطہ کمیٹی نے وزیراعظم میاں محمدنوازشریف اور چیف آف آرمی اسٹاف جنرل قمرجاوید باجوہ سے مطالبہ کیا کہ غیرقانونی حراست میں فرحان ہاشمی پر بہیمانہ تشددکا نوٹس لیاجائے، انہیں فوری طورپر بازیاب کراکر اسپتال منتقل کیاجائے اوران کا طبی معائنہ کرایا جائے ۔رابطہ کمیٹی نے انسانی حقوق کی تنظیموں سے بھی اپیل کی کہ فرحان ہاشمی کی غیرقانونی حراست اوران پر انسانیت سوز تشددکا نوٹس لیاجائے اور مہاجروں کے انسانی حقوق کی پامالی کے خلاف آواز احتجاج بلند کی جائے ۔

*****

4/25/2018 3:08:51 PM

رینجرز کی جانب سے سندھ بھرمیں ایم کیوایم کے بلدیاتی نمائندوں کوطلب کر... 23 Apr 2018	الطا ف حسین پشتون تحفظ موومنٹ کے رہنماؤں،کارکنوں اورحامیوں سے مکمل ہم... 21 Apr 2018
اللہ تعالیٰ محترمہ کلثوم نواز کوصحت کاملہ عطافرمائے۔ الطاف حسین ... 20 Apr 2018	ایم کیوایم ساؤتھ افریقہ کے کارکن مجید خان کی شہادت پر بانی وقائد الطاف... 19 Apr 2018
ایم کیوایم ساؤتھ افریقہ جوہانسبرگ چیپٹر کے سینئر کارکن مجیدخان کے بہیم... 19 Apr 2018	ایم کیوایم ساؤ تھ افریقہ کے وفد کاجوہانسبرگ میں ساؤ تھ افریقین کمیو نس... 18 Apr 2018
ایم کیوایم ساؤتھ افریقہ کے تحت ایم کیوایم کا 34 واںیوم تاسیس تنظیمی جو... 15 Apr 2018	مہاجروں پر ریاستی مظالم بند کئے جائیں۔ سولی ماپیلا، فرسٹ ڈپٹی جنرل سیک... 15 Apr 2018
پاکستان میں جمہوری نظام نہیں بلکہ ملٹری اسٹیبلشمنٹ کی اجارہ داری قائم ... 15 Apr 2018	صنوبر جمال کے انتقال سے تحریک ایک مخلص اوروفادار ساتھی سے محروم ہوگئی ... 13 Apr 2018