Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سید اقبال کاظمی ایڈوکیٹ کو غیرمشروط طورپر رہا کیاجائے، ندیم نصرت کنوینر متحدہ قومی موومنٹ پاکستان


سید اقبال کاظمی ایڈوکیٹ کو غیرمشروط طورپر رہا کیاجائے، ندیم نصرت کنوینر متحدہ قومی موومنٹ پاکستان
 Posted on: 1/17/2017
سید اقبال کاظمی ایڈوکیٹ کو غیرمشروط طورپر رہا کیاجائے، ندیم نصرت کنوینر متحدہ قومی موومنٹ پاکستان
معروف قانون داں سید اقبال کاظمی ایڈوکیٹ کی بلاجواز گرفتاری قابل مذمت ہے ، ندیم نصرت
شدیدتشدد اورذہنی اذیت کے باعث اقبال کاظمی کی زندگی کو شدید خطرات لاحق ہیں، ندیم نصرت
اقبال کاظمی نے 21 جنوری کو عظیم الشان استحکام پاکستان ریلی کے انعقاد کا اعلان کیاتھا، ندیم نصرت
ریلی کے اختتام پرقائد تحریک الطاف حسین کو عوام سے تاریخی خطاب اور اہم اعلانات کرنے تھے، ندیم نصرت
ملک دشمن عناصر کے کہنے پر استحکام پاکستان ریلی کے انعقاد کی تمام تر نیک کوششوں کو ناکام بنایاجارہا ہے ، ندیم نصرت
انسانی حقوق کی تنظیمیں اور وکلاء انجمنیں اقبال کاظمی ایڈوکیٹ کی ناجائز گرفتاری کے خلاف آواز بلندکریں، ندیم نصرت
وزیراعظم پاکستان،سندھ حکومت کی ایماء پر ایم کیوایم کے کارکنوں اورہمدردوں کی گرفتاریوں کا سلسلہ بندکرائیں ، ندیم نصرت
رینجرز ، پولیس اوردیگرقانون نافذ کرنے والے اداروں کے ساتھ ساتھ حکومت سندھ کو بھی آئین پاکستان
کے تحت کام کرنے کے سخت احکامات دیں، ندیم نصرت

متحدہ قومی موومنٹ پاکستان کی رابطہ کمیٹی کے کنوینر ندیم نصرت نے معروف قانون داں سید اقبال کاظمی ایڈوکیٹ کی بلاجواز گرفتاری کی شدید الفاظ میں مذمت کی ہے ۔ ایک بیان میں ندیم نصرت نے کہاکہ سید اقبال کاظمی ایڈوکیٹ نہ صرف ایک معروف وکیل ہیں بلکہ ایک تنظیم پاکستان قومی موومنٹ کے سربراہ بھی ہیں ۔اقبال کاظمی ایڈوکیٹ نے 21 جنوری کو پاکستان قومی موومنٹ کے زیراہتمام عائشہ منزل سے قائد اعظم کے مزار تک عظیم الشان ’’استحکام پاکستان ریلی ‘‘کے انعقاد کا اعلان کیاتھا۔پاکستان قومی موومنٹ کے رہنماؤں کے مطابق اس ریلی کے اختتام پر لندن سے متحدہ قومی موومنٹ پاکستان کے بانی وقائد جناب الطاف حسین کو مواصلاتی نظام کے ذریعہ عوام سے تاریخی خطاب اور اہم اعلانات کرنے تھے ۔ ندیم نصرت نے کہاکہ 21 جنوری سے قبل ہی سندھ حکومت کی ایماء پرایم کیوایم کے درجنوں کارکنوں کے ساتھ ساتھ ر ابطہ کمیٹی کے نگراں ، معروف قانون داں اور سابق جج ساتھی اسحاق ایڈوکیٹ کو رینجرز نے گرفتارکرکے شدید تشددکانشانہ بنایاتھا اور آج رینجرز اورپولیس نے حکومت سندھ کی ایماء پر سید اقبال کاظمی ایڈوکیٹ کوبھی گرفتارکرلیاتاکہ 21 جنوری کو استحکام پاکستان ریلی کا انعقاد نہ کیاجاسکے اورملک دشمن عناصر کے کہنے پر استحکام پاکستان ریلی کے انعقاد کی تمام تر نیک کوششوں کو ناکام بنایاجاسکے ۔ ندیم نصرت نے کہاکہ خدشہ ہے کہ حراست کے دوران سیداقبال کاظمی ایڈوکیٹ کو شدیدجسمانی تشدد اورذہنی اذیت کا نشانہ بنایاجارہاہے جس ان کی زندگی کو شدید خطرات لاحق ہیں۔ انہوں نے انسانی حقوق کی تمام تنظیموں اور وکلاء برادری کی انجمنوں سے اپیل کی کہ وہ حراست کے دوران سیداقبال کاظمی ایڈوکیٹ کو ظلم وبربریت کا نشانہ بنانے اور ان کی ناجائز گرفتاری کے خلاف آواز بلند کریں۔ ندیم نصرت نے وزیراعظم پاکستان میاں محمدنواز شریف سے مطالبہ کیا کہ خدارا !!سندھ میں ایم کیوایم کے کارکنوں اورہمدردوں کی غیرقانونی گرفتاریوں کانہ ختم ہونے والا سلسلہ بندکرایاجائے ، رینجرز ، پولیس اوردیگرقانون نافذ کرنے والے اداروں کے ساتھ ساتھ حکومت سندھ کو بھی آئین پاکستان کے تحت کام کرنے کے سخت احکامات دیے جائیں اور سید اقبال کاظمی ایڈوکیٹ کو غیرمشروط طورپر رہا کیاجائے ۔
***** 
1/17/2026 7:12:43 AM